มื่อนี่ ลั่นลันลา สบายๆ เคลียร์งานจบ กะเลยได้มาเลาะเล่นในบ้านมหาจ้า
แล้วกะเลาะเบิ่งไฟล์รูปเก่าๆของจะของ พอดีไปพ้อรูป ไปแคมปิ้งที่เขาใหญ่มา บรรยากาศดี
กะเลยเอามาให้เบิ่งนำกันจ้า เพื่อมีไผ๋อยากไปพักผ่อน ผ่อนคลาย
สบายๆ ก็เชิญเด้อจ้า หาโอกาสให้กับชีวิตจะของ จะได้มีพลังในการดำเนินชีวิตต่อไปจ้า
ที่นี่กะมาๆมาเบิ่งรูปนำกัน
[COLOR="Green"]บ้านพักในสวนยาง กลางเขาใหญ่ฝั่งปราจีนจ้า กว่าจะเดินทางมาถึง ต้องผ่านลำห้วยลำธาร
ภูเขา สูงชัน ขับรถไปตามธารน้ำเด้อจ้า บ่แม่นถนนดอก เข้าไปลึกเติบ กว่าจะถึงสวนยาง จนชวนให้คิดว่า จะมีสวนยางที่กว้างใหญ่อยู่บ้อฮึหนิ/COLOR]
พอมาถึงแล้วก็เป็นอย่างที่เห็นนี่หล่ะจ้า
สวนยางกลางเขาใหญ่ ประมาณ 500 กว่าไร่จ้า
เข้ามาถึงสวนก็ดึกแล้วบ่ได้เห็นหยัง ตื่นเช้าก็เลยเลาะเบิ่งคนงานเพิ่นกรีดยางจ้า
กรีดแล้วเพิ่นกะเอามาเข้าเครื่องทำเป็นยางแผ่นกันจ้า
ยางสีขาวสวยงามมากจ้า
ย่างเลาะเมื่อยแล้วกะเข้าครัวก่อนเด้อพี่น้อง
หอมๆขนมปังจากเตาขนาดเลยจ้า เตาปิ้งขนมปังเพิ่นกะทันสมัยขนาด คิคิ เป็นได้ทั้งกระทะจ้า
แล้วกะได้เวลาหม่ำๆๆจ้า สมาชิกทุกคนมาพร้อม ก็ลุยกันเลย มาเด้อพี่น้องมากินข้าวเช้านำกันจ้า เป็นฝาหรั่งจักหน่อยก่อนมื่อนี่ คิคิ
พอท้องอิ่มแล้ว กะมีแฮงนั่นตั้วหล่ะพี่น้อง หาหม่องไปท่อนั่นแหล่วจ้า อยากไปเห็นทะเลหมอกพ่ะนะ หาหม่องนอนใหม่ ที่ใกล้ๆดาวว่าซั่นสมาชิกเพิ่นว่า
กะเลยต้องอพยพโยกย้ายหม่องนอนใหม่ในคืนนี่ ไปอีกยอดเขาหนึ่ง เป็นสวนยาง 300 กว่าไร่ เพิ่งปลูกใหม่เทิงยอดเขาจ้า ฮ่วยๆเว่าเป็นตาน่าสนใจแท้
ไป่กะไปแล้วนั่นแหล่วจ้า มาๆๆไปเบิ่งนำกันซั่นพี่น้อง
นี่หล่ะจ้าทะเลหมอกเทิงเขาใหญ่ ฝั่งเขาแผงม้า ปราจีน ขนาดว่ายามแลงๆ บ่ายสี่โมงแล้วหมอกยังเต็มอยู่เลยจ้า
พอย่างชมวิวถ่ายรูปกันจนคักใจแล้ว กะหาหม่องกางเต้นท์ตั้งแคมป์ท่อนั่นแล้ว เลือกๆๆ
เอาหม่องลานหญ้า กว้างๆ แต่เบื้องหลังเป็นหน้าผาสูงชันมากๆ เหลียวลงไปกะ.....หดพู้นหล่ะจ้า สำหรับท่านผะชายน่ะ คิคิ
นี่หล่ะจ้าเต้นท์นอนฝีมือการกางของคะน้อย
อากาศบนเขาใหญ่เดือนกุมภาฯ ยามกลางคืนกะเย็นๆหนาวๆจักหน่อยอยู่จ้า ปิ้งๆย่างๆ
กับแคมป์ไฟกะเลยไปกันได้ดีขนาดจ้า มากินปลาย่าง บาบีคิว นำกันเด้อพี่น้อง ฝึมือการย่างของพี่สาวจ้า
หลังอาหารค่ำแล้ว อั่นเต้นท์ที่กางไว้น่ะ บ่ได้นอนดอกพี่น้อง ย้อนว่าเพิ่นอยากพากันนอนชมดาวว่าซั่น ก็เลยนอนกันนอกเต้นท์นั่นหล่ะ ไผใคร่หลับกะหลับไป ไผใคร่เล่าเรื่องก็เล่าไปสลับกันเล่าสลับกันฟัง พอเดิกๆๆข่อนกะหลับป๋ากันจ้า ตื่นขึ้นมาอีกเทื่อ ได้ยินเสียงม้าแล่น ฮ่วยเช้าแล้วตั้วหนิ คนงานพาลูกม้าออกมาแล่นเล่นจ้า ปาดบรรยากาศยามมื่อเช้า กะได้ใจอีกแล้วจ้า ตื่นไปแล่นแข่ง โอ๊ะ ไปแล่นเล่นกับลูกม้าก่อนเด้อจ้า คิคิ
ความสุข ความสะดวกสบายทั้งหลาย ก็ต้องขอบคุณ พี่สาวที่แสนดีคนนี่จ้า พี่เจี๊ยบ เจ้าของไร่ที่ใจดี กับน้องเสมอๆ
บ่ว่าสิต้องการหยังเพิ่นจัดการหาให้หมดเลยจ้า หน้าฝนปีนี้กะว่าสิไปกันอีก ได้บรรยากาศลุยๆน้ำเข้าไร่ไปอีกแบบจ้า มาเด้อพี่น้องมาไปลุยนำกัน
"ไป่บ่อ้ายไปนำน้องบ่" ทริปลุยเขาใหญ่จ้า:l-
Bookmarks