กำลังแสดงผล 1 ถึง 4 จากทั้งหมด 4

หัวข้อ: รักไทย

  1. #1
    บ่าวอุบลมิวสิค
    Guest

    รักไทย

    พี่น้องเอ้ยยย ไทยสิเป็นเมืองขึ้น ของเกาหลีแล้วหรือไป่
    เทิงเด็กน้อยผู้ใหญ่ ละครไทยเผิ่นบ่สิ่ง เทียวเว้าแต่เกาหลี
    คันแม่นเป็นแนวนี่ สิดีใจได้หรือบ่
    ว่าคนไทยนี่น้อ ยังฮักหมั่นแก่นสาร
    บ่ได้ดูหมิ่นต้าน ความคึดบ่คือกัน
    แล้วแต่ใจไผมัน สิดึงกันบ่มีได้
    แต่ให้เห็นใจไว้ ของไทยๆนำแหน่
    อย่าให้ของอื้นพุ้น มาเว้าว่าบ่ดี ซั่นแหล่ว พี่น้องเอยย





  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8

    Re: รักไทย

    อันว่าไทยเฮานี่แนวมันดีบ่มีว่า แนวภาษาสอดคล้องทำนองเว่าเพิ่นกล่าวขาน
    แต่ว่าทางเกาหลีพุ้นเพิ่นส่างมาหล่อแทะน้อกร ยามเอื้อยนอนกะฝันเห็น ผุเพิ่นเป็นพระเอกพุ้น
    เทิงเจ้าหญิงวุ่นวาย เทิงเจ้าชายกะล่อน ส่างมาหล่อถึกใจ ...แล้วยังมีอ้ายเรน ผุหล่อหลายเอาเหลือล้น
    แต่กะมักบ่โดน ดอกหล่า เดวกะมีผุมาใหม่ บ่ลืมไร ..ดอกบ้าน อิสานเฮา ฮักคือเก่าน้องหล่าเอ้ย

    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  3. #3
    atirat
    Guest

    Re: รักไทย

    อันว่าเมืองไทยนี่มีดีให่เขาส่า...อยู่ดอก
    บัดซอดองโยพุ้นนามาคือดีกะด้อพอล่อข่อยไห่นำ
    เทิ่งนางเอกซ้ำกะงามคักเอาอีหลี
    เถิงเสาร์อาทิตย์ทีข่อยกะถ้าหน้าจอโลด
    กะบ่แม่นเว้าโพดละมักคักเอาหลาย
    กะพออยากพายใส่กะต่ามาบ้าน...พุ้นแหล่ว..
    แต่ว่าของแนวนี่หาจีรังยั่งเที่ยง
    บ่คือของในเมืองตู่เฮาดอกอ้าย
    อันว่าเมืองไทยนี่มีดีอยู่หลายอย่าง
    ประเพณีพ่อแม่สร้าง อย่ามาม้างให้ส่งเสริม
    วัฒนธรรมเพิ่นพาเริ่ม ทางภาษาเพิ่นพาก่อ
    ตั้งเป็นเมืองขึ้นขึ้นพ่อว่อเฮามาต่อให้ฮุ่งเฮือง
    ฮักบ่มีมื้อม่างฮักทุกอย่างที่เป็นไทย

  4. #4
    kuru
    Guest

    Re: รักไทย

    ขอบพระคุณทุกท่าน อ่านผลงานผู้ข้า จาผญาต้านต่อ
    มูนมังตั้งแต่พ่อ มรดกตั้งแต่เค้า บ่เผยเว่าสิสาบสูญ
    อย่าพากันหลงพู้น สีแสงแห่งบ้านอื่น
    เข้านั่นแหลว สิพากันเว่าพื่น อีสานเค้าลืมเก่าหลัง
    ให้เจ้าคึดต่อตั้งอนุรักษ์ผญาแหน่ ของโบราณ ของอีสานแท้ๆ อย่าไลถิ่มปล่อยป๋า
    ไปทำงานหรือว่าไปขายค้า ด้าวถิ่นแผ่นดินไกล อย่าได้ลืมพงศ์พันธุ์ อีกทั้งพ่อแม่เค้า
    ฮ่าบาดเถิงยามเฒ่า สิพากันโอ้อ่าว อยากต่าวคืนเมือบ้าน ไปเซิ้งแห่บั้งไฟ
    เป็นจั๋งได๋พี่น้อง สำบายดีซุคนบ่ ขอให้ได้พบพ้อ ควมเจ้าปรารถนา
    ฝากไว้แหน่ เทิงคุณลุงคุณป้า อาวอาเทิงน้าบ่าว เทิงพี่สาวกะพ่องนั้น อ้ายซายพ่อมพำกัน
    อนุรักษ์ให้ยืนมั่น มูนมังฮีตเก่า คันเฮาบ่สืบไว้ ภายหน้าหากสิสูญ
    อย่าไปหลงบ้านพู้น เพลงฝรั่งฟังสตริง มันคือลิงได้แหวน ใส่แขนแล้วบ่มีฮู้
    มันคือควายบักตู้ ไปกินมันฝรั่ง บ่เข้ากันคือหยัง ให้สืบไว้จ่ายผญา
    อีกเสียงแคนก่อนน่า เสนาะหูให้เบิ่ง ฟังให้เถิงแก่นแท้ เสียงพิณนั้นม่วนสำได๋
    และประการสุดท้าย ขออภัยเอาไว้แหน่ ผิดหม่องได๋ซ่อยกันแก้ จาวเว่าว่ากล่าวผม
    แหน่เด้อ พี่น้องเอย..............

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •