ไปยามเบิ่งนาก่อนน๊า

[ธิดายาเย็น]

หลังจากดำนาแล้ววั่งอาทิตย์ก่อน ฝนกะเทลงมาแบบบ่ลืมหูลืมตา อาทิตย์นี้กะเลยไปยามเบิ่งต้นข้าวก่อนน๊าว่าสิเป็นจั่งได๋..ไปนำกันป๊ะพี่น้อง
..ฮอดแล้วจ้าเถียงนาน้อยคอยรัก..

น้ำท่วมข้าวเบิด เบิ่งแน..ท่งนี้ล่ะที่สาวแจงดำ ซำพอน้ำท่วม อิอิ..

ขึ้นไปหานั่งเล่นเถียงก่อน..ที่เห็นนี้บ่แม่นโต๊ะกินข้าวเด๊ะจ้า โต๊ะขายของเล่นเด็กน้อย

เบิ่งแนจ้า มีทั้งกะโป๊ะ ก้อนหินเพิ่นเอามาเฮ็ดเป็นลูกชิ้นแมะ..

อันนี้ของจริงจ้า แม่ค้ากะลังตำบักหุ่ง


แผนกเตรียมเครื่องสิต้มไก่..


ตำบักหุ่งแบบบ้านอกเฮา แซ่บคักพี่น้อง..


ปิ้งไก่บ้าน รมควัน หอมๆๆๆๆ..ส่วนต้มไก่บ่ได้เอาภาพลงเด้อจ้าย้อนอยากอายหม้อต้มด๊ำ..ดำ..อิอิ..

..นี้ล่ะจ้า ชีวิตแบบง่ายๆของคนอิสานบ้านเฮา..:l-

[จ่าเหลือง]

โอ้ย... ปิ้งไก่บ้าน แต่ว่าคือมีขาเดี่ยวเจ้ อันเครื่องในเสียไปไส อิอิ

[ธิดายาเย็น]

เครื่องใน ผุเฒ่าเพิ่นว่าเด็กน้อยกินบ่ได้ตั้วน้อง มันสิมึน ผุเฒ่าเพิ่นเอาไว้กินเอง..อิอิ..

[ลุนนี ศรีเกษ]

เอ๋า อยากอายหม้อต้มไก่ ว่าซั้น อยากอายเฮ็ดหยังน้องแจงจ๋า หม้อต้มใส่ไฟฟืนมันกะดำ ถืกต้องแล้วจ้า เอามาลงต่อโลด จ่าเหลืองกะสิได้ฮู้ว่าเครื่องใน กับขาไก่อีกข้างหนึ่งยุไส เพิ่นจั่งสิส่วงนำคำถามเพิ่นหนา น้องแจงคนงามเอ้ยยยย

[Boom69]

เนี่ยแหละเอื้อย...ปาร์ตี้ลูกทุ่ง
ม่วน แซ่บ มีความสุข บ้านเฮา

[คนผู้ฮ้ายสายตามักม่วน]

จุจุจุ..แนมเบิ่งพี้น้องปิ้งใก่ มาเป็นตาบิใส่พ่งแก้มแล้วกะย่ำ จับสองสามเทื่อแล้วกะหล่วยหลายลงท้องซะเหลือเกิน แซบๆๆ อีกแล้วเอื้องผมครับ เอื้อยผม เรื่องกินไผ่อย่าคิดสู้

[sompoi]

สงสัยอยู่ว่า .. เป็นหยังอยู่พี้กะร้านราเม็งตั้งว่าหลาย งวกไปไสมีสุหม่องทุกระยะร้อยเมตร ..เพิ่นคือบ่เฮ็ดร้านก๋วยเตี๊ยวแบบบ้านเฮาขายแน่ะน้อหือ.. อยากกินก๋วยเตี๊ยวผักสดเด๊.......... คึดฮอดบ้านนนนนนนนนนนน...

[pui.lab]

บรรยากาศบ้านเฮา ธรรมชาติร่มรืนเนาะน้องแจง อยากไปเที่ยวนำเด้อยางเล่นท่งนา คึ คึ

[แหลวแดง]

ไปหากินข้าวนอกสถานที่นี้เองเนาะ บรรยากาศเป็นตาเจริญอาหารอี่หลีคับ แซบๆๆๆๆ

[คนบ้านบ้าน]

:*-...ซำพอน่ำท่วมป่า..ท่วมดง..ย่อนแม่แล่งไปดำนานี่เอง..ฮู่สาเหตุแล่ว:*-