:heart:เรื่องมีอยู่ว่า มีขี้เมาอยู่ผู้นึงซื่อว่าบ่าวจ่อย ๆ เราแหล่วเป็นคนมักเมา แล้วกะออกซิขี้โม้จักหน่อยนี่หละ คนฮู้กันเบิดบ้านหละ มื้อนั้นเรากะไปกินเหล้าขาวอยู่บ้านเหนือแถวคุ้มวัดโพ้นหละ เมาแล้วหละมื้อนั้นกะดาย บัดกลับเรากะย่างกลับบ้านซะแหล่วบะนี้ คือเมาแท้น้อมื้อนี้...ว่าซั่นว่า...เรานึกในใจน้า...ย่างมาจักหน่อยเรามาพ้อทิดมีบัดนี้(มักเมาคือกัน)เรากะเลยถามว่า........
บ่าวจ่อย : อ้าย ๆ ...เห็นหมู่ผมเมาเหล้ารีผ่านมาทางนี้บ่...(เมาเหล้าหยังกะอาการคือกันหละเนอะผู้ได๋ซิไปฮู้)
ทิดมี : บ่เห็นติหล่ะท้าว กูนั่งดูดมาโบโร่เบิ๊ดไปสองสามซองแล้วยังบ่เห็นไผผ่านมาจักตัวดิหละ (มือเผิ่นหล่ะพันยาเส้นต้วย ๆ อยู่ดอกว๊า) (ขี้โม้คือกัน)
บ่าวจ่อย : บ่เป็นหยังดอกอ้ายทิด...บ่กวนเจ้าดอกเดี๋ยวมาโบโร่เจ้าไฟซิดับ...ว่าซั่นหว้า...(เราเว้าใส่น่า)
...บัดนี้บ่าวจ่อยเรากะย่างกลับบ้านน้า..ย่างไปได้สี่ห้าก้าวซั่นแหล่ว บัดฮากแตกมีแต่ส้มฝักเซี้ยนบัดนี้....:em01)tim:
Bookmarks