ขอแทะเล็มด้วยควมคึดฮอด

**เเมงสะดิ้ง** · 12-09-2010, 12:13

มื่อนี่เมียพ่อไหย่สูนอยากออกมาแถ-ลง
ถึงประเด็นนี้เด้อจ้า ว่าท่านี่เลาบ่ได้ยืนคุยทอสับเด้อพี่น้อง ฮ่ะฮ่า
เพิ่นเอามืออุดหูตั่ว หย่อนลมออกหูหวี่ๆ กะครั้งแรกในชีวิตกับรถไฟฟ้าเนาะ

ใจเลาสิหลาดสิขูดให่ได้วาสั่น "รถไฟฟ้ามาหานะยาย" บึ๊ย พุ่นเด๊ะ

"สถานนีต่อไปสยาม ท่านที่ต้องการเปลี่ยนกิ๊กใหม่
กรุณาสับรางเองได้ที่สถานีนี้นะคะ" พ่ะนะ เพิ่นวา

อันๆ ควมสะแลนเดอร์กะคือกันนั่นล่ะกับลูกสาวเพิ่น เลางามได้ลูกสาวตั่ว
หย่างไปไสนำกันนิ่ บึ๊ย....จุจุ
วาแมนงัวงามคู่หว่ะ บ่แมนปากแปเว่าไปเองเด้อ อันนี่ขี้คุยคั่กๆ นิ่ล่ะ
:l-

พาไปไสไปเบิ๊ด...ปงไว่หม่องได๋กะได้เวียกยุตั่ว บ่ปากหยากปานได๋ดอก
ซงสิเว่านำยากแน่ะกะตั้งแต่มื่อวันศีลกับมื่อเลาบ่หมานท่อนั่นล่ะ

คุณสมบัติพิเศษของเมียพ่อไหย่สูน คั่นเว่าถืกข่อ บ่ต้องขอเลากะให่กินนำ กะจั่งหว่ะ
บ่กินข้าวเบิ่ดมื่อเบิ่ดเว็นเพิ่นกะหาได้ใส่ใจไม่ ขอต่ะได้หย่ำหมากเบิ่ดกะต่าเลากะพอใจล่ะ

บ่มีผะได๋ใจดีคือเลาอีกแล่วพี่น้อง เอ๊ย...
หมั่นขนาดกะคือได้ตระเวนเดินสายผูกเอาแขนลูกเขยกิ๊กทั่วราชอาณาจักรสั่นแหล่ว

พอปากว่างคายคำหมากได้ เลากะฟ่าวเอิ้นใส่ปอบกับห่ามาจกตับจกไส้
ไลเลือดไลยางลูกหลานออกมาจำหน่ายนั่นตั่ว
มีน้ำใจเอื้อเฟื้อเผื่อแผ่ต่อทุกสรรพสิ่งขนากหนักกะจั่งหว่ะ

โอ๊ยเดาะ ขอจบการต้อยการตอด หยิกและหยอกเมียพ่อไหย่สูนไว่ส่ำนี่ล่ะเนาะ
เด่วอิพ่อไหย่สูนเลาสิเคียส วาแล่วกะสิหลอยโทรไปกำนมเหี่ยวๆของยายทองพูนก่อนน๊า...

ลิขสิทธิ์บน YouTube Credit By : https://www.youtube.com/watch?v=1mAsyDFCyqY

**บ่าวหนองคาย** · 12-09-2010, 12:48

บ่าวหนองคายกะเคยขึ้นอยู่ครับ รถไฟฟ้าบีทีเอช....ซำบายขนาดจ๊วดดดเลย:l-:l-

**คนตระการ...** · 12-09-2010, 13:06

เบิ่งภาพแม่ลูกแล้วอบอุ่นดีเนาะ
ยายดิ้ง... คุณแม่ของยายคือกับคนที่แสดงมิวสิคเพลง แสนห้าฆ่าพี่ เนาะผมว่า ว่าสิท้วงแต่โดนแล้
(ขอนุญาตเด้อที่ท้วง)...

**ลาวดีน้อย** · 12-09-2010, 14:09

ใต้ กะเคยเเล้ว บนกะเคยแล้ว เด้อิอิ รถไฟฟ้าใต้ดิน กับรถไฟฟ้าบนดินชั้นดอก อิอิ
ไปครั้งแรกกะปล่อยไก่เนาะบ้านนอกจักหน่อย พอได้หัวเราะ แม่นบ่ พี่บ่าวหนองคาย 555+

**ลาวดีน้อย** · 12-09-2010, 14:21

ปล. น้องคิดเหมือยพี่เอ๋ เลยจ้าแม่พี่ดิ้งเหมือนยายคนหนึ่ง

เคยเบิ่งวีชีดี เสียงอิสานบ่จ้า เวลาสิเล่นมันสิมีโฆษณา
ว่าเหตุด่วนเหตุร้ายกรุณาแจ้ง 191 ค่ะยายที่กระโดดเตะต้นกล้วยแมะจ้า
เคยเบิ่งบ่ว่าแม่นฝาแฝดกับแม่พี่ดิ้งเลยจ้า อิอิ

**เเมงสะดิ้ง** · 12-09-2010, 14:40

55555
ท้วงโลด คั่นบ่ท้วงนั่นตั่วแปลก
เพราะไทบ้านเพิ่นกะท้วงเบิ่ดบ้านนั่นล่ะ
กำลังหัดให่เลาเต้นกระโดดถีบกอก้วยยุ เอาผ้าเคียนหัวนำพ้อม
4พาเลาไปเทสหน้ากล้องจั๊กมื่อยุ เป้นคู่หูของคุณยายดาราคนนั่น

**ธีระปลัด** · 12-09-2010, 15:06

เอ๋าแม่บ่ครับคือสาวๆอยู่ วาแมนเพื่อนกันซุ่นดอกอิอิ

**พล พระยาแล** · 13-09-2010, 11:21

อยากเป็นลูกเขยแม่ใหญ่สูน กะย่านเลาฮ่ายให้ เห็นแต่ซือเลาดอกหวา

บาดว่าเห็นโตจริง เลาใจดีเด้ล่ะ ตำปลาแดกมาฝากลูกเขยพร้อม กรี๊ด ๆ

คิดฮอดแม่เถ่าเด้บาดเนี่ย อิอิ