ยังห่วงเธออยากเจอหน้า

[pcalibration]

แหม่นเผิ่นจ่มหาคุณตาหรือคุณพี่ทางได๋น้อ..55555
หือแหม่นคิดฮอดผู่บ่าวฟังลำซั่นบ้อคุณป้าครับ

[chudhancock]

อิอิอิ หลาน พีจ๋า ป้ากะเว้า แก้กลุ้ม มุมคนเหงา สาวใจหม่น คิดฮอดคน กำลังเว้า
คิดฮอดเจ้านั่นแหละจ้า อิอิอิ ลงจังซี่หล่ะ

[chudhancock]

อ้ายซายเอ๋ย ให่น้องถามแนเถาะอ้าย
ถามทางใจ มีน้องบอ น้องนี่น้อ
ยังห่วงเจ้า สุแลงเซ้า หล่ะพี่เอ้ย
ใจบอเคย สิลืมอ้าย ทางหัวใจ
ยังหมายฮ่วม ตอนนี่พวม คิดฮอดหน่า
สิเป็นบ้า อยากพบเห็น จั๊กแมนเวร
อีหยังแท้ นำรังแก ให่น้องห่าง
อ้ายกับนาง เลยห่างเว้น ได้ไกลโม้ม
ดอกห่างกัน คือหัวใจ ถืกบีบคั้น
ปานสิขาดนี่ใจตาย ย้านแต่เบิ๊ด ดอกความหมาย
ยามน้องไกล มาทางพิ่ หรืออ้ายมี
คนใหม่แล้ว เป็นจังได๋ อยากฮู้ข่าว
ทุกเรื่องราว อยู่ทางพุ้น อั่นโตอ้าย
ว่าจังได๋ คั่นยังมี หัวใจให่
สาวนาง นี่คือเก่า นางอยากพ้อ
หน่าเจ้า ทุกคำเว้าเป็นเรื่อง จริงนั่นแหล่ว อ้ายเอ้ย

[พลายแก้ว]

แม่นผุได๋ไผคนนั้น คนในฝันที่คิดต่อ
เฮ็ดให้ป้าชุดรอ มาล่อลวงหลอกป้า แล้วหายหน้าปานบั้งไฟ
บ่าวส่ำใหญ่หรือส่ำน้อย มาอ่อยล่อยแล้วหลบหนี
ใจป้าสิขาดตาม จนได้ถามนำเวปไซด์
บ่าวทางได๋มาใจแท้ คืนมาแมะมาตั้วะใหม่..อิอิ
คืนมาต่อแนวก่อไว้ อะสุให้ป้าคึดนำ
บ่าวฟังคำน้ำเสียงป้า เสียน้ำตาย่อนผุบ่าว
ลิโตนเลาคักแท้ จักสิแก้ซ่อยจั่งได๋
ว่าแล้วได้.. สิไปซวนอ้ายทิดจ่อย
แล้วไปอ่อยเอาอ้ายพีฯ พาไปนำบ่าวผุดีคนนั้น
อั๋นรูปพรรณสัณฐานเพี้ยง เพียงได๋ให้บอกกล่าว
เฒ่าหรือบ่าวส่ำได๋ป้า ลองจาต้านสู่หลานฟัง..เบิ่งดู๋..

ป่ะ อ้ายทิดจ่อย อ้ายพีฯ ไปนำหาผุบ่าวให้ป้าชุดเถาะ ลิโตนเพิ่น..55555

[ข้าวต้มมัด]

คุณป้าจ๋า น้องสาวหล่า กะตามหาดอกอ้ายกึ่ม
ขอยืมมือแน่เจ้า เฮาตามหาดอกนำกัน
อันตัวฉันผญ๋านั้น หย่านจ่อย หลายสิตาย
ได้คิดนำพี่ชาย เทิ่งอยากอาย กะพองนั้น
เฮาไปหานำกัน บอกกำนันประกาศข่าว
ให้เพิ่นต่าวมาซ้อน ออนซอนเด้อีแม่นาง




(อิอิ อยากหัว พาคุณป้าไปตามหากิ๊กเพิ่นก่อน)

[สะใภ้อิสาน]

ป้าขา เรื่อผญ๋าหนูไม่รู้
ได้ยินป้าเว้าวอนฝากเวปไซตถึงคนไกลว่าคิดถึง
ได้อ่านถ้อยคำที่ป้าเว้าวอน แสนเศร้าซึ้ง
ถึงใจคนใจเหงา ป้าขาแล้วเค้าจะได้ยินบ้างไหมว่าเราคิดถึง


มาจากใจที่อยากบอกป้าว่า นิก็คิดถึงป้านะคะ

[chudhancock]

อิอิอิ หลานข้าวต้มมัดจ๋า หลานบ่าวก๋าคามจ๋า หลานนิจ๋า

โอ้ย หลานข้าวต้มมัดจ๋า สิพาป้าไปตามหากิ๊กพะนะ อิอิอิ ปะๆ หลาน

หลานบ่าวก๋าคาม กะสิพาป้าไปนำหาผุบ่าว โอ้ย ก็มีเทิ้งบ่าวเฒ่า บ่าวบอเฒ่านั่นหล่ะจ้า หลานอิอิอิอิ พากันตามมาให้ป้าให่ได้เด๊ หลานป้าสิถ่า


หลานนิจ๋า ขอบใจจ้าที่คิดถึงป้า ป้าก็ไม่รู้เขาจะได้ยินเสียงป้าหรือเปล่านะ อิอิอิ ป้าก็คิดถึงนิเสมอเลยจ้า

[chudhancock]

มองเห็นลมพัดใบไม้ พัดยอดไผ่ได้เอนไกว นางบอสวยงามพอ
แมนหล่ะน้อจังลืมได้ อ้ายจากไปหายจ้อย ถิ่มน้องคอยจนเบิ๊ดท่า
กินน้ำตาอยู่สุมื่อ คือคนบ้ากะบอปาน ตั้งแต่อ้ายลาจากบ้าน
หายไปนานบอโค้งต่าว ลืมผู้สาวคนจังน้อง แล้วบ้ออ้ายซ่างบอมา
ฮู้บอน้อคนคอยถ่า สาวบ้านนายังเป็นห่วง หรือไปควงคนใหม่แล้ว
ซ่างมาถิ่มน้องปล่อยป๋า แท้น้อ แสงตะเว็นพาดง่าไม้ ยามตอนบ่ายใจฉงน
มาหลูตนโตเจ้าของ ได้แต่มองขึ้นเทิ้งฟ้า เจ็บอุราน้ำตาย้อย
คิดฮอดฮอยอั่นความเก่า อ้ายเคยจ๋าปากเว้า ข่อยฮักเจ้าแต่ผู้เดียว
หยังซ่างมาลดเลี้ยว เบี้ยวบิ่นอ้ายปิ่นหนี แสนเต็มทีน้องอุกใจ
ย้อนพี่ซายมาลืมสิ้น ลืมนาดินกินลาบก้อย อ่อมบักหอย แมงกุดจี่
ได้กินดีมีเงินฟ้อน อ้ายลืมก้อนแมนขี้ไถ น้องอยากพ้อแต่หน้าอ้าย
ก่อนความตายสิได้บอ น้องสิรอพ้อกับอ้าย มื่อสุดท้ายได้บอกลา
อ้ายเอ้ย

[หญ้านาง]

แสนสิคึดฮอดอ้าย
ในหัวใจปานไฟจี่
แสนสิคึดฮอดพี่
คนทางนี้เป็นห่วงนำ
อย่าลืมคำที่เคยเว้า
อย่าลืมเงาที่เคยฮ่วม
อย่าลืมควมปากเว้า
นำน้อง...หน่อพะนาง...อิอิ..มาเว้าม่วนๆนำเด้อจ้าคุณแม่

[chudhancock]

ขอบใจหลายๆจ้าลูกหญ่านางจ๋า โอ้ยจังแมนมวนเนาะจ้า กลอนผญา ลูกแม่นี่ เว้าอันได๋กะมวนไปเบิ๊ด
แม่ดีใจหลายที่ลูกเข้ามาซ่อยกันมวน เว้าเล่นไปตามประสา เนาะจ้า อิอิอิ