ยังห่วงเธออยากเจอหน้า

[chudhancock]

คืนที่เคยได้เห็นหน่า พร้อมกับคำสัญญา คืนนั่นยังจำจือ
เบอร์มือถือเคยให่อ้าย ยังเคยได้ติดต่อกัน ความสัมพันบอมีเลื่อน
บอเคยเปลี่ยนไปไส ยังคิดหาและอาลัย ว่าอยากไปดอกพบพ้อ
คิดฮอดน้ออยากเห็นหน่า ห่างไกลมาบอได้ซื่น ทุกวันคืนอยากพ้ออ้าย สิตายแล้ว หล่ะพี่เอ้ย

[หญ้านาง]

คึดฮอดเด้ออยากเจอหน้า
เบิ่งแววตายามฟ้าหม่น
คึดฮอดคนเคยเว้า
แลงเช้าเป็นหมู่กัน
คึดฮอดวันที่เคยซึ้ง
คิดถึงบ่มีห่าง
ยามหัวใจอ้างว้าง
อยากเคียงข้าง..อยู่บ่เซา.....มาแจมนำเด้อจ้า อิอิ

[บ่าวอิง]

อยากเจอแต่พ้อหน้ากันในเว็บก็ดีแล้วเด้อน้อง ดีกว่าบ่ได่เจอ

[chudhancock]

จ้าจ้า หลานหญ้านางจ๋า มาแต่ละเทือมีแต่เก่งๆมวนๆมาฝากป้าเนาะจ้า
ขอบใจมากๆเลย หลานจ๋าที่มาต่อเติมให้มวนๆ




ขอบใจหลานยานาพัด มากๆเลยจ้าที่มาเป็นกำลังแรงใจให้กับป้าซ่อยๆกันมวนเนาะจ้า

[บ่าวกบินทร์]

โอ้ยน้อ....คืออยากแต่งเป็นแท่น้อ.....
มาให้กำลังใจจ้า.....ละกะนำมาเชียร์ น้องหญ้านาง คนหยังซางมาเก่งแท่.....

[chudhancock]

เหงาหัวใจบอวายกลุ้ม มุมหนึ่งของชีวิต ฟ้าลิขิตให้เป็นเฮา
รับบทเหงาแสดงล้วน ทุกทั้งมวนหวนมาท่อน รับบทตอนหัวใจหม่น
คิดฮอดคนอยู่ทางพุ้น บอพานพ้อดอกพบเห็น จั๊กแมนเป็นอีหยังแท้
จากคนฮักที่เคยแคร์ แค่คำเว้าเขาบอเอ่ย เป็นเฉยเมยเลยละทิ่ม
โทรไปได้บอรับสาย เบิ๊ดความหมายแล้วทางนี่ ชีวิตมีแต่ขมขื่น
ทุกวันคืนมีแต่เศร้า ได้นอนเว้ากับน้ำตา สิหายาอีหยังแหล่ว
แนวหัวใจมันไข่ป่วย ถึงคราวซวยเพินลืมแล้ว เป็นแนวนี่กะบอไหว แท้แหล่ว

[บ่าวกบินทร์]

........อ่านแล้วเศร้าๆ แหมะครับ....แต่กะฟังม่วน......

[chudhancock]

ขอบใจหลายๆเด้อ หลานบ่าวกบินทร์ จ๋าที่แวะมาอ่านผญา ป้าอิอิอิ บอม่วนปานได๋ดอกเนาะจ้าย้อนว่าป้าปึก

[ทิดจ่อย]

แม่นจ่มหยังน้อแม่ป้าต่าหมากหายหรือว่าสายตาสั้นบ่อเห็นหุ่ง
ตั้งแต่ลุกจากมุ้งหรือเจ็บท้องปวดประดง รับบทโศกตั้งแต่เซ้า
จ่มว่าเหงาเขาคนนั้นลืมคนเก่า หนีไปมีคนใหม่แล้วลืมแฟนเค้าที่อยู่คอง
ดูแลเจ้าของแหน่เด้อป้า ใส่เสื้อหนาๆ เถิงเวลานอนให้หาผ้าตุ้มห่ม
เถิงหว่างต้นหัวลมปลายฤดูฝนน้ำหมอกย้อย เดี่ยวเป็นไข้บ่อสบาย
ฮักเจ้าของเข้าไว้ไปทางไกลให้คิดฮอดบ้านเก่า
คันมะลูดทูดเท่าให้กลับบ้านถิ่นอีสาน....พะนะ

ผญาม่วนเน๊าะครับป้า ...มาให้กำลังใจครับ

[chudhancock]

ทิดจ่อยเอ๋ย ป้ากะจ่มไปเรื่อยๆ คิดเรื่อยเปื่อย ตามประสา
การ เว ลา นำพาไป แนวได๋ๆกะคิดพ้อ คิดฮอดกอคิดฮอดเค้า
คิดเรื่องราวไปต่างๆ ตาบอฟางดอกแจงแจ้ ยังเห็นฮุ่งแจ่มสบาย
ต่าหมากหาย บอแมนแหล่ว แนวได๋ๆกะยังอยู่
นอนเฝ้าอยูสุมื่อ ไผ๋สิกล้ามาลักเอา อิอิอิอิ

ขอบใจหลายๆเด้อหลานทิดจ่อยจ๋าที่แวะมาเป็นกำลังแรงใจให้ป้า ขอบใจสำหรับสิ่งดีๆที่เป็นห่วง