กำลังแสดงผล 1 ถึง 5 จากทั้งหมด 5

หัวข้อ: ทุกนาที...ยังมีเจ้า..

  1. #1

    ทุกนาที...ยังมีเจ้า..

    ทุกนาทียังมีเจ้า เช้าสายบ่ายหรือเย็น
    กะคิดเห็นตั้งแต่เธอ คิดฮอดเด้อ...แฮงด้วย
    บ่เคยอ่วยเอียงย้าย บ่เคยป้ายแปะผุอื่น
    บ่เคยลื่นล่วงล้อ ส่อหล่อต่อผุได๋
    บ่เคยไกลจากข้าง หม่อมพะนางยาใจพี่
    บ่เคยหนีจากคิดถึง คณึงนำอยู่เหมิดมื้อ
    คิดถึงคือความจริงแท้ แปลว่ารักหมดใจ
    ส่งมาให้คนตาหวาน อย่ารำคาญอ้ายเด้อน้อง
    เพราะอ้ายคองคอยบ่ได้ รอบ่ไหวเทศกาล
    ยังอีกนานดนหลาย ย่านแม่นตายเพราะคิดฮอด
    เลยเที่ยวหยอดอยู่หยั่งมื้อ อย่าถือสาอ้ายเด้อสาว
    พอให้เหงาบางเบย เหยจากใจไปจักหน่อย
    กะยังคอยอยู่เด้อหล่า ยามโทรหาเจ้าบ่ว่าง
    ได้นั่งฟังเพลงรอสาย กะสุขใจพี่ซายแล้ว...


    :l-:l-:l-
    แก้ไขครั้งสุดท้ายโดย พลายแก้ว; 18-09-2010 at 08:05.


  2. #2
    :l-จอบอ่านผญาอ้ายตะเช้า(สายเติบ) สุดยอดฝีมือคือเก่าจ้า มื้อหลังสิมาดวลนำจักบทสองบทจ้า แต่งเขียนไว้ยุแต่สิเป็นจั่งได๋ดอกจ้า แต่ว่าเขียนมาแบบนี่บ่ต้องสงสัยว่าในใจคิดหยังยุ แอบรักแอบคิดฮอดผุสาวพะนะ

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    รอสายใจคิดฮอดพะนะ หุยๆๆๆ ครูข๋า มาหาเอาผญา ไปเว้าบ่าวติน้อ

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ทุกนาที ที่มีน้อง เฮาเทิ้งสอง เคยเว้าว่า
    เคยสัญญา ต่อหมั่น บอผันปิ้น ดอกปิ่นหนี
    บ่าวผุดี น้อคืออ้าย ฮักเบิ๊ดใจ บอไหวหวั่น
    ข่อสำคัญ คือคำเว้า สิเอาอ้าย เป็นคู่นอน
    นี่แหล่ว อ้ายเอ้ย

  5. #5
    วินาทีมีแต่อ้าย
    หลายนาทีมีแต่พี่
    ทุกชั่วโมงเดียวนี้
    กะมีอ้ายแต่ผุเดียว
    จากคืนเหลียวเป็นวันมื้อ
    ถือสัจจังยังหมั้นเที่ยง
    ใจบ่เดี่ยงเอียงค้อย
    สัปดาห์จ้อยค่อยเป็นเดือน
    ใจบ่เลือนจากอ้าย
    หลายเดือนเป็นปีกว่า
    ฟ้าสิมัวดินสิม้าง
    ใจบ่ฮ้างเป็นหมู่ดิน
    ...ดอกจ้า พะน๊าพะนะ (มื้อนี้ซงแปลกๆจั่งได่ดอก อิอิ)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •