หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 25

หัวข้อ: แทนความรู้สึก "ข้าวต้มมัดปาร์ตี้"

  1. #1

    เรื่องฮิตน่าอ่าน แทนความรู้สึก "ข้าวต้มมัดปาร์ตี้"

    สิบนิ้ววันทาไหว้ คุณพระพุทธ พระธรรม พระสงฆ์
    ขอดำรงค์ คุณความดี อย่าได้มีภัยฮ้าย
    อยากจะบอกความในใจ ประทับใจบ้านมหานิ
    ได้สัมผัสยอีหลี น้ำใจดีแท้ อรรศจรรย์แผ่ให้ฮักกัน
    อันตัวฉันข้าวต้มนั้น ได้สังสรรค์ก่อนสิจาก
    ได้พลัดพรากจากพี่น้องทางนี้ไปอยู่ไกล
    แทนความรักฝากไว้ แทนคนในบ้านมหา
    ก่อนสิได้ล้างลา เวรนำพาต้องลาแล้ว
    จากดวงใจของน้องแก้ว นางนี้สิบ่ลืม


    ฉันได้พบคนที่ปลื้ม คืออ้ายกึ่มคนไค
    เฮ็ดโตได้ดีหลาย คือพี่ชายสายเลือดแท้
    ขอเฉลยนามแน่ นามเพิ่นแท้บ่าวเซียงน้อย
    พบดีเจสาวผุฮ้าย ชื่อบ่อสมหลายคักแน่
    ให้แปลกลับเด้อพี่น้อง(สาวผุงาม)
    พ้อดีเจอ้ายพระยาแล(พล) เห็นตัวจริงคักแท้ พระเอกนั้นกะบ่อปาน
    ได้พบพานเพื่อนพ้อง อ.พ.รุ่นเดียวนิ
    อรรศจรรย์ใจอีหลี นามเพิ่นตี้ชื่อว่าปั้ม ผิวคล่ำดำดี
    ได้น้องใหม่ว่านั้น สาวน้อยไอดิน
    ได้พบอ้ายพนมไพร ชือมวนหลายใจดีพร้อม
    เสียงเพิ่นคือเสียงฆ้อง มาลัยจองจากผุสาว
    ได้เห็นบ่าวตระการ สาวตาหวานแมงงอดน้ำ
    เพิ่นมีผุติดตาม เฒ่าพาโลโก้เอานิ
    พ้ออาวอ้วนนำสั่นตี้ มีบ่าจัยกับอ้ายต่วง คนต่อพ่วงคือฝนหลวง
    ข่อยสาวดวงจำปานามผญ๋าข้าวต้มมัด
    คนจัดเพลงกะแห่งเท่ เก๋แท้อ้ายทิดรส
    ยังบ่อหมดคนสุดท้าย คืออ้ายจ่าเหลือง


    ได้ชำเลืองเวลาแล้ว ถึงเวลาสิโค้งต่าว
    ถึงคราวต้องพลัดพรากลาล้างห่างไกล
    ความคิดถึงฝากไว้ ออกจากใจหมดทุกอย่าง
    ขอจงสุขสมหวัง วรสวัสดี
    จงมีแก่พี่น้อง บ้านมหานี้ทุกทุกคน
    อายุ วัณโณ สุขขัง พลัง สาธุ
    แก้ไขครั้งสุดท้ายโดย ข้าวต้มมัด; 19-09-2010 at 06:18.


  2. #2
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    ดีใจกับข้าวต้มมัดเด้อจ้าที่ได้กลับมายามเมืองไทยเฮา
    ปานนี้คือสิอยู่อิตาลี่แล้วเนาะครับ ปีหน้าฟ้าใหม่กะให้ได้มายามกันอีกเด้อครับผม
    และได้มีโอกาสให้พี่น้องบ้านมหาทางคุ้มสามเสน และตัวแทนคุ้มบูรพาได้ให้การต้อนรับ
    ส่วนรูปภาพประกอบนั้นน่าเสียดายเป็นอย่างยิ่งที่ได้เฮ็ดเสียหายไป
    จะพยายามหารูปที่มีเหลืออยู่มาลงประกอบให้เด้อครับ







    แก้ไขครั้งสุดท้ายโดย อาวอ้วนเมืองยศ; 20-09-2010 at 12:17.

  3. #3
    ดูแลตรวจสอบเนื้อหา สัญลักษณ์ของ wundee2513
    วันที่สมัคร
    Aug 2006
    ที่อยู่
    ตามภารกิจ
    กระทู้
    1,167
    บล็อก
    11
    สุดยอดเลยผญาสาวข้าวต้มมัด
    จังแม้นเจ้าจัดได้ดีหลายเด้อสิบอกให้
    ข่อยอ่านหลายรอบแล้วแม้นถูกใจ
    เรียนมาจากไสหน้อช่วยบอกแหน่

    จังได่ก็ขอบคุณหลายๆเด้อ
    บ่ได้เผลอมาแกล้งเว้าแหย่
    คักหลายผญาเจ้าคักแท้ๆ
    เจ้าบ่แพ้ไผเลยที่ข่อยเคยอ่านมา ...

  4. #4
    ร่วมถ่ายทอดความรู้สู่สังคม สัญลักษณ์ของ บ่าวอิง
    วันที่สมัคร
    Aug 2007
    กระทู้
    926
    คือมากล่าววาจานั้นออกมาทางปลายปากกาได่คักแหน่
    อยากสิไปร่วมโฮมพี่น้อง แต่งานตี๋มาจ่อคอสิขาดเอาเด้อเด้อ ไปละคับ

  5. #5
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876
    น้องข้าวต้มมัด เอารูปมาตั้งกระทู้ให้พี่น้องเฮาได่เบิ่งนําเด้อครับ ถ้าบ่อสะดวกก็ส่งรูปมาให้อ้ายก็ได้ทางเมล์ หมายเหตุ ส่งเมล์น้องไอดินให้อ้ายนําเด้อ ทางกล่องจดหมาย

  6. #6
    Miss Papaya
    ศิลปิน นักแสดง
    แม่ครัวบ้านมหา
    สัญลักษณ์ของ สาวผู้ฮ้าย
    วันที่สมัคร
    Jun 2008
    กระทู้
    1,332

    เรื่องฮิตน่าอ่าน ทำบุญร่วมกัน

    หลังจาก งานเลี้ยงส่ง เพื่อนรักอีกคนหนึ่ง (คนบ้านเด๋ยวกัน)ฮ่าๆๆๆๆๆ กะได้นัดหมายเพิ่น ไปทำบุญ ถวายเพลที่วัด (บวร) บางลำภู คิดว่าเป็นโอกาสดีมากๆๆๆจ้า
    ทำบุญร่วมกัน
    ก่อนจะเริ่มลงมือตำขอ จักแก้วก่อนจ้า อิอิ:b-b
    ทำบุญร่วมกัน
    เริ่มจัดของถวายจ้า
    ทำบุญร่วมกัน
    ทำบุญร่วมกัน
    ทำบุญร่วมกัน
    ทำบุญร่วมกัน
    ตามไปตำถึงวัดจ้า
    ทำบุญร่วมกัน
    ทำบุญร่วมกัน
    ได้เวลาถวายเพลแล้่วจ้า
    ทำบุญร่วมกัน
    ทำบุญร่วมกัน
    ทำบุญร่วมกัน
    ผจก. ตามไป สั่งงาน ฮ่าๆๆๆๆ
    ทำบุญร่วมกัน


    หมายเหตุ:รูปภาพงานเลี้ยงตอนกลา่งคือคิดจะบ่มี เพราะว่ากล้องของข้าวต้มมัด ภาพหายเหมิด พะนะอ้ายบ่าวเชียงน้อย
    แก้ไขครั้งสุดท้ายโดย พล พระยาแล; 19-09-2010 at 21:13.

  7. #7
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    ยินดีได่ฮู้จักน้องข้าวต้มมัด (น้องยุ้ย) ครับ น้องสาวที่น่ารัก ที่มายามบ้านเกิดเมืองนอน หวังว่าโอกาสหน้าคงซิได่พ้อน้องยุ้ยอีกเนาะ แต่งพญาได่ดีคักน้อง

  8. #8
    ร่วมถ่ายทอดความรู้สู่สังคม สัญลักษณ์ของ ปั้ม อาภัพ
    วันที่สมัคร
    May 2010
    กระทู้
    373
    ดีใจนะที่ได่พ้อเพื่อนร่วมรุ่น ขอไห่เพื่อนมีความสุขกับชีวิตต่างแดนเด้อ ปีหน้าฟ้าใหม่พ้อกัน

  9. #9

    ตอบบ่าววันดีจ้า

    เสียดายเด้บ่มีเจ้า อ้ายบ่าววันดี
    อยากให้มีนำกัน คือสิมวนคักแท้
    ตัวสาวหล่าสิแย่ คิดฮอดหลายคิดนำหมู่
    ได้อยู่นำพี่น้องคีอฟ้าแล๊ปกะบ่ปาน

    อันสาวหล่าผญ๋าต้าน เขียนไว้ในบทกลอน
    จบจากอุดรพิทย์ฯ อยู่ในเมืองพุ้น
    ขอขอบคุณที่อ้ายชายนี้ แมนชมเกิน
    น้องพึ่งหัดเดินได้ หย่างทันไกลคือหมู่เพิ่น
    เฮ็ดให้เขินแท้น้อเจ้า มาเว้ามวนนำ
    แก้ไขครั้งสุดท้ายโดย ข้าวต้มมัด; 20-09-2010 at 22:32.

  10. #10
    ดูแลตรวจสอบเนื้อหา สัญลักษณ์ของ wundee2513
    วันที่สมัคร
    Aug 2006
    ที่อยู่
    ตามภารกิจ
    กระทู้
    1,167
    บล็อก
    11
    หล่าข้าวต้มมัดเอ้ยก่อนอื่นขอบอกชื่อ
    ที่ใช่ก็คือ"วันดี" ว่าวุ้นดีบ่แม้นเจ้า
    ดีใจหลายเด้อได้ฮู่จักคนบ้านเฮา
    บ้านข่อยกับบ้านเจ้าก็อยู่ใกล้ๆกัน

    ข่อยเป็นคนนครพนมโดยกำเนิด
    แต่เตลิดไปอยู่ทั่วทีบอยู่ปานนั้น
    คนพลัดถิ่นเด้อเจ้าตอนนี้อยู่อรัญฯ
    พอสำนั่นแล้วหล่าชีวิตคนสัญจร

    ข่อยนี้ออนซอนหลายผญาเจ้า
    จนว่าเฒ่าข่อยกะบ่เคยเรียนมาก่อน
    เห็นผญาเจ้านี้ข่อยสะออน
    ว่างกะสอนให้แหน่เด้อคนเก่งเอย...

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •