กำลังแสดงผล 1 ถึง 7 จากทั้งหมด 7

หัวข้อ: ซุปหมากแตงใส่งาคั่ว

  1. #1
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24

    เรื่องฮิตน่าอ่าน ซุปหมากแตงใส่งาคั่ว



    พ่อว่อมาอีกแล้วพี่น้อง เจ้าเก่าสูตรเดิมอาหารเน้นหน้าตาดีไว้ก่อน ฮ่ะฮ่า ฮิ๊ว...
    ส่วนรสชาติพากันปรุงเอาเองเด้อ ให้เหมาะกับปากและลิ้นของซุมหมู่เจ่านั่นล่ะ
    ยายคนปากแปกินเผ็ดบ่ได้ดอก เผ็ดได้ส่ำเห็นในจานนิ่ล่ะ
    "ซุปบักแตงใส่งาคั่วกับปลาทูน่ากระป๋อง"



    ซุปหมากแตงใส่งาคั่ว



    เครื่องปรุงกะมี

    +เครื่องหอมค่ะ แล้วแต่ควมสะดวกควมมักสิเป็นต้นหอม ผักแป้น สะระแหน่ หอมแดงหรืออันได่กะตามซ่างที่มีในครัว
    +แตงลุกใหญ่ๆ เทิ่งอ้วนเทิ่งยาวปอกเปลือก สิขูดเป็นเส้น หรือสับก็เซินตามลำบาก
    เอาเฉพาะเนื้อแตงเด้อล่ะ เฮ็ดให้เส้นยาวๆ เด้อล่ะ มันจั่งบ่สั้นตั่ว

    โฮยเกลือ แล้วเอามือจ่ะของนั่นล่ะหย่อง เพื่อให้เนื้อแตงนิ่ม ปั้นน้ำออก พักไว้อย่าไปยืมมือคนอื่นมาหย่องเด้อล่ะ
    ขี่เดียดสั่นดอกหวา ยามเห็นน้ำบักแตงย้อยหย่ามหย่างออกนำตามง่ามมือนั่นแม่ะ...แหว่ะ

    ซุปหมากแตงใส่งาคั่ว

    +คั่วงาใส่กะทะ น้ำมันติ๊ดเดียวก็ดี คั่วให่เหลืองอุ่ยหุ่ย พอหอม
    +เนื้อปลาทู หรือสิใช้แบบทูน่ากระป่องกะได้เด้อ เทลงทั้งน้ำในกระป๋อง เติมน้ำจั๊กหน่อย อย่าลืมน้ำปลาร้านำ
    ยีๆ ให้เนื้อปลาทุแตกก้อน อุ่นพออุ่นๆ อย่าฮ้อนหลายเดี๋ยวมันสิฮ้อนแฮง
    แล้วกะโขลกงาคั่วกับพริกป่นให้งาแตกควมหอม

    ซุปหมากแตงใส่งาคั่ว

    ใส่ทุกอย่างลงไปในครก ใช้สากกะเบือนั่นล่ะเป็นเครื่องมือประสานงานควมแซ่บกะด่าย
    เพิ่มข้าวคั่วไปนำตำหนวดบ่จับดอก ชิมเบิ่งขาดหยังกะเติมอันนั้น
    ที่สำคัญอย่าให้ขาดควมแซ่บควมนัวเด้อล่ะ อ่ะ เซินคุ้ยให่แซ่บโลด....
    อิ่มล่ะพากันล้างถ้วยกวาดเฮือนให่นำเด้อ ยายจิหล่วยหนีไปอบอุ่นเอาพะชายในสังกัดก่อน
    ซุปหมากแตงใส่งาคั่ว


    ซุปหมากแตงใส่งาคั่ว


  2. #2
    เพิงเคยได้ยินจ้าเมนูนี้จ้าพี่ดิ้ง
    แต่คือเป็นตะเอาคำข้าวคุ้ยแท้จ้า
    ขอบคุณจ้าสำหรับสูตรจ้า

  3. #3
    โอ้ยยยอยากเอาข้าวเหนียวฮ้อนๆจ่ำจั่กคาเด้น้อ น้ำลายไหล

  4. #4
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    629
    มันแม่นกับข้าว รึว่าแนวแกล้มน้อ...?

  5. #5
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    ป๊าดดดดดดดดดดดด
    ขอจักหน่อยแหน่จ้า......หิวข้าวเลย

  6. #6
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,597
    แนะเคยกินแต่ซุปบากแตงใส่หมูย่าง บาดนี่ใส่ปลาทูน่าวะติ
    แต่แนวคือกันคือปลาร้าน้อ ต้องใส่ อิอิ ซิมจักคำใหญ่ๆ แน่เด้อ

  7. #7
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5
    เอื้อยยายดิ้งตร๋า มาเป็นตาแซบแท้จ้าบาดนี้ ซุบบักแตงบ่เคยลองจ้า เคยกินตะซุบบักโต่น เฒ่าพ่อเฮ็ดสู่กินตะดนแล้วจ้า เลาเฮ็ดแบบนี้ล่ะเอื้อย ในตู้เย็นมีบักแตงอยู่เดี๋ยวน้องไปลองเฮ็ดนำกะน๊า ได้คึดฮอดควมหลังตะกี้นำ อิอิ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •