พ่อว่อมาอีกแล้วพี่น้อง เจ้าเก่าสูตรเดิมอาหารเน้นหน้าตาดีไว้ก่อน ฮ่ะฮ่า ฮิ๊ว...
ส่วนรสชาติพากันปรุงเอาเองเด้อ ให้เหมาะกับปากและลิ้นของซุมหมู่เจ่านั่นล่ะ
ยายคนปากแปกินเผ็ดบ่ได้ดอก เผ็ดได้ส่ำเห็นในจานนิ่ล่ะ
"ซุปบักแตงใส่งาคั่วกับปลาทูน่ากระป๋อง"
เครื่องปรุงกะมี
+เครื่องหอมค่ะ แล้วแต่ควมสะดวกควมมักสิเป็นต้นหอม ผักแป้น สะระแหน่ หอมแดงหรืออันได่กะตามซ่างที่มีในครัว
+แตงลุกใหญ่ๆ เทิ่งอ้วนเทิ่งยาวปอกเปลือก สิขูดเป็นเส้น หรือสับก็เซินตามลำบาก
เอาเฉพาะเนื้อแตงเด้อล่ะ เฮ็ดให้เส้นยาวๆ เด้อล่ะ มันจั่งบ่สั้นตั่ว
โฮยเกลือ แล้วเอามือจ่ะของนั่นล่ะหย่อง เพื่อให้เนื้อแตงนิ่ม ปั้นน้ำออก พักไว้อย่าไปยืมมือคนอื่นมาหย่องเด้อล่ะ
ขี่เดียดสั่นดอกหวา ยามเห็นน้ำบักแตงย้อยหย่ามหย่างออกนำตามง่ามมือนั่นแม่ะ...แหว่ะ
+คั่วงาใส่กะทะ น้ำมันติ๊ดเดียวก็ดี คั่วให่เหลืองอุ่ยหุ่ย พอหอม
+เนื้อปลาทู หรือสิใช้แบบทูน่ากระป่องกะได้เด้อ เทลงทั้งน้ำในกระป๋อง เติมน้ำจั๊กหน่อย อย่าลืมน้ำปลาร้านำ
ยีๆ ให้เนื้อปลาทุแตกก้อน อุ่นพออุ่นๆ อย่าฮ้อนหลายเดี๋ยวมันสิฮ้อนแฮง
แล้วกะโขลกงาคั่วกับพริกป่นให้งาแตกควมหอม
ใส่ทุกอย่างลงไปในครก ใช้สากกะเบือนั่นล่ะเป็นเครื่องมือประสานงานควมแซ่บกะด่าย
เพิ่มข้าวคั่วไปนำตำหนวดบ่จับดอก ชิมเบิ่งขาดหยังกะเติมอันนั้น
ที่สำคัญอย่าให้ขาดควมแซ่บควมนัวเด้อล่ะ อ่ะ เซินคุ้ยให่แซ่บโลด....
อิ่มล่ะพากันล้างถ้วยกวาดเฮือนให่นำเด้อ ยายจิหล่วยหนีไปอบอุ่นเอาพะชายในสังกัดก่อน
Bookmarks