กำลังแสดงผล 1 ถึง 4 จากทั้งหมด 4

หัวข้อ: ลมหนาวสาวครวญ

  1. #1
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,507
    บล็อก
    1

    บ้านมหาโพสต์ ลมหนาวสาวครวญ

    อ้ายเอ้ย...ลมหนาวมาแล้ว..พัดแผ่วกายนาง
    อยากมี..คนฮ่วมข้าง...แนบหว่างกลางใจ
    ปีนี้..คั่นบ่ได้..คนก่ายเคียงหอ
    ใจน้อง..คงต้องรอ..ทรมาน..หนาวผ่านพ้น


    ลมหนาวสาวครวญ
    คำร้อง/ทำนอง thedon

    ลมหนาวปีนี้ พัดมาวี่ๆ คีงสั่นสะท้าน
    หนาวกาย บ่เคยคึดย่าน แต่หนาวใจ ทนแทบบ่ไหว
    ผ่านมาหลายหนาว กี่ครั้งกี่คราว ก็เลยผ่านไป
    ห้องใจ ยังบ่มีไผ ไร้คนเคียงกาย ซบไอ อกอุ่น

    ผ่านมาหลายปี หัวใจน้องนี้ ไร้คนมากอด
    อยากมี คน มาคึดฮอด อ้อนออด คำฮัก หอมกรุ่น
    ได้แต่คอยถ่า ผู้ได๋สิมา แวะสบตา หยอกซูน
    มาเป็น แรงใจ เกื้อหนุน ยามท้อ หว้าวุ่น พอได้บรรเทา


    Hook เห็นลมพัดฮวงข้าว คราวใด หนาวถึง ในทรวง
    ซาวหก ย่าง ซาวเจ็ดล่วง บ่มีบ่าวควง หัวใจ เปลี่ยวเหงา
    งานแต่ง บางงาน ได้นั่งหน้าบานเป็นเพื่อน เจ้าสาว
    แจกของ ชำร่วยช่วยเขา งานเสร็จเก็บเอา ความเหงากลับบ้าน


    หนาวแฮงอีหลี ถ้าอ้ายคนดี สนใจมากอด
    หัวใจ น้องว่าง ตลอด เร็วฟ้าว มาจอด กลางใจ นงคราญ
    ขอให้เป็นคนดี ไม่ต้องร่ำรวย เพียง ขยันการงาน
    รักน้อง ตราบนาน เท่านาน จูงจับ มือกัน ฝ่าฝน ร้อนหนาว


  2. #2
    เจ้าหน้าที่ประชาสัมพันธ์
    ขวัญใจบ้านมหา 2012
    สัญลักษณ์ของ สาวมุก
    วันที่สมัคร
    Mar 2010
    ที่อยู่
    มุกดาหาร
    กระทู้
    683
    อยากฟังตอนที่เป็นเพลงเรียบร้อยแล้วเด้เนาะจ้า อาจารย์ดอน คือสิม่วนเนาะ เนื้อหามันมีความหมายดี...........

  3. #3
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,193
    คนอิยัง
    แต่งเพลงเก่งแท้
    อยากเก่งคือเพิ่นเด้
    กะลังหัดยุค่ะ...

  4. #4
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    แต่งให้ไผฮ้องน้อครับอาจารย์เพลงนี้ ให้ฅนตระการฮ้องแหน่เป็นหยัง

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •