หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: เอิ้นน้อง..คืนนา..

  1. #1

    เอิ้นน้อง..คืนนา..

    ข้าวดอถอกออกฮวงพ้น ซ้นเป็นซุมกุ้มก้มก่อง
    บาดยามลมพัดต้อง เป็นเกลียวคลื่นดั่งทะเล
    กกกอเซกวยเนิ้ง ใกล้เถิงกาลเกี่ยวข้าวใหม่
    แม่โพสพใหญ่น้อย พลอยมานท้องประครองภา
    ลมสลากะปูอ้น คนเหลียวเห็นเอาไม้แหย่
    ควายบักแลซ้นอุ่มไม้ ได้ยืนเซ่อใต้ฮ่มคอง
    สายตามองส่องหาแม่ เสียงแง๊..แง แอ่วแม่อ่วย
    ตะเว็นสวยส่ำพอเพล จั่งเห็นคนพากินน้ำ
    ซุมข้าวก่ำทางตีนซ้ง เลาะเลียบดงสายแคมป่า
    ดำทั่วนากอสะล้าง หางไก่ซ้นพ้นสลอน
    ใจรอน..รอน อาวรณ์ซู้ เคยเคียงคู่เกาะก้มเกี่ยว
    หนทางเทียวเคยเกี่ยวก้อย เอื้อนอิ่นอ้อยอวนละออ
    อยู่ใสน้อ..น้อหล่า กลับคืนนาเนาว์บ้านท่ง เฮาเถาะ..
    มาหาเลาะเกี่ยวข้าว ภูมิลำเนาเฮาเถาะน้อง ฟังลำร้องถิ่นอิสาน...พี้เด้อ..



    เป็นซุม (ข้าวออกรวงกำลังก้ม) กวยเนิ้ง (เอนเอียง) ประครองภา (มานท้อง,ตั้งครรภ์) ลมสลา (ลมพัดหวน) กะปูอ้น (รูปูที่มีดินปิดปากรู) ควายบักแล (ควายน้อยตัวผู้) อ่วย (กลับมา) ตีนซ้ง (ชายป่า) หางไก่ (ข้าวกำลังออกรวง) เอื้อนอิ่นอ้อย (จีบ,จู๋จี๋) อวนละออ (สาวงาม)


  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    คิดพ้อจอบลักยามหลุมปลา เพิ่นท่อนแล่วอ้ายเอ้ย

  3. #3
    เกี่ยวข้าวดอ รอน้อง ไปสาก่อนเด้อชาย
    คันบ่ตายสิได้กลับ มาเกี่ยวนำชายแท้
    ใจน้องนี้กะแย่ คิดเห็นแต่ไห่นา
    คิดเห็นปูเห็นปลา เห็นไห่นาเฮาพุ้น
    ความอุดมสมบูรณ์ เนื้ออุ่นบ่อเคยลืม
    อยากไปยืนจับเคียว เกี่ยวข้าวนำชายนั้น

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    เป่งน้ำออกแนเด้อล่ะ สิได้เกี่ยวข้าวลุยน้ำแท้ล่ะปีนี้ฝนตกดีคัก

  5. #5
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    คิดฮอดเด้..คิดฮอดหลาย
    มาเกี่ยวข้าวดอ ซ่อยแหน่เด้อพี่น้อง

  6. #6
    ร่วมถ่ายทอดความรู้สู่สังคม สัญลักษณ์ของ ครูโนช
    วันที่สมัคร
    Sep 2007
    กระทู้
    372
    ตกลงเป็นผญาหรือ หมอลำครับ ผมลองอ่าน ลองลำแล้วกะไปบ่ถืก

  7. #7
    กระทู้ต้นฉบับโดยคุณ ครูโนช
    ตกลงเป็นผญาหรือ หมอลำครับ ผมลองอ่าน ลองลำแล้วกะไปบ่ถืก


    อั่นกระผมเอิ้นว่า กราฟผญากลอน ขอรับท่าน มีเทิ่ง กราฟ+ผญา+กลอน อ่ะน้าครับ 5555 หรือแม่นบ่บุ อิอิ ข้าน้อยพยายามที่จะให้เป็นกราฟ แนว สารวิสินี วชิรปันตี วิชชุมาลี สินธุมาลี และมหาสินธุมาลี แต่ความรู้ยังน้อยไม่แตกฉาน ก็เลยจับรวมกันทุกแนว ไม่เป็นแนวไหนทั้งสิ้น ตามความรู้สึกและจินตนาการขอรับกระผม หากไม่เพราะก็ขออภัยด้วยขอรับท่าน.....

  8. #8
    ศึกษาหาความรู้ สัญลักษณ์ของ โก๋ดง
    วันที่สมัคร
    Mar 2010
    ที่อยู่
    หนองหาน
    กระทู้
    216
    น้ำเหือดนาปลาข่อนแล้ว เสียงนกจิปนกแซวมันฮ้องหนำ่
    คิดนำเด้คิดอ่ำล่ำนำนงนาถ บาดไปแล้วบ่อตาวคืน
    คิดนำเด้คิดนำเจ้า เห็นข้าวออกฮวง เป็นพวงโกง
    ยามค่ำๆหมอกลงแล้ว สิแซวเอิ้นไส่ผุได๋ ดอกนางเอ๋ย
    เดือนสิบเอ็ดค้อย ลมว้อยๆใจข่อยมันหนาวสั่น
    หนาวจนฝั่นได้กอดน้องประคองเจ้าเข้าบ่อนนอน(ต่อไปห้ามคิด)
    อ้ายนี้หยั่งคอยถ่า อยู่เถียงนา หว้าต้นเก่า
    จนว่าข้าวขึ้นเล้า อ้ายสิคอยเจ้าตลอดไป


  9. #9
    แบ่งปันความรู้และประสบการณ์ สัญลักษณ์ของ ม๋าน่อย
    วันที่สมัคร
    Feb 2010
    ที่อยู่
    มุกดาหาร
    กระทู้
    403
    บล็อก
    2
    ตะเว็นต่ำค่ำค้อย...ลมวอยๆ มาพัดต้อง...อินางน้องถวิลหา
    คิดฮอดนาเฮาเด้อ้าย...คิดฮอดหลายจนไข้ป่วย
    บัดฮ่าฝนรินหลั่งย้วย...อินางน้องแฮ่งฮ่ำฮอน
    คิดฮอดตอนซุมเฮานั่น...เกี่ยวข้าวนำกันอยู่กลางท่ง
    เล่นรำวงลงแขกเกี่ยวข้าว...ข้อยกับเจ้าได้ฮักกัน
    อ้ายเอ้ย...อั่นว่าน้องนางนั่น...ยังคิดพ้อบ่อเคยลืม
    สิกลับคืนต่าวไป...ลงเกี่ยวข้าวอยู่นำอ้าย
    ขอให้ซายนั่นถ่า...น้องกลับมา...หาสาก่อน
    อย่าไปออดอิ่นอ้อย...สาวซ่ำน้อย...จนลืมข้อยเด้ออ้ายเอ้ย
    แก้ไขครั้งสุดท้ายโดย ม๋าน่อย; 22-09-2010 at 13:47. เหตุผล: พิมพ์ผิด

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    คิดฮอดหลาย เอาแท้แหล่ว อยากคืนไปซ่อยอ้ายเกี่ยว
    คิดฮอดเคียวคิดฮอดข้าว คิดฮอดเจ้ากะซ่ำกัน อ้ายเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •