เสาร์ อาทิตย์ ว่างเว้นจากการงาน น้องหลินชวนเฒ่าแม่ไปถวายเพล หลวงตาเคน
เพิ่นจำพรรษาอยู่ถ้ำแตก ลำพังรูปเดียวมาหลายปีแล้วค่ะ เพิ่นเป็น อาจารย์
ของเฒ่าพ่อสมัย บวชเรียนเขียนอ่าน (เฒ่าพ่อเว้าให้ฟังค่ะ) บ้านน้องหลินเลยศัทธา
เลื่อมใส เพิ่นไปลี้อยู่ใสกะนำไป
หลินบ่เคยถามว่า คำว่า "ถ้ำแตก" มีที่มาที่ไปจั่งได๋
รู้แต่ว่ากุฎิเพิ่นหันหน้าใส่น้ำตก เป็นน้ำตกน้อย ๆ ที่ซุกโตอยู่ในป่า
บริเวณใกล้เคียงเป็นไฮ่มัน สวนยาง สวนหมากหุ่งของใทบ้านปลูกอยู่รอบ ๆ
ทั่วบริเวณกุฎิหลวงตาเย็นฉ่ำด้วยละอองน้ำตก เสียงน้ำตกดังอยู่ตลอดเวลาค่ะ
เป็นการไปทำบุญ พ่วงด้วยการพักผ่อนท่ามกลางธรรมชาติ..อีกค่ะ ได้กำไรสองต่อ
ปล. มีเรื่องแปลกอย่างหนึ่งค่ะ ไปฮอดที่พักเพิ่นตอนแรกยังบ่ถึงเวลาหลวงตาฉันข้าวเพิ่นกำลังงัดก้อนหินก้อนใหญ่มาเรียงกันไว้ ด้วยแสลง น้องหลินถ่ายรูปเพิ่นตอนงัดก้อนหิน ถ่ายแล้วเบิ่งในกล้องมี แต่เอามาลงคอมแล้วบ่มีจักรูป สงสัยกล้องหลิน ท่าจะพังแล้วมั้งค่ะ แล้วอีกอย่างคือก้อนหินอยู่ใต้ต้นไม้ต้นนั้น ตอนแรกว่าจะไปนั่งถ่ายรูปอยู่หั่น แต่ทางหย่างไปลื่นหลาย เลยถ่ายได้แต่วิว พอมาเปิดเบิ่งมีรูปหนึ่งมี เงาคนจาง ๆ นั่งอยู่ก้อนหิน โตจ่อย ๆ ผมสั้น ๆ นั่งกอดเข่าอยู่ สงสัยกล้องน้องหลินกะท่าจะเจ้งแล้วล่ะค่ะ ถ่ายได้หยังทั่วทีป ทั่วแดน บรื๋ออออ.......
Bookmarks