กำลังแสดงผล 1 ถึง 7 จากทั้งหมด 7

หัวข้อ: ซวนน้องส่อนปลาแก้ว

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา ซวนน้องส่อนปลาแก้ว

    เหมิดหน้าหา กินูนแล้ว สิหากินทางใหม่
    หาใส่ไซส่อนกุ้ง ปลาซิวแก้วไว้ท่าแกง
    ยามแลงไปหาซ่อน ในหนอง น้ำห้วยแอ่ง
    ตาเว็นแดงก่อนสิมืด หากับข้าว ไว้ใส่แลง
    ได้ผ้าแง่งผืนแหล่แหล่ แวลงหนอง หม่องเคยเที่ยว
    ซ้อนเอาซิวกุ้งน้อย ปลาซิวแก้ว บ่อนประสงค์
    นวลอนงค์ของอ้าย เจ้าใส่ซิ่นตะโหล่งลาย ลงลอยน้ำตุ้มตีเติ่น
    ซ่างเพลินใจม่วนแม้ง เห็นนางน้องล่องลอย
    โอนอดวงใจข่อย มองเห็นนาง มางามค่อง แท้น้อ
    เห็นทรวดทรงอ้อนแอ้น แม่นนางฟ้า กะบ่ปาน
    ก่อนสิกลับคืนบ้าน น้องให้กอด ย้อนหนาวเย็น
    อุ่นไอเอ้ยของความฮัก ซ่างอุ่นแฮงจนเป็นฮ้อน
    ยากหลายเด้ อ้ายอยากมีคนซ้อน แต่บ่มีเงินสิแต่ง
    ต้องจำทน นอนแล้งแล้ง บ่มีซู้เปล่าดาย หล่าเอ้ย
    :l-:l-:l-

  2. #2
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    นั่งหว่านแหอยู่ริมห้วย หันมาอ่วยเจอพอดี
    มีหญิงชายสองคน สาละวนลงน้ำ
    เทิ่งผุดดำพ่องว่าย ในมือถือผ้าแง่ง
    ยามมื้อแลงจั่งซี้ สิมีบ้อน้อปลา
    พอแต่แนมมองหน้า ฮ่วย..น้องสาวหล่ากับเฒ่ายาว....ตัวะนิแมะ
    แม่นหมู่เขามาหยัง จั่งได้ลุยลงน้ำ
    ให้สาวงามน้ำเปียกผ้า แนบกายาเป็นตาเบิ่ง
    บูยยย..มาตาเถิงคักแท้ แผนการณ์แมะส่างคิดเห็น
    ความจำเป็นที่ห่วงน้อง เลยฮ้องใส่ในลายขัด
    มาส่อนลัดตันคอฮอม อ้อมมาหยังทางพี้
    ปลาบ่มีดอกซิวแก้ว แนวหลายคนหัวกะผ่าน
    ดอกมันปลาเอ้ย...หนีคืนไปเมือบ้าน แผนการล่อ..เลห์เฒ่ายาว...สื่อๆๆเด่ะหั่น..

  3. #3
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ตอบคนตึกแห

    เจ้าส่างมาหาเว้า ว่าสาวดอกมันปลา
    ปากบ่ดีระวังเด้อ สิฮอดเฮือนกำนันพุ้น
    เบิ่งดีดีแหน่แมะเจ้า แม่นสาวใด๋ ตี่ตาเบิ่ง
    น้องเขาท่ายุเฮือน คอยท่าเอาะอ่อมกุ้ง ซิวแก้วใส่แลง ตั้ว...
    เจ้าส่างมาหาส่อง หาแนม บ่อายหมู่ แท้
    มาแอบดูอ้ายและน้อง มาหาส่อน ใส่ไซ
    ไปไกลไกลถะแม้ ระวังแหน่กะบาลหัว
    ระวังเด้อหนังสะติ๊ก สิส่องเล็งใส่หางคิ้ว
    หิ้วเอาตี้แหกับข่อง อย่าทำทรง ยืนท่าหว่าน
    เวียกบ่งานการบ่สร้าง มาหาจ้อง จอบมอง นิแมะ
    แม่เจ้าคองอยู่บ้าน ย้อนบอกแม่ มาตึกแห พะน้า
    จนตาเว็นตกดิน กะบ่คืนเมือบ้าน
    “หาบ่หมาน”ความเพิ่นเว้า ปลาบ่มี ดอกอีแม่ เพิ่นว่า
    ไคแต่ข่อยและน้อง เอาไปเฟื้อแบ่งปัน
    แม่เจ้านั้น บอกแซบ ยุตั้วนาง
    ปลาแก้วเอามาหมก ห่อใบ ตองกล้วย
    ลูกซายงาม บักหล่า บ่าวก๋าคาม ลูกแม่
    ตึกแห แปดมื้อแล้ว บ่เคยได้ป่นแลง
    แม่อุกแฮงเอาฮ้าย หาบ่เป็นคือเพิ่น
    ปานนั้น ปากมันเว้าอยากได้ เมียซ้อน ฮ่วมเฮือน
    หาบ่เป็นปานนี้ เฮ็ดใด๋น้อ จั่งสิเลี้ยง ลูกใหญ่ แม่ว่า
    แม่ขอเว้าพื้นฮ้าย ลูกซายแก้ว คอบห่วงมัน หล่าเอ้ย 55555555ฮิ้ว
    :l-:l-:l-
    แก้ไขครั้งสุดท้ายโดย หนุ่มหน้าลาว; 10-04-2011 at 22:51.

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    เกิดเป็นคนเขินขาดวิ่น อยู่นำดินลิ้นบ่ก่าน
    หาบ่หมานคือคะเจ้า ฟังคำเว้าแล้วอั่งแฮง
    ได้แต่แต่งแหกับข้อง พ่องสะพายหนีไปท่ง
    นั่งโต่งโม่งเทิ่งขอนไม้ ห่างแหไวถ่าหว่านงม
    หลายวันวารที่ล่วงม้ม ใจจมอยู่กับความหมอง
    สายตามองเห็นไหวๆ เพิกไพอยู่ในน้ำ
    ตึกแหตามไปกวมกั้ง ด้วยความหวังอย่างยิ่งใหญ่
    คิดว่าได้ปลาค่อโหล่ ไปโชว์แม่มื้อแลง
    จักกรรมได๋หรือไผ๋แกล้ง แงงเบิ่งเทิ่งชมดู
    เกิบไผ๋บูเฮ็ดหาย ถิ่มมาตาย..หยังลงน้ำ
    อดสาดำตากแดดกล้า จนเวลาตาเว็นอ่วย
    เช้าจนสวยกะบ่ได้ เหลือใจฮ้ายหน่ายกะโต
    เลยฟ้าวโงคืนไปบ้าน ผ่านตลาดจักกะหน่อย
    ไปหาหลอยซื้อปลาทู ให้แม่ดูยามเถิงบ้าน
    ย่างหน้าบานยิ้มแต้ ข่องให้แม่ตามความเคย
    เสียงเหวยๆ ป๊าดติงโท้ ลูกชายโตมาหมานฮ้าย
    ได้ปลาหลายจากใสหล่า แม่นไปหาหม่องได๋หน่อ
    มื้อนี้บ่มีติปลาค่อ ทั้งปลาหมอขี้ก้าง มาส่างพ้อ..ปลาทะเล..แท้น้อ พะนะ..อิอิ


    บ้านอยู่ใกล้ทะเลนาเชือกเนาะ แม่ กะได้ปลาทะเลละหวา ขอรับ...555

  5. #5
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24
    555 พากันมาต่ออีกจั๊กบึีดแหน่ะน๊า
    คือเว่ากันม่วนแท้ สินั่งเคียมๆ ฟังนำสั่นดอก
    สัญญาวาจะบ่ตีงคีงแฮงให่ปลาตื่นดอกหนา
    สะดิ้งคือน้องได้ยินเสียงฆ้องกะแล่นตำ

  6. #6
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    โอ้ย ...คักแท้น้อบาดนี้ ลูกจังไร มันบ่ฮู้ใจแม่
    อยากกินปลาค่อโหล่ มันไปซื้อ หมู่ปลาทู
    เหลียวเบิ่งหน้ามู้ยู้ แม่ขี้เดียด มันหลาย
    แม่นแม่ตาย กะอย่าทาน ใส่พา อย่ามาเอิ้น
    แนวมันดีปลาซิวแก้ว สาวมันปลา หมกมาส่ง นั่นนา
    มาถืกปากแม่แท้ เป็นหยังท้าว จั่งบ่หา
    ได้กินปลา นำหล่า ดอกมันปลา โหลดคึดฮอด แต่นางแหล่ว
    อยากได้เป็น ลูกสะใภ้ มาร่วม ฮ่วมพา
    เป็นตาเป็นคนฮู้ อยู่ในธรรม ครองฮีต ซั่นดอก
    เว้ากะหวานอีกซ้ำ เทิงงามล้ำ หลื่นผุสาว แม่ว่า
    คันเฒ่ายาวบ่มากั้น ขวางทาง ฮักห่อ
    แม่นี้อยากไปขอ มาเป็นลูกสะใภ้ พอได้หล่ำแงง ซั่นเด้ท้าว
    เอาจั่งซี้สาหล่า บ่าวก๋าคาม ลูกแม่
    อีกบ่โดนกะสิแก่ บ่มีเมียเข้าซ้อน สิอายบ้านหมู่เขา เด้
    มื้ออื่นเช้าแม่สิแต่งของกิน เทิงของหวาน หมากพลู กะมีพร้อม
    สิไปดอมดูน้อง สาวมันปลา เบิ่งจักหว่าง
    คันเป็นตาแม่สิเตี้ยง ผะเดียงไว้จ่าวทาง นั่นนา
    อันเฒ่ายาวผุฮ้าง อย่าไปอ่าวเถิงลาว เถาะ
    โอกาสดีของเฮา ฮีบฟ้าวตวง เอาไว้
    ให้เฒ่ายาว นอนเป็นไข้ คางอืออือ คาบ่อน ยุหั่นล่ะ
    เฮามาลักเอาน้อง ไปซ้อน ก่อนเฒ่ายาว เนาะหล่าเนาะ.....55555555 (หึยอี่แม่กะดาย)
    :l-:l-:l-
    เว้ากะน้าบีแม่ว่าจั่งซี้ล่ะหล่าลูกสิว่าจั่งใด๋

  7. #7
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    ***น้ำในหนองขาดแห้ง น้ำหว้ยแอ่ง เคยนองใหล
    ฝนปีกลายเนืองนอง แก่งไหล เหลือล้น
    หลายคนลงไปซ่อน ยามแลง พร้อมผ้าแง่ง
    ปลาแก้วหลายมากล้น อาหารชอบ อี่แม่เฮียม
    เตรียมผ้าแง่งไว้ปีนี้ กะเลยต้องเสียที่ บ่มีน้ำ พอได้ล่อง
    นั่งอยู่ริมฝั่งหนอง หม่องเคยไปเที่ยวซ้อน ออนซอนเด้ น้ำขาดเขิน
    ใจเพลินคิดฮอดหล่า สาวซื่อดอกมันปลา ปานนี่ เฮ็ดหยังอยู่
    แก้มจู๋บู๋ เจ้าซ่างหายมิดจ้อย บ่เห็นส้น ข่าวคราว แท้น้อ
    หัวใจอ้ายนี่ปวดร้าว อยากเห็นอุ่น มาขานไข
    พอได้มีแฮงใจ สู้ฝ่าฟัน ยามฝนแล้ง
    นางเอ้ย..คันได้ยินให้นางแจ้ง ขานไข ต้านต่อ แน่เด้อ
    เดียวนี้แม่และพ่อ ยังคอยท่าอยู่บ้าน อ้ายคนนี้กะคิดนำ อยู่เด๋..หล่าเอ้ย
    :l-:l-:l-

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •