หลังจากนอนพักผ่อนอย่างเต็มที่มื้อคืนนี่ เช้ามากะสดชื่นขึ้นมาแนคับ แต่ว่าการเดินทางยังบ่ทันจบแค่นี้ ครับผม..หลังกินอาหารเช้า(แบบฝรั่ง อยู่ท้องบ่น้อผู้เฒ่าทั้งหลายพากันจ่ม)กะพากันมาลาหาดชะอำ
เอากะเขาหน่อย หาดชะอำ เหลือโตนน้องสาวข้อยเด้ ..โดดบ่ขึ้นนำหมุ่
ขึ้นรถมุ่งสู่วัดห้วยมงคล ไหว้หลวงปู่ทวดองค์ใหญ่ที่สุดในโลก ครับ
อุ้มบาตรซ่อยหลวงปู่เพิ่น เผื่อได้บุญหลายๆคับ
ไหว้หลวงปู่ทวด เสร็จแล้ว ทัวร์ธรรมมะ(ฮาลังคนว่าจั่งสั้น เพราะในรถสงบเสงี่ยมกันเหลือเกิน คาดว่าอยู่อารมณ์ตอนไปศิริราช บ่สั้นกะพากันเมื่อย)ออกเดินทางไปสู่น้ำตกป่าละอู
การเดินทางสุดแสนไกลขึ้นเขาตลอด ไปฮอดอุทยานปิดแต่ขอใช้สิทธิ์เพราะไหนๆกะมาฮอดแล้ว เลยได้แค่เดินเฉียด ทางอุทยานบ่ให้ลงเล่นน้ำ แต่กะมีเด็กน้อยบางกลุ่มลักลงเล่น
ออกจากป่าละอู วกกลับคืนมาเขื่อนแก่งกระจาน มื้อแลงคณะฯมีโปรแกรมนอน(แม่นบ่น้อ คือ4มีแต่นอนแท้)แถวนั้นคับ กว่า4มาถึง บ่าย 3 โมง กินข้าวเที่ยง 555 แซบขนาด เข้าที่พัก เก็บของ เปลี่ยนชุดเล่นน้ำดีกว่า
ต้นแม่น้ำเพชรฯน้ำใสไหลเย็น หายเหนื่อยเลยคับ
ค่ำคืนนี้มีปาร์ตี้..ทะเลเผา ข่าน้อยบ่สนเลยข้าว เพราะ4ทำให้สมรรถภาพในการดื่มลดลง 555...ม่วนอย่างเดียวบาดนี่
ท่าน สจ.ไก่ แห่งเขตวัดบ้านตาดอุดรธานีให้เกียรติฮ้องเพลงคู่ เสียงดีคับ(ถ้าเสียงบ่ดีคือจิบ่ได้ สจ.ดอกตี้..อิอิ) เสียงใส สาวสวย+เก่งอิหลีคับ
กว่าจะเลิก กะปาไปเกือบตี2 ไปแยกย้ายกันไปนอน ฮือผู้ได๋มักเสี่ยงโชคกะว่ากันไป
ตื่นเช้ามา กะล่องแพ ยาง สนุกสุดสุด กันต่อ คับ
หลังจากนั้นกะเก็บของเมือบ้านเฮา เริ่มคึดฮอดนาแล้วละ ไปหลายมื้อเป็นจั่งได๋แล้วบุข้าวน้ำ....ขอขอบคุณท่าน วมต.และทีมงานที่ปันเนื้อที่ให้ และขอบคุณทุกท่านที่ติดตามไปเที่ยวนำกัน พ้อกันใหม่ บายบาย สวัสดีคับ
Bookmarks