ซูชิ...จากครัวฝึกหัด

[สาวทองแพง]

สวัสดีจ้าพี่น้อง มื้อนี้มาลองเฮ็ดซูชินำกันเด้อจ้า
เป็นครั้งแรกของแม่ครัวฝึกหัดจ้าสำหรับการทำซูชิ
หลังจากหาข้อมูลและวัตถุดิบในการทำซูชิครบแล้ว
ก็ถึงเวลาทดสอบความสามารถเบิ่งจ้า
สิ่งที่ต้องเตรียมคือ
1.ข้าวซูชิ 1 1/2ถ้วยตวง
2.น้ำส้มสายชูสำหรับซูชิ 4ช้อนโต๊ะ
3.น้ำตาลทรายขาว 3ช้อนโต๊ะ
4.เกลือนิดหนึ่ง(หยิบมือหนึ่ง)
5.ปลาแซลมอนลมควัน ปูอัด กุ้งลวก(ผ่าด้านท้องทำเป็นแผ่น)
แตงกวา แครอท
6.แผ่นสาหร่าย
7.ไม้ไผ่สาน สำหรับห่อซูชิ
เครื่องเคียงเวลาเสิร์ฟ
1.วาซาบิ
2.ขิงดอง สำหรับซูชิ
3.ซีอิ้วหรือซอส(บ่แน่ใจแมะจ้า)สำหรับซูชิ
วิธีทำ
1.เอาข้าวมาล้างน้ำจนน้ำซาวข้าวใสๆจ้า (ถ่าจำบ่ผิด เกือบ10น้ำได้ยุดอกจ้า)
2.แล้วเอาไปหุง ตามถนัดเด้อจ้า แม่ครัวฝึกหัดหุงหม้อไฟฟ้าจ้า
ใส่น้ำคือข้าวมะลิใหม่จ้า บ่ใส่น้ำหลาย
3.ระว่างที่รอข้าวสุก ก็ไปเตรียมน้ำปรุงข้าวซูชิจ้า โดยเอาน้ำส้มสายชู
น้ำตาลทราย เกลือ ใส่หม้อไปเคี้ยวให้น้ำตาลละลายแล้วยกหม้อลงได้เลยจ้า
4.พอข้าวสุกแล้ว ก็ตักใส่ชามใบใหญ่แล้วเอาน้ำปรุงใส่แล้วคลุกเคล้าให้เข้ากัน
อย่าคนแรงเด้อจ้าข้าวจะมุ่น เวลาคลุกเคล้าก็เปิดพัดลมหรือหาหยังมาพัดให้ข้าวเย็นตัวลง
จะได้ดูดซับน้ำปรุงได้เร็วจ้า
5.ปรุงข้าวเสร็จแล้วก็ลงมือห่อซูชิได้เลยจ้า เอาแผ่นไม้ไผ่มาวางเอาแผ่นสาหร่าย
มาวางลงแล้วตักเอาข้าวใส่ลงบนแผ่นสาหร่ายบางๆจ้า
เวลาจะตักข้าวก็เอาช้อนไปจุ่มน้ำส้มสายชูก่อนจ้า เพื่อบ่ให้ข้าวบูดไว
เอาปูอัด แตงกวา แครอท วางลงแล้วก็ม้วนได้เลยจ้า ให้แน่นๆเด้อจ้า
ถ้าบ่แน่เวลาตัด จะตัดลำบากจ้า (อันนี้ข้าวห่อสาหร่ายจ้า)
6.มาถึงข้าวปั้นจ้าบาดนี้ แม่ครัวฝึกหัดบ่ได้ปั้นดอกจ้า ตะเฮ็ดยากน๊าจ้า
เลยคึดว่าเอากล่องมาเฮ็ดคือสิง่ายกว่า ซอกๆๆได้กล่องตามต้องการล่ะจ้า
เอาปลาแซลมอนรมควัน วางลงไปก่อน แล้วตักข้าววางทับลงไป กดให้แน่น
แล้วเอามาคว่ำใส่จานแล้วตัดให้พอดีคำ (อย่าลืมทาน้ำส้มก่อนเด้อจ้ามีดนั้นจ้า)
ส่วนหน้ากุ้งก็เฮ็ดคือหน้าปลาแซลมอนจ้า แต่เอากุ้งมาใส่ที่หลัง
เสร็จแล้วก็ยกเสิร์ฟได้เลยจ้าพร้อมเครื่องเคียง

เชิญชิมได้เลยจ้า เสียดายซื้อกุ้งสำเร็จมา เขาผ่าหลังจ้า เลยบ่งามจ้อย
รสชาติผ่านจ้า มีหนูทดลองหลงทางมาพอดีจ้า 3คน ก่อนไปมื้อหน้าสิมากินอีกพะนะ

ธุจ้า ขอบคุณสำหรับพื้นที่และทุกท่านที่แวะมาเป็นกำลังใจให้จ้า

[ไก่น้อย]

เอื้อยไก่เอาข้าวเหนียวผสมข้าวเจ้า จ้าน้องแพง ยามเฮดซุชิ (แบบอิสาน)อัตราส่วน ข้าวเหนียว1 ข้าวเจ้า 2 จ้า ใช่ได้คือกันจ้า บ่ตองไปซื้อข้าวญี่ปุ่น มันหายาก แฮะๆ

[เซียงสีผีเป้า]

หน้าตาน่ารับประทานมากเลยครับ เก่งจังเลย ขอจักคำแหน่ครับ ขอบคุณครับ

แมนเอื้อยไก่แมน ผมกะเฮ็ดคือกัน บ่ต้องใช้ข้าวญี่ปุ่นเพราะวาหายาก แล้วกะเสียเงินซื้อ เอาข้าวเฮาเองบ่ต้องเสียเงินซื้อแซบคือกันจ้า

[ม๋าน่อย]

หน้าตาสวยงาม (คือเจ้าของเมนู) เนาะจ้า เป็นตาแซ่บอีกแล้ว ขอบคุณหลายๆ จ้า ที่สรรหาแต่เมนูดีๆ มาฝากมาต้อนกัน

[เซียงเหมี่ยงเมืองสุรินทร์]

น่าทานมากครับน้องแพง ครัวฝึกหัดนี่อาหารหลากหลายแท้ ๆ ครับ...

[จารทิด]

มักกินคื่อกันครับฮันแต่ว่าเฮ็ดบ่เป็นดอกมีตะซื่อปลาแซลมอลมาละก่ะซอยจ้ำวาซาบิโลดปานกินจ่ำจุ๊พู้นแล่ว ฮาหลังเทื่อกะไปกินอยู่ ฟูจิพู้นแล่ว คั๊กของเพิ่นยุ่

[สาวทองแพง]

:l- ขอบคุณจ้าพี่ไก่น้อย สิลองเบิ่งอยู่จ้า
ขอบคุณสำหรับทุกกำลังใจจ้า :1- หุ่นแม่ครัวฝึกหัดตอนนี้จ้า
ผลจากการสรรหาเมนู ฮ่าๆๆ

[จำปา]

ใช้แต่ข้าวจ้าวกะได้จ้า พอเฮาผสมกับน้ำผสม (น้ำส้มสายชู,น้ำตาลทราย,เกลือ)พักไว้จักห้านาที ข้าวกะเหนียวได้ที่จ้า
เอาน้ำพริกเฮ็ดใส่กะได้เด้น้องแพง เอื้อยลองแล้ว อิอิ แซบยุกะแซบคือกินข้าวกับแจวหั่นหล่ะ

หนิขนาดน้องแพงหัดเฮ็ดเด้หน่ะ ถ้าฝึกดู๋ๆเดียวกะซำนานจ้า ปรบมื้อไห้จ้าเก่งจ้า

[ยศนคร]

น้ำลายไหล..คือสิแซบน้อครับน้อ