กำลังแสดงผล 1 ถึง 8 จากทั้งหมด 8

หัวข้อ: ที่ปรึกษา..เวลาเธอเหงา..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    ที่ปรึกษา..เวลาเธอเหงา..

    อุกเต็มทีแล้วใจอ้าย คล้ายกับว่าบ่มีแฮง
    ได้ตำแหน่งโตสำรอง เป็นของตายในใจน้อง
    ยามหม่นหมองจั่งเห็นหน้า เสียน้ำตาจั่งโอ้อ่าว
    ยามเพิ่นเหงาจั่งคิดพ้อ ยามเพิ่นท้อจั่งคิดถึง
    ตำแหน่งหนึ่งที่เธอให้ กะคืออ้ายที่ปรึกษา
    คอยเป็นยาทาใจ ยามคนไคระทมช้ำ
    ยามเมื่อคำแพงหล่า เสียใจมาน้ำตาหลั่ง
    ปานเข็มทั่งเข้าใจอ้าย พอตายแล้วย่อนว่าแคร์
    คอยดูแลปลอบใจเจ้า ทุกเรื่องราวยินดีซ่อย
    แล้วกะคอยอยู่ใกล้ๆ ส่งใจเข้ามาซ่อยซู
    แต่..เจ้าสิฮู้อยู่บ่หล่า ว่าทางใจอ้ายอุกอั่ง
    บ่ได้หวังเป็นแค่คน ที่ดนๆจั่งคิดพ้อ
    บ่อยากรอทอฝันฮ้าง บ่อยากย่างทางโดดเดี่ยว
    และบ่อยากเป็นคนเดียว ที่เทียวคิดฮอดแต่เจ้า
    เก็บความเหงาเฝ้าความช้ำ อกระกำบ่จำจื่อ
    กะฮักเจ้าเนาะฮึ อย่าเฮ็ดคือถือว่าอ้าย ชายพี่เจ็บบ่เป็น..หลายถ่อน

  2. #2
    แบ่งปันความรู้และประสบการณ์ สัญลักษณ์ของ แดนดาหาร
    วันที่สมัคร
    Feb 2010
    กระทู้
    164
    อย่าทุกข์ใจไปเลยอ้าย ย้อนเขาเห็นเป็นพระรอง
    อย่าเศร้าหมองหัวใจ อย่าไปแคร์เขาหลายฮ้าย
    ถ้าเขาบ่อสนใจอ้าย กะปล่อยเขาไปสา
    ผุสาวบ้านมหาหลายกะด้อ อย่าไปง้อคนอย่างเธอ

  3. #3
    ศึกษาหาความรู้ สัญลักษณ์ของ คนบ่มีแฟน
    วันที่สมัคร
    Mar 2010
    กระทู้
    8
    บุ๊ยยยยยยยยมาเป็นตาลู๋โตนแท้อ้ายข่อยเป็นไดแค่โตสำรองพะนะ
    อ้ายเอ๊ยยยยยมื้อหน้ามาแต่งให้ฟังใหม่แน่เด้อผญานี่

  4. #4
    แบ่งปันความรู้และประสบการณ์ สัญลักษณ์ของ ม๋าน่อย
    วันที่สมัคร
    Feb 2010
    ที่อยู่
    มุกดาหาร
    กระทู้
    379
    บล็อก
    2
    คั่นเบอร์หนึ่งบ่อได้ต้อง
    เป็นเบอร์สองกะได้ตั่ว
    บ่อได้กินงัวลาบก้อย
    กินตำหมากหุ่งน้อย กะมีแฮง

  5. #5
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    156
    คันเบอร์หนึ่งบ่แม้นอ้าย
    อย่าซิหมายให้เบอร์สอง
    บ่แม่นเลือกตั้งได๋น้อง
    พอเบอร์สอง ซิมาที่หนึ่ง

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อ้ายซายเอ๋ย เทิ้งอยากอาย กะพองฮั่น
    ย้านอ้ายหยัน ยามเบิ๊ดค่า อ้ายยังมาจาต้าน
    สิหานกล้า ว่ารับเอา คำที่ซายได้เอ่ยเว้า
    ยามน้องเหงา คิดฮอดพี่ แมนอีหลีอยู่หล่ะอ้าย
    ยามแพ้พ่าย จังคิดเห็น น้องขอเป็นคนแต่กี้
    กลับคืนดี สิได้บอ หวังคิดต่อขอกล่าวเว้า
    ขอให้เจ้า นี่คิดเห็นแนเถาะ บอมาขออีหยังมาก
    ขออย่างเดียว พอได้บอ ว่าสิขอให้อ้าย
    อยู่ในใจ เป็นที่หนึ่ง นี่แหล่ว อ้ายเอ้ย
    แก้ไขครั้งสุดท้ายโดย chudhancock; 26-09-2010 at 16:20.

  7. #7
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    อุกฤทัยอั่งเอ้า
    เขาทำน้ำตาหย่าว
    บ่าวก๋าคามตามเช็ดแก้
    หัวใจแท้ผัดบ่ใส
    สาวได้เฮ็ดอ้ายไห้
    หัวใจเจ้าเจ็บป่วย
    ที่ปรึกษาหรือตัวช่วย
    บ่แม่นแท้แค่โตรอง...
    ตริจ้าอ้าย

  8. #8
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ถือว่าโชคดีแล้วล่ะครับ ดีกว่าบ่อได้อยู่ในหางตาเขาเลย
    อย่างน้อยเฮากะได้ทำเพื่อเขาอยู่ตลอด ถึงเขาสิบ่อเคย
    ทำเพื่อเฮาเลย นี้หล่ะเผิ่นเอิ้นว่าความฮัก

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •