หลังจากจอยยุ่งยุกับฟามไก่หลังใหม่มาดนเติบ แต่จนถึงเดียวนี้ก็ยังบ่เสร็จสมบูรณ์
มื้อนี้จอยจะพาพี่น้องเบิ่งว่าฟามใหม่หลังนี้ อุปกรณ์ต่างๆๆมียังแน่ อาจจะยังบ่ทันเรียบร้อย
เอามาฝากพี่น้องแบบคร่าวๆๆ บอกตรงๆๆเลยว่า ฟามหลังใหม่นี้ เขานำเขาเทคโนโลยีใหม่ๆมาพัฒนา ลงทุนกะหลาย พอดีฟามไก่หลังเก่า 5ฟาม ที่มีอยู่ บริษัทเขาจะปิดไป2ฟาม เพราะว่ามันเก่า เว้าง่ายๆๆว่า บริษัทเขาอยากให้อัฟเดรทฟามว่าเถาะไป พวกจอยกะเลยต้องจำเป็นต้องสร้าง ความยาวนี้ประมาณ400เมตรจ้าต่อฟามความกว้างจอยจำบ่ได้ท้อใด๋บุ ไปเบิ่งกันเลยเนาะจ้า ว่าเขาเอายังใส่แน่
ภาพนี้คือด้านหน้าฟาม ประตูทันแล้ว ต้องรอเขาติดตั้งอุปกรณ์ทางในแล้วสะก่อน
ฟามหลังใหม่เป็นแอร์ทั้งฟาม เห็นเขาบอกว่า แอร์สองโตนี้กะเฮ้ดให้เย็นเบิดฟาม
ส่วนอันนี้ พวกสายไฟ ต่างๆๆ จักสายยังแหน่ หลายคักจ้า หลายสีพร้อม ส่วนอีกรูปนั้น ด้านในข้างบนฟ้าเพดานเด้อจ้า เขาเดินท่อแปบสำหรับส่งแก๊สยามหน้าหนาวจ้าเปิดให้ไก่
บาดนิกะมาพ้อจำพวกจ่ายอาหารเด้อจ้า มันบ่ทันครบ จอยอยากเอามาฝากพี่น้องเบิ่งก่อน
อันนี้ ลางอาหารไก่ กะถาดใส่อาหารไก่ เด้อจ้า ส่วนโตดำๆๆเป็นเกรียวนั้นเอาสอดใส่ในท่อแป๊ปนั้นหล่ะจ้า
ส่วนอันนี้ ลางน้ำให้ไก่จ้า จริงๆๆแล้วมันจะมีช้อนสีแดง คือถาดอาหารนำมันแกะกล่องบ่ได้เขาจิฮ้ายเลยบ่ได้รูปมาลง
อันนี้เครื่องปั้นไฟจ้า ยามไฟฟ้าดับ ไฟฉุกเฉินเขาจิติดตั้งให้ เชื่อมมาบ้านนำยามไฟดับกะบ่ต้องย้าน
ส่วนอันนี้ พัดลม มีทั้งเบิด 12 โตจ้า ข้างหล่ะ 6โต
ส่วนสองแท็งนี้คือแท็งใส่อาหารไก่เด้อจ้า บักใหย่เลยหล่ะ มันจะมีตัวจ่ายอาหารอีกแต่เขาทันเอามาส่ง อาหารจะจ่ายเองอัตโนมัติจ้า เฮาเซต์เวลาไว้เลย สำบายคัก
มื้อนี้เอาส่ำนี้ก่อนเนาะจ้า เดียวให้ฟามเรียบร้อยกว่านี้จอยจะเอามาให้เบิ่งใหม่ ปิดท้ายด้วยผู้หญิงฟามไก่โตจริงจ้า ลูกจ้างขะเจ้าดอกหว๋า ทำทุกอย่างที่ขวางหน้า พะนะ
Bookmarks