หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 19

หัวข้อ: เบื้องหลังดีเจอาสาความจริงที่ถูกตีแผ่

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940

    เบื้องหลังดีเจอาสาความจริงที่ถูกตีแผ่


    ขออภัยแฟนเพลงที่ข่อยบ่สามารถจัดรายการให้จบรายการได้ในวันที่ 1 ต.ค.ที่ผ่านมา ช่วงเวลา 21.00 - 24.00 น. เพราะจอมอนิเตอร์ที่ข่อยใช้จัดรายการ หน้าจอมีอาการสั่น ๆ สักพักหน้าจอกะแคบลง ๆ และก็ดับมิดจั๊ด ช่วงนั้นเป็นช่วงที่ข่อยกำลังเปิดเว่าไมค์พอดีซ่ำแหม ฮ่า ๆ ๆ

    เฮ็ดจั่งใด๋น้อบาดเนี่ย สิหาหม่องปิดไมค์กะเหลียวบ่เห็นจอมันดับไปแล้ว ว่าสิเอิ้นดีเจเด็กน้อยเลากะนอนแล้ว ลูกซายกะกำลังอินกับหนังในโทรทัศน์ ถ้าเอามือสะกิดกะบ่เถิง สิวางไมค์ไว้กะย่านขาดช่วง กะเลยใช้มือที่สามช่วย เบื้องหลังดีเจอาสาความจริงที่ถูกตีแผ่

    ลูกซายมาขยับสายด้านหลังซีพียู ข่อยกะเว่าไปเรื่อย สักพักลองเปิดหน้าจอ ไชโย เปิดได้แล้ว ดีใจที่สิได้ปิดไมค์และปล่อยเพลงให้พี่น้องได้ฟังซั่นดอก ถ้าบ่จั่งซั่นข่อยสิต้องเว่าฮอดหกทุ่มคัก ๆ ลูกซายบอกว่ากดสวิทซ์ซีพียูแช่ไว้กะดับแล้วพะนะ เบื้องหลังดีเจอาสาความจริงที่ถูกตีแผ่

    พอดีข่อยแนมเห็นดีเจวารินบอยในห้องกล่องขอเพลง กะเลยขอความอนุเคราะห์จากดีเจวารินบอยให้ขึ้นฮ่านต่อให้ ขอบคุณดีเจวารินบอยหลาย ๆ เด้อน้อง ข่อยสิลงฮ่านกะลงบ่ได้เพราะแนมบ่เห็น กะเลยเฮ็ดจั่งลูกซายข่อยบอกนั่นล่ะ เบื้องหลังดีเจอาสาความจริงที่ถูกตีแผ่

    ไปซื้อโน๊ตบุ๊คมากะว่าสิจัดรายการในโน๊ตบุ๊คล่ะพี่น้อง เคยจัดอยู่ตอนซื้อมาเทือแรก เพิ่นกะบอกว่าเสียงไมค์บ่ดีพะนะ ขนาดปิดไมค์แล้วยังได้ยินเสียงข่อยเว่ากันอีกพะนะ สงสัยเข้าไมค์ที่ติดมากับโน๊ตบุ๊คบ่น้อ หาหม่องปิดกะบ่พ้อ กะเลยบ่กล้าจัด ข่อยย่านเพิ่นได้ยินเสียงข่อยป้อยให้เมีย เบื้องหลังดีเจอาสาความจริงที่ถูกตีแผ่

    ขอบคุณพี่น้องที่เข้ามาเป็นกำลังแรงใจให้ทีมงานดีเจอาสาเด้อครับ แมนเพิ่นเข้ามาเป็นกำลังแรงใจบ่บุล่ะ หรือว่ามาเว่ากันซือ ๆ บุ :l-

    ดีเจทุกคนที่มาทำหน้าที่ตรงนี้มีความฮักบ้านมหา และมีความเสียสละอย่างดีเยี่ยมครับ เห็นพี่น้องเข้ามาฟังกะดีใจครับ ว่างยามใด๋กะเข้ามาฟังเด้อครับเด้อ แฮ่ม...บางเทือบางช่วง ช่วงออโต้ดีเจมีคนฟังเกือบพัน :l-

    บาดข่อยจัดสิล้มสิตาย บางมื่อข้าวแลงกะบ่ได้กิน มากินเอาตอนลงฮ้านหกทุ่ม จ้ำหมกปลาได้คำเดียว ฮอดเวลากะฟ้าวขึ้นฮ่านย่านบ่ทันเวลา สิลุกไปกินข้าว สิลุกไปเข้าห้องน้ำกะอดไว้ กลั้นไว้ ย่านพี่น้องขอเพลงแล้วแนมบ่เห็น นั่งเบิ่งโตหนังสือแลนลุ่ยล่าย ๆ อยู่ตั้ง 5 ชั่วโมง เบื้องหลังดีเจอาสาความจริงที่ถูกตีแผ่

    ลงจากเก้าอี้ หย่างปานเป็ดถึกค้อน ดีเจบางคนลวกมาม่าไว้ว่าสิกิน จนอืดเต็มซามพะนะ บางคนกะกินข้าวหน้าคอมนั่นล่ะ ทั้งเปลือกผลไม้ ทั้งก้างปลาทูกองเอ้เล่หน้าจอคอมฯ จนมดเจาะคีย์บอร์ดพังกะมี ย่านพี่น้องบ่ได้ฟังเพลง ส่วนข่อยกับดีเจเด็กน้อยเฮ็ดหม้อหนึ่งกับหวดไหม้ไปสองอันแล่ว เบื้องหลังดีเจอาสาความจริงที่ถูกตีแผ่

    มีคนบอกข่อยว่าไผกะเป็นได้ดีเจประสาเปิดเพลงซือ ๆ หรือมีแต่ออโต้ดีเจซือ ๆ คนกะเข้ามาฟังหลายกว่าซุมหมู่เจ้าจัดอีกพุ่นล่ะวาซ่าน ข่อยได้ฟังแล้วข่อยฮังเมือยหนักกว่าเก่า เบื้องหลังดีเจอาสาความจริงที่ถูกตีแผ่

    ส่วนโตข่อย ข่อยมักการเป็นดีเจ อยากสิหาลองแต่บ่มีสนามให้ลอง กะมาพ้อบ้านมหานี่ล่ะ อีกอย่างกะอยากดังนำล่ะหวา แต่พอดังแล้วกะยากอีกล่ะข่อยกะดาย เบื้องหลังดีเจอาสาความจริงที่ถูกตีแผ่

    มีแต่คนอยากเห็นหน้าข่อย ไปเบิ่งโลดหน้าบ้านข่อยวันเสาร์-อาทิตย์ บ่มีว่าง กองเอ้เล่อยู่ บ่ ๆ ๆ บ่แมนเกิบที่พี่น้องไปยามเด้อ .... กองขี้หมา เบื้องหลังดีเจอาสาความจริงที่ถูกตีแผ่

    แก้ไขครั้งสุดท้ายโดย พล พระยาแล; 02-10-2010 at 00:40.

  2. #2
    อ้ายพลเว้าเรื่องไมค์ แพงกะยังทันลืมเด้จ้า ตะกี้จักว่าจ่มอิหยัง ได้ยินเมิด บ่ได้ปิดไมค์ คิคิ
    ขนาดแซวว่าดีเจคันคอบ่กะยังงง คิคิ เทิ่งเสียงไอ เทิ่งเสียงจ่ม (ให้ไผบุ๋ล่ะ 55++)
    ขอบคุณดีเจทุกท่านเด้อจ้าพี่สละเวลาอันมีค่ามาเปิดเพลงสู่พี่น้องฟัง
    ขอเป็นกำลังแรงใจให้ดีเจอาสาทุกท่านจ้า
    แก้ไขครั้งสุดท้ายโดย สาวทองแพง; 02-10-2010 at 01:00. เหตุผล: เพิ่มเติมจ้า

  3. #3
    เข้าใจและเห็นใจดีเจอาสาบ้านมหาคุณคนคะ น้องเอาใจช่วยนะคะที่ชาย

  4. #4
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1

    ความเยือกเย็น

    ถ้าฟังจากอาการ น่าสิเป็นโตเพาเวอร์จอเสีย ซ่อมกะบ่จักบาทครับ รึเปลี่ยนจอใหม่เลยจอกะบ่แพง
    ส่วนโน๊ตบุ๊ค ที่ว่าเสียงไมค์บ่ดีนั้นเป็นที่การเซ็ทค่าไมค์บ่ถืก ปิดไมค์แล้วยังได้ยินเสียง สามารถแก้ไขได้ครับ ลองปิดไมค์ที่โตเครื่อง แล้วตั้งค่า Recoding control หรือที่ Volume control เลือกเป้น advanced control ตรง Recoding control ติกถูกที่ไมค์ ส่วนที่ Volume control ติกปิดเสียงให้หมด ยกเว้น speaker , wave (คร่าวๆเด้อครับ ส่วนรายละเอียดต้องดูที่ชิปเสียง)

    ลองเบิ่งครับ ถ้าบ่ได้กะต้องใช้โปรแกรม TeamViewer เดี๋ยวผมเข้าไปเซ็ทค่าให้

  5. #5
    ร่วมถ่ายทอดความรู้สู่สังคม สัญลักษณ์ของ กำลังใจ
    วันที่สมัคร
    Mar 2007
    กระทู้
    1,611
    บล็อก
    1
    ส่งกำลังใจให้ดีเจอาสาบ้านมหาฯ ทุกคนจ้า

  6. #6
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    555555555 ลงจากเก้าอี้ ย่างปานเป็ดถึกฆอ้น พะนะ เซแถดๆๆเลยวะติอ้ายพล ดีเจข้าวปาดแฮงคัก ลังมื้อน้ำกะบ่ได้อาบ เลิกงานมากะโดดขึ้นฮ้านโลด กั่วสิลงฮ้านกะตีหนึ่งพุ้นนะ ตีหนึ่งฟินแลนด์เด้ หาลังมื้อกะค้านตั่วเนาะ เซ็นไว้กะมีเป้นบางมื้อ อิอิ ลังเทือกะหล่อยหลับป๋าแฟนเพลงกะมีแนอยุ่ 555555555 แต่กะบ่เป้นหยังจ้า ดีใจที่ได้จัดเพลงสู่พี่น้องฟัง อิอิ ว่าตะได้เปิด หย่าววววอย่างเดียว 55555
    แก้ไขครั้งสุดท้ายโดย ข้าวปาด; 02-10-2010 at 08:00.

  7. #7
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    น่านับถือและเห็นใจดีเจอาสาอิหลีค่ะ แต่ทั้งนี้ทั้งนั้นทางเวบมาสเตอร์เพิ่นกะเฮ็ดดีเจออโต้ไว้สำรอง คงสิเพราะเห็นใจดีเจอาสาด้วยประการฉะนี้ละเนาะ จั่งได๋กะอย่าพากันหักโหมหลายเด้อล่ะ มันสิไปบ่ได่ดนฮั่นหน๋า ย่านพากันเมื่อยก่อน อยากให้ค่อยเป็นค่อยไปแต่กะอยู่นำกันไปดนๆเนาะจ้า เอาใจส่อยเชียร์อยู่ข้างหลังเด้อค่ะดีเจอาสาทุกท่าน สู้ๆจ้า ..

  8. #8
    Membership renewed สัญลักษณ์ของ siranee
    วันที่สมัคร
    Jul 2008
    ที่อยู่
    ลาดกระบัง54(วัดศรีวารีน้อย)
    กระทู้
    986
    เอาใจซอยและเป็นกำลังใจให้ดีเจอาสาที่รักทุกๆคนค่ะ :l-:l-

  9. #9
    ศิลปิน นักแสดง สัญลักษณ์ของ แมงงอดน้ำ
    วันที่สมัคร
    Mar 2010
    ที่อยู่
    จอมเทียน เมืองพัทยา
    กระทู้
    305
    การจัดรายการทางเว๊ปนิเป็นตะยากเน๊าะตรงที่เฮาต้องแนมข้อความว่าพิน้องสิขอเพลงหยัง
    ลางเทื่อกะแนมบ่ทัน ไสสิพิมพ์คุยทักทาย ไสสิหาเพลง ดีเจที่บ่ค่อยคุยหน้าไมค์ กะยังโอเคยุ
    บางคนมักคุยทักทายพิน้องต้องยอมรับว่า เก่งอิหลี ขอบคุณดีเจทุกๆคนที่มาให่ความม่วนซื่นจ้า:l-

  10. #10
    ครีเอทีพ โปรดิวเซอร์ สัญลักษณ์ของ บ่าวข้าวจี่
    วันที่สมัคร
    Dec 2008
    กระทู้
    1,172
    บล็อก
    7
    เบื้องหลังความม่วนซืน...บางเทือกะทุลักทุเลพอสมควร..ครับอ้าย...

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •