กำลังแสดงผล 1 ถึง 9 จากทั้งหมด 9

หัวข้อ: ...ไปตามฝันที่เธอหวัง ใจอ้ายยังมีเพียงเจ้า...

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    ...ไปตามฝันที่เธอหวัง ใจอ้ายยังมีเพียงเจ้า...


    ...ไปตามฝันที่เธอหวัง ใจอ้ายยังมีเพียงเจ้า...


    ฮู้เต็มใจแล้วน้องหล่า อ้ายเหมิดค่าสิควงแคน คำว่าแฟนเหมิดความหมาย เจ้าทักทายด้วยลาร้าง

    ต้องปล่อยวางสัมพันธ์แน่น ได้คนแทนออ้มกอดอุ่น มีหม่องหนุนแทนตักอ้าย ฝากรักพ่ายจ่ายน้ำตา

    คำว่าฮักนั้นซ่ำฟ้า กลับสิ้นค่าตอนเธอเมิน มื้อเผชิญกับความหลัง ยามฮักพังเป็นคนพ่าย

    บ่ถึงตายดอกเด้อหล่า เพียงบอกว่าอ้ายเจ็บหนัก อกที่หักฮักมันเพ ต้องอย่างเซพุ้นเด๊น้อง

    ไผสิมองว่าคนโง่ ไผสิโสว่าอ้ายซื่อ ไผอยากว่าอ้ายซื่อบื่อ ถือฮักเจ้าบ่หวั่นไหว

    ขอลาไกลไปห่างหน้า บ่ต้องว่าอ้ายคอยกัน ไปตามฝันที่เธอหวัง อ้ายกะยังมีเพียงเจ้า เด้อน้องเอ๊ยยย


    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  2. #2
    ดูแลตรวจสอบเนื้อหา สัญลักษณ์ของ wundee2513
    วันที่สมัคร
    Aug 2006
    ที่อยู่
    ตามภารกิจ
    กระทู้
    1,108
    บล็อก
    11
    ขอบคุณหลายครับ ถึกใจหลายผญา ของญาอ้ายเพิ่นคนนี้...มักแฮงครับ...

    ย้อนมีเพียงปริญญาใจอ้ายคนนี้
    จึงบ่มีปัญญามัดใจเจ้าไว้ได้ดอกหล่า
    ทั้งจนค้นแค้นยากไร้ในศักดา
    โชคดีเด้อหล่า แต่ว่าใจอ้ายคึดแต่นำนาง ...
    เสรีภาพ เสมอภาค ยุติธรรม

  3. #3
    ดูแลตรวจสอบเนื้อหา สัญลักษณ์ของ ฝนหลวง
    วันที่สมัคร
    Feb 2008
    กระทู้
    1,235
    มันบ่หักดอกคับถ้าบ่จับหลายมือนะ หุหุ

  4. #4
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    756
    บล็อก
    1
    อกหักเป็นเรื่องธรรมชาติจ้า

    สะออนรูปภาพประกอบเพิ่นเนาะ หล่อคัก แต่บ่มักนำดอก ย้านอกหัก 5555

  5. #5
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    อะแฮ่ม ..... จับจดปลายปากกา
    สิลองจาผญ๋าตอบ ผุบ่าวส่าเบิงก่อนหน้า
    สมมติโตสาวหล่า คือสาวเจ้าอ้ายคิดนำ

    คันเป็นสามีน้องบ่ได้ เป็นพี่ชายกะได้ตั๋ว พี่เอ้ย
    บ่คือตี๋สิมีสองคนซ้อน ไทบ้ายเพิ่นสิหยั่น
    ให้ฮักกันเป็นฉันท์อ้าย คือพี่ชายของเนื้ออุ่น
    บ่ได้หนุนดอกตักอ้าย อย่าพ้ายแพ้แก่น้ำตา
    เสียเวลาสิคอยท่า เสียเวลาสิคิดอ่าน
    สิเฮ็ดการสิ่งได๋ เฮ็ดไปโลดเอาใจนำ
    คำที่ชายเคยเว้า น้องเอาใจซ่อยทุกอย่าง
    ให้เจ้าย่างไปข้างหน้า อย่ามาซ้านำอีนาง สั่นแล้ว

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ขอแจมนำจั๊กคำแนสิได้บอ อิอิอิ หลานบ่าวโจ่โล่จ๋า มาคือมวนคักแท้


    อ้ายซายเอ๋ย มากความหมายโตอ้ายนั้น
    เจ้าอย่าหวั่นเรื่องแนวได๋ โตอ้ายมีแต่ความหมาย
    อยู่ในใจดอกของน้อง อ้ายอยู่ไสน้องอยู่หั่น
    บอเคยฝันไปทางอื่น ทุกวันคืนบอลืมได้
    ขอเคียงอ้ายแมนบอหนี จนหรือมีบอได้ย้าน
    ไปนำกันอยู่คือเก่า อ้ายอย่ามาหาเรื่องเว้า
    ให้นางเศร้าดอกทุกใจ แนวน้องฮักตั้งแต่อ้าย
    บอมีใจไปทางอื่น แล้วแต่ไผสิเว้าพื้น
    คนอื่นเว้ากะปล่อยเขา ขอเพียงข่อยและเจ้า
    อดทนเอาอย่าได้หวั่น บอเคยฝันว่าสิฮ้าง
    บอไล้ข่างดอกห่างหนี นี่แหล่วอ้ายเอ้ย

  7. #7
    แบ่งปันความรู้และประสบการณ์
    วันที่สมัคร
    May 2007
    กระทู้
    181



    ได้ฟังคำไผน้ออ้าย ว่าน้องจ่ายความผิดหวัง อยากหันหลังทั้งน้ำตา พร้อมย่างป๋าบ่มาไกล้

    หนึ่งดวงใจกับฮักมั่น บ่เคยฝันไปทางอื่น พร้อมหยัดยืนกุมมืออ้าย แม้จนฮ่ายหรือทุกข์ทน

    พาตากฝนหรือแดดฮ้อน บ่เคยถอนใจจากพี่ ความหวังดีมีคงมั่น ทุกวันมื้อบ่เปลี่ยนแปลง

    ความฮักแพงแจ้งบอกอ้าย บ่เคยหน่ายทุกคำจา พร้อมห่วงหาทวีคูณ จากมื้อศูนย์พูนไปร้อย

    บ่อาจถอยใจจากเจ้า บ่อาจเว้าว่าอยากห่าง บ่อาจวางใจจากอ้าย ฮักหลายขึ้นแต่ละวัน

    หากดวงจันทร์ยังคู่ฟ้า กลางเวหามีเฆมหม่น ใจหนึ่งคนที่ฮักอ้าย ยังหลายขึ้นทุกนาที เด้ออ้ายเอ๊ยยย


    ตอบไว้นี่หล่ะเด้ออ้าย อย่าเบาหลายเด้อจ้าหูหน่ะ จะแม่นหวั่นไหวคักน้อ คริ ๆ ๆ


    แก้ไขครั้งสุดท้ายโดย น้องแพรจ้า; 04-10-2010 at 22:52.

  8. #8
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,433

    บะ ผญา ขะน้อยคือรอตรวจสอบ จากคณะกรรมการติ

    เห็นขึ้นหัวข้อเนาะครับ

    แม่นมีหม่องได๋ บ่สมควรจะตัดทิ่มได้เลยเด้อครับ

    สำหรับท่านผู้ตรวจสอบกระทู้กะดาย ขอบคุณครับ

    :l-



    อย่าคิดนะว่าเธออยู่ในโลกนี้คนเดียว หนทางไม่เปลี่ยวขนาดนั้น ยิ้ม ๆ ไว้ซิก็อุปสรรคต้องฝ่าฟัน ยังไงเธอก็จะมีฉันคอยห่วงใย

    สื่อบันเทิงที่นำมาให้รับชม รับฟังเป็นเพียงตัวอย่างเท่านั้น หากท่านชื่นชอบ สื่อใด โปรดซื้อสินค้าลิขสิทธิ์

  9. #9
    แบ่งปันความรู้และประสบการณ์ สัญลักษณ์ของ คนไกลบ้าน2009
    วันที่สมัคร
    Jun 2009
    กระทู้
    380
    ขอยืมไปใช้เเหน่เด้อครับอ้ายบ่าว

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •