ไกค์เพลง "คำฝากจากแม่" อัลบั้มพิเศษบ้านมหา ขับร้องโดย แมงสะดิ้ง

[thedon]

เพลง คำฝากจากแม่
คำร้อง ทำนอง บ่าวหนองคาย
ดนตรีไกด์ บ่าวข้าวจี่
ศิลปิน แมงสะดิ้ง



..นานหลายปีที่เจ้าหนีไกลบ้านเจ้าลาถิ่นฐานจากอีสานไปอยู่แดนไกล

ส่งใจไปหาฮู้บ่หว่าคิดฮอดเจ้าหลาย อยากให้หลบคืนไวๆ ด้วยดวงใจที่รักและหว่ง

..สิฮู้บ่หนอหว่ามีไผรอถ้าเจ้า คิดฮอดแห่งเหงาหัวอกผู้เฒ่า มันเศร้าอิหลี

กี่ร้อนกี่ฝนกี่หนาวกี่ลมขมขื่นฤดี แนมทางกะมิดซี่หลี่ บ่เห็นมีวี่แววแม้เงา

*ลูกแม่เอ๋ยจำได้บ่น้อหล่าแม่นี่สู้อดสาเลี้ยงลูกมาบ่ปากบ่จ่ม

สิยากส่ำได๋สู้บ่หวั่นไหวเพื่อลูกทุกคนแนมฟ้ายามแลงครึ้มหม่นคิดฮอดจนน้ำตาไหลคลอ

**กินปี้งปลายามได๋กะคิดฮอดหน้า เจ้ากินพิซซ่าลืมปิ้งปลา ของแม่แล้วบ่

ส้มตำปลาแดกเป็นของแปลกไปแล้วบ่หนอ คือสิบ่คึดพ้อต้มปลาข่อแล้วหนอก้อนคำ

***โดนปานได๋หัวใจผู้เฒ่าคอยถ้ารอเจ้ามาอยากเห็นหน้าอ่ำหล่ำๆ

วอนสิ่งศักดิ์สิทธิ์คุ้มครองเจ้าทุกเช้าค่ำ ฝากคำเว้าหนึ่งคำ ให้เจ้าจำแม่ฮักเจ้าหลาย””””

[Boom69]

ม่วนหลายจ้า...ฟังแล้วกะคิดฮอดยายดิ้ง
ยาย ยาย ดิ้ง....ร้องเพลงม่วนจ้า

[ลาวดีน้อย]

เพลงนี้ม่วนจ้า เป็นกำลังใจให้นักร้องแล้วให้คนแต่งเพลงจ้าพี่บ่าวหนองคายกับพี่ดิ้งจ้า

น้องมักหลายเพลงความหมายเพลงดีจ้า:l-

[บ่าวอิง]

ต้องการเพลงคู่ คับ แมงสะดิ้งกับอ้ายพล

[สะใภ้อิสาน]

คนแต่งเนื้อเพลงนี้ เรียกน้ำตาคนไกลบ้านจังเลย เพลงนี้เหมาะสมให้แมลงสะดิ้งน้ำเสนอ
น้ำเสียงดิ้งเพราะอยู่แล้วใส่อารมณคิดถึงแม่คิดถึงบ้านเข้าไป เพราะมากคะ เป็นกำลังใจให้ทั่งทีมงานและนักร้องนะคะ

[หญ้านาง]

มาเชียร์ข้างเวทีเด้อจ้า เพลงม่วนๆ ซวดๆๆๆ จ้า เสียงเหมือน เอื้อยพิมพาเลย...กรี๊ดดดด

[บ่าวหนองคาย]

ลำนำบทเพลง คำฝากจากแม่...

"คำฝากแม่" บทเพลงที่เกิดขึ้นจากบ้านมหาอย่างแท้จริง

ผมเขียนเพลงนี้ขึ้นจากกระทู้ ๆ หนึ่งของเวบบ้านมหา จากชีวิตจริงของสมาชิกท่านหนึ่ง

นั้นคือ "อ้ายโม มาเด้อหล่า" สมาชิกเก่าๆคือยังสิพอจำเพิ่นได้ ซึ่งตอนนี้เพิ่นบ่ได้เข้าบ้านมหามาโดนเติบแล้ว

ผมยอมรับตรงๆเลยหว่าผมบ่มีความรู้ความสามารถทางด้านนี้เลย เพลงนี้เป็นเพลงแรกที่หัดเขียน

ที่เขียนขึ้นมาเทื่อแรกยังบ่ค่อยสิเป็นเพลงปานได๋ จนได้ผู้เพิ่นมีความรู้ความชำนาญทางด้านนี้นั้นกะคือ "อ้ายหมู วงกะปอม"

แห่งกะปอมสตูดิโอ ซึ่งทุกคนคือสิฮู้จักเพิ่นดีซึ่งตอนนั้นอ้ายเพิ่นกะเป็นสมาชิกบ้านมหาคือกัน

เพิ่นได้ซ่อยขัดเกลาจนได้ออกมาเป็นเพลง ซึ่งพี่น้องบ้านมหาอาจสิคุ้นหูกันแหน่กับ เวอร์ชั่นเก่าแนวลูกทุ่งผสมกลิ่นอายเพื่อชีวิต

อยากสิฝากความคิดฮอดคิดถึงไปยังอ้ายทั้งสองคนเด้อครับ ทั้งอ้ายโม มาเด้อหล่าและ อ้ายหมู กะปอม

ถ้ามีพี่น้องท่านได๋ฮู้จักกับอ้ายหมู กะฝากบอกเพิ่นแหน่เด้อคับหว่าบ่าวหนองคายคิดฮอด ผมพยายามติดต่ออ้ายเพิ่นแต่ติดต่อบ่ได้

หรือรบกวนฝากบอกให้อ้ายเพิ่นติดต่อมาหาบ่าวหนองคายแหน่เด้อครับ

ด้วยความคารวะครับผม..

[chudhancock]

โอ้ย ฟังแล้วก็ไผ๋หล่ะ สิ อดน้ำตาไหลได้ ฮือ ฮือ ฮือ เทิ้งมวนเทิ้งเศร้า เนาะจ้า หลานบ่าวหนองคาย
ก็แต่งใด้ มวน เข้ากับคนไกลบ้านอย่างป้า และอีกอย่างเข้ากับ คนร้องนำเนาะจ้า หลานยายดิ้ง ก็ร้องมวน ป้าขอให้หลานบ่าวหนองคาย และหลานยายดิ้งมีแต่ความสุขความเจริญเด้อจ้า

[จำปา]

ฟังแล้วคนอยู่ไกลบ้านกะอดน้ำตาไหลบ่ได้ แต่งได้ม่วนค่ะ คนฮ้องกะเสียงดี

[สาวทองแพง]

ม่วนหลายจ้าเพลงนี้ ดนตรีแบบนี้กะม่วนไปอีกแบบน้อจ้า
อ้ายหลอง แพงยังฟังประจำเด้อ้ายดนตรีอันเก่านั้นจ้า ฟังยามได๋กะน้ำตาสิไหลจ้า
ขอบคุณหลายๆจ้าสำหรับเพลงนี้ ทุกท่านที่ร่วมกันสร้างสรรเพลงนี้จ้า