..อ๊บ ๆ ต้มแล้วแซ่บคัก ๆ ...

[เขมราฐ]

ฝนตกคักตกแหน่ค่ะพี่น้อง ตกตลอด 3 มื่อ 3 คืน ปลาเล็กปลาน้อย กบน้อยกบใหญ่

มาตามฝน อาหารการกินอุดมสมบูรณ์ดีค่ะ สาวภูธรคือน้องหลินกะได้กินแนวกิน

ตามมีตามเกิด หาได้นำไฮ่นำนาแนวนี่ล่ะค่ะ



ต้มกบนา (ซื้อเอา) ใส่ใบหมากขามอ่อน ผักแขยง หอมฮ่วย ๆ ชดฮ้อน ๆ



อู๋สารพัดปลาที่ลงหลี่ (น้าข้างบ้านแบ่งให้)



ซุปผักติ้วใส่วุ้นเส้น เอ็นต้มเปื่อย (ซื้อจากตลาด)



มาเด้อค่ะ กินข้าวงายนำกัน มีเค้กกล้วยหอมของโปรดเฒ่าพ่อ 2 ก้อน (เผิ่นกินกับข้าวค่ะ)

บ่มีกรรมวิธีการต้มกบเด้อค่ะ เพราะว่าเฒ่าแม่เลาต้มใส่หม้อไว้ แล้วไปตลาด น้องหลินกะตักใส่ถ้วยมากินโลด

ปล. ผู้ฮ้ายจั่งน้องกะกินข้าวบ่ายกบพุ่นเด้ออ้าย

[พงศ์น้อย ส กสิน]

เอื้อย ผมหิวข้าวให้จกติ้บข้าวนำแหน่ครับ แกงส้มกบ ซดฮ้อนๆ โอ้ววมีแฮงคอ

[ลาวดีน้อย]

เห็นแบบนี้ คิดฮอดบ้านหลาย เด้อพี่หลินตาแชบคักจ้า

จะกลับบ้านแล้วล่ะจ้า คือสิได้กินอาหารแบบนี้จ้าแชบๆๆๆมักหลายอาหารอิสานขาดบ่ได้ดอกอิอิอิ

[ต้องแล่ง]

เป็นตาแซบแท้ต้มส้มกบใสยอดหมากขามอ่อน

ขอซดนำแหน่เด้อ กับจ้ำอู๋ปลา คือสิแซบ

สาวหลิน...ถามอีหลีเด้อ

อั่นซุบผักติ้วใส่วุ้นเส้นกับเอ็นต้มนั้น

ทางบ้านสาวหลินมีมาโดนแล้วติ

หรือว่าเพิ่งมาประยุกต์เฮ้ดตอนหลังๆ มานี้

บ่แมนหยังดอกคือทางสารคามบ่เคยกิน และบ่เคยเฮ้ดจักเทือกะเลยสงสัยซื่อๆ ดอก

เกิดมากะเพิ่งเคยเห็นนี้หล่ะ แต่ว่าเห็นหน้าตาแล้วกะเป็นตาแซบเนาะ

[Boom69]

มากินข้าวแลงนำพี่สาวเด้อจ้า
ป๊าดดดดดดดด
นู๋มักหลาย..หมกปลาซิว

[pcalibration]

คือบ่ถอดเสื้อกบก่อนเชิญลงหม้อน้อน้องเขมฯ
บ่ได้รับประทานหลายปีแล้วแบบนี้..หยืยส์

[เชษ แฟมมิลี่แมน]

มีไผ สิไปกินต้มกบแถวๆ อุบล นำบ่ครับ ยกมือแหน่ น้องหลิน ไปหาไต้กบถ่าเด้อ เด๋วพวกอ้ายสิไปกินต้มกบนำเด้อ

[ข้าวต้มมัด]

ตอนกลับไปบ้านกะได้กินคือกันจ้า กบมีแต่โตใหญ่ๆๆเพิ่นเผาก่อนเด้จ้าค่อยต้ม
แป็นตาแซบจ้าน้องหลิน กินนำแน่ค่ะหมกปลาชิว อิอิ

[ธิดายาเย็น]

ต้มกบใหม่ ซดฮ้อนๆ ว๊าวววน้ำลายไหล..ฟาดขาโต๊ยมันมาทางหนองบักนาวแนน้องหลินจั๊กขา..

[wundee2513]

... หมกปลาซิว ก็เป็นกินคือกันอยู่เด้อครับ ....เป็นตาแซบหลายแท้น้อ...