กำลังแสดงผล 1 ถึง 8 จากทั้งหมด 8

หัวข้อ: อยากสิฝังความช้ำ.....ใต้ลำน้ำมูล

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    อยากสิฝังความช้ำ.....ใต้ลำน้ำมูล

    ลูกแม่มูลสะอื้น


    อยากสิฝังความช้ำ.....ใต้ลำน้ำมูล
    ดวงตาเว็นจวนสิลับขอบฟ้า.....มองเวหาขี้ฝ้าหม่น
    คึดนำคนเคยฮักมั่น..........ไปแล้วบ่อต่าวคืน
    ยืนเหม่อลอยไห้สะอื้น.......สัญญาฮักเหมิ๊ดความหมาย
    เปรียบดั่งสายแม่มูลไหล.......เรื่อยไปบ่อคืนโค้ง
    ไหลลงโขงเขตแคว้น........มหานทีแม่น้ำใหญ่
    คือจั่งใจสาวเจ้า.......เขาคนนั้นกะดั่งกัน
    ใจแทบขาดสะบั้น.....ยืนริมฝั่งแห่งความหลัง
    น้ำตาพังอยู่ฝั่งมูล.....หม่องเก่าเคยเคียงเจ้า
    ไผตั๋วกันให้ผีเป้าจกกินไต.....ผู้ใด๋เว้าแล้วใจแหว่
    แม่น้ำมูลเป็นพยานแท้ๆ......สัญญาไว้ส่างบ่อจำ
    แล้วแม่นคำผู้ใด๋เว้า......ไผตั๋วกันให้ฟ้าผ่า
    ปลายฝนน้องสิมาทวงสัญญาฮักอ้าย.....อย่าลืมน้องบัดห่างลา
    คึดขึ้นมาแล้วใจน้อย......อกคนคอยสลายหมุ่น
    ข่าวว่าแก้มจู่นผู่นเป็นคุณนายนับแบงค์....แต่งโตโก้นั่งรถหรู

    ขอแม่มูลจงรับฮู้ลูกมีทุกข์ทวีหนัก.....ตั้งตาคอยคนฮักที่จากไปบ่อคืนโค้ง
    ไปหลงลมคนผู้ดีเมืองกรุงกว้าง.....จั่งลืมชายคนเก่า
    วิดจากฝนแล้วกะหนาว....พ้นจากหนาวแล้วแม่นฮ้อนแต่โตน้องบ่อต่าวมา
    เข้าไปหลงแสงสีอยู่เมืองฟ้า.....เป็นดาราสมัยใหม่
    ไลลืมคนบ้านทุ่ง.....ลูกแม่มูลเจ้าให้เปล่าดาย
    ฮักสลายลูกพ่ายแพ้.....แม่มูลจ๋า....ซ่อยปลอบใจให้ลูกแหน่
    ทนบ่อไหวแท้ๆ........ขอฝังร่างใต้แม่มูล
    แก้ไขครั้งสุดท้ายโดย พล พระยาแล; 07-10-2010 at 10:56. เหตุผล: แก้คำผิดจาก "ปลอป" เป็น "ปลอบ"


  2. #2
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    ขอความสุข จงกลับมา
    กลับมาส่าหล่า..ลิโตนอ้ายแหน่

  3. #3
    แบ่งปันความรู้และประสบการณ์
    วันที่สมัคร
    May 2009
    กระทู้
    67
    บ่าวสตึกกะเป็นลูกแม่มูลคือกัน แต่น้อยๆกะว่ายน้ำข้ามมูล ไปวิดเบ็ด ไปหว่านแห ใส่มอง หาปลาแม่มูลบ่เคยให้ผิดหวัง "มูลลึกมุดหยั่งถึงดิน ใจคนลึกมุดหยั่งบ่ถึง" คนที่ผิดสัญญากะให้ไหลไปนำน้ำ
    คนที่อยู่กะขอให้เข็มแข็ง "น้ำใหม่ปลามา หากินบ่เหมิด" เป็นกำลังใจให้ครับ...

  4. #4
    ลูกแม่มูลเมือบ้าน
    เฮือนชานถิ่นเก่า
    กลับคืนมาสู่เค้า
    อิสานเหง้าถิ่นสถาน.....

  5. #5
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    โอ้ ถ้าแต่งเป็นเพลงคือสิม่วนน้อครับ ชื่อเพลงกะม่วน อิอิ

  6. #6
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ขอบคุณทุกกำลังใจครับ ขอบคุณอ้ายพลครับ ที่แำก้ไขคำผิดให้
    ถ้าท่านใด๋สนใจสิเอาไปแต่งเป็นเพลงกะได้ครับ ผมบ่ิอเชี่ยวชาญเรื่องบทเพลง

  7. #7
    อ้ายทิดเอ้ย...มาเศร้าแทะน้อ...ลิโตนเด้..อดเอาเด้อครับ แนวได๋กะดาย สู้ๆๆๆๆ



    มาพ้อคำน้ำใจหม่น ระคนกลอนซ่อนความนัย
    ซงเสียใจเอาแฮง แต่งวลีพาทีร้อย
    อ้ายทิดจ่อยสวอยปิ้น ฮักพังภินท์จนสิ้นท่า
    ผุสาวมาหักอกอ้าย ชายพี่ได้นั่งเหงา
    นับคืนวันมีแต่เศร้า เอ้าอั่งน้ำตาไหล
    คนฮักไหลไปจั่งมูล แก้มจุ่นพุ่นเพิ่นลาแล้ว
    วาสนากินแต่แห้ว เหมิดแนวสิตั้งต่อ
    น้องกะขอให้อ้าย ตัดใจพ้นจากเขา
    แม่นว่าเฮาสินั่งไห้ น้ำตาไหลจนท่วมท่ง
    เขากะคงบ่เห็นค่า คืนมาร่วมฮ่วมเขนย
    ปล่อยไปเลยเด้ออ้าย หยุดเสียใจอย่าคิดฮ่ำ นำแหล่ว..
    แนวผุหญิงหลายใจ สิห่วงใยไปหยังน้อ...


    บอกแต่อ้าย แต่น้องเองกะพอตายแล้ว อ้ายทิดเอ้ย...

  8. #8
    คำเอ้ยคำพี่ชายโก้ ปาดที่โธ่ มาเศร้านิ
    อ้ายทิดจ่อยมื่อนี้ ถูกสาวถิ่มข้างน้ำมูล
    แก้มจูนผูนของอ้าย หายไปไสบ่ได้ต่าว
    เป็นสาวกรุงว่านั้น ฟังแล้วแมนสูนแทน
    หย่อนสายแนนบ่แมนคู่ สิเศร้าอยู่เฮ็ดหยังชาย
    ผุสาวใหม่นำหมู่นี้ ปานดอกเห็ดผุ้นตั๋วอ้าย
    แต่ละรายว่านั้น มีแต่ผู้คักคัก
    ทั้งสาวแก่แม่หม่าย สิหมายเว้าแมนผุได๋
    น้องขอเอาใจช่วย ให้พบสาวคนสวย
    ร่ำรวยเงินทอง งามกว่าผองหญิงได๋
    ทั้งภายในและภายนอก พี่เอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •