ฉันหรือเธอ..ที่เปลี่ยนไป..

[พลายแก้ว]

พอได้ยินคำเว้า ซ่างมาเน่าในหัวอก
ตกกะใจจนเย็นชา บ่คิดว่าสิทำได้
ออนซอนใจผุหวังต้ม แถลงลมลิ้นอ่อน
ตอนแรกบอกฮักอ้าย แต่สุดท้ายบอกว่าลา
เธอคือว่าพอใจอ้าย ชายกะว่าพอใจน้อง สองคนเฮาได้ตั้งต่อ
บอกสิรอถ่าแต่พี่ นี่คือคำเว้าต้าน ขานข่อต่อพี่ชาย
เป็นหรือตายในภายหน้า สัตย์สัญญาบ่ม้างง่าย
ว่าสิตายฮ่วมอ้าย ชายหวังตายฮ่วมน้อง สองก้ำพร่ำเสมอ
บาดนี้เธอมาหลอกต้ม อกระทมตรมตรอมจิต
บ่เคยคิดเลยว่านาง สิวางป๋าลาอ้าย
ทุกข์ทวีทะวายฮ้อน อนาทรทนโศก
แสนวิโยคอกแตกม้าง เพราะนางน้องบ่ซื่อตรง
แม่นไผโกงแม่นไผล้อ แม่นไผน้อบ่สัตย์ซื่อ
แม่นไผถือรับรักอ้าย หมายซ้อนตั้งแต่หลัง
แม่นผุได๋คดในข้อ งองังในกระดูก
แล้วไผผูกคำรักอ้าย แค่ปลายลิ้นหล่ายลวง
เจ้าผุพวงหลายไม้ หลายหัวใจหลายเล่ห์เหลี่ยม
มีร้อยรักร้อยลิ้น อินทร์พรหมฟ้าบ่หล่ำหลิง แน่น้อ
พี่ชายขออวยพรให้ เจ้าไปดีมีโชค
อย่าเศร้าโศกเสมออ้าย ชายพี่ผุเก่าหลัง
ทุกความหวังขอให้ได้ สมหัวใจเจ้าทุกอย่าง
นางสิลาจากอ้าย ชายสิลาจากน้อง มองหน้าบ่หล่ำเห็น
ตามแต่เวรกรรมข้าฯ อนาถาสิจูงจ่อง
สิอำลาจากน้อง ไปนอนฮ้องพ่องเฮ็ดใจ...จักคราวก่อนเด้อ...ฮือๆๆๆๆๆ

[หญ้านาง]

เฮือนสิลาพรากไม้
หัวใจสิลาขาด
วาสนาสุดซ้อย
สิพอยโอ้อ่าวระทม
ฮักมาขมบ่หวานชื่น
อย่าไปฝืนเถาะคุณพี่
ผุสาวบ้านมหานี้
มีเป็นร้อยส่ำสิเอา
เขาบ่ฮักอย่าไปฮ้อง
เขาบ่มองอย่าไปเบิ่ง
ยุเหิงๆหะสิได้
สาแล้วส่ำผุสาว
หัวใจนางกะปวดจ้าว
บ่าวพี่ชายระทมจิต
สาวน้องนางหวลคิด
เป็นตะเหลือโตนอ้าย
ผุสาวหลายอย่าไปง้อ
เขาบ่รอถิ่มป๋าปล่อย
หัวใจนางน้อยๆ
กะคอยอ้ายยุผุเดียว...

ยุเด้อจ้า อิอิ เตะเข้าโกเจ้าของก่อน..

[ทิดจ่อย]

ย้านหลายเด้ ย้านน้ำตาสิท่วมบ้าน เฮือนซานสิเป็นท่ง
ซงสิโสกากั้นหลายมื้อบ่อส่วงซา แท้น้อบ่าวก๋าคาม

[มะเหมี่ยว]

คือมาเศร้ารับลมหนาวแท่ล่ะอ้าย มีหยังให้น้องซอยได่กะบอกเด้อๆๆๆๆๆๆ'''เหตุและผลของเวลาเปลี่ยนแปลงโลกให้เป็นไป.....แล้วนับประสาอะไรกับใจคน ...จะไม่เปลี่ยนตาม....เนาะอ้าย สู้ สู้ สู้+++++

[บ่าวตั้ม]

นึกว่าแต่เพลงของ เสก โลโซ 55555

[หญ้านาง]

นึกว่าแต่เพลงของ เสก โลโซ 55555

อันนี้กลอนโศก โลเช จ้า ม่วนหลายจ้า อ้ายบ่าว มาแต่งให้อ่านอีกแหน่เด้อจ้า

[เซียนเมา]

ถ้าอยากฮู้ว่า ฉันหรือเธอที่เปลี่ยนไป ผมมีคำตอบครับ
ลองถามใจตัวเองสิครับ แล้วจะรู้แน่นอนครับผม (คนเคยผิดหวัง)

[chudhancock]

เห็นพี่ซายได้มาเว้า เอาเรื่องราวมาต้านเอ่ย
แนวบอเคยเป็นจังสั้น อ้ายกลัวย้านไปเฮ็ดหยัง
น้องบอซังอ้ายพอหน่อย ยังถ่าคอยอ้ายคือเก่า
อย่าคิดหลายให้มันเศร้า นางขอเว้าให้พี่ฟัง
เรื่องผิดหวังบอต้องเว้า น้องขอเอาตั้งแต่พี่
ใจดีดีไว้โลดอ้าย บอต้องให่ฟายน้ำตา ดอกอ้ายเอ้ย

[ข้าวต้มมัด]

นกเขาตู้ พรากคู่กะยังขัน
ชนีมัน พรากกันกะยังฮ้อง
บัดห่า อ้ายพรากน้อง คำเดียวบ่เอิ้นสั่ง
ตั้งแต่ไม้ใหญ่ล้ม กะยังเอิ้นสั่งต่อ


ท่าให้ง้อ กะบ่ง้อ ท่าตัดท่อยุอย่างเดียว
บัดห่าเหลียวเบิ่งชาย น้ำนองไหลอาบแก้ม
นางนี้แนมเบิ่งอ้าย บอกว่าหมายสิป๋าป่อย
จักว่าข่อยเฮ็ดหยั่ง โตเจ้าจึงเปลี่ยนไป
บ่เชื่อใจนางน้อง ฟังแต่ความคนอื่น
บ่อาจผืนใจเฮ็ดได้ ไปสาอ้ายไปสะไป
ว่าคือจั่งเพิ่นเว้าให้ แมนผุได๋เปลี่ยนไปก่อน
อันว่าตัวงามงอน นั่งท่ายุแต่อ้าย มาหมายเว้าเจรจา
คันบ่มีวาจาต้าน วาจาขานกะสิปล่อย
บ่มาอ่อยเอาน้อง พี่ทองก้อนไปก่อนเด้อ






มาแจมนำบ่าวก๋าคามจ้า ผญ๋าเพิ่นน่าตอบทรงคือสิ 0 คัก ปานอ้ายทิดจ่อย อิอิ จุ้มเดียวกันบ่อหือผญ๋าอกหัก อิอิ