กำลังแสดงผล 1 ถึง 8 จากทั้งหมด 8

หัวข้อ: จากใจสาวหล่า

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    รอบยิ้มพิมใจ จากใจสาวหล่า

    ขอยืมมือแน่เจ้า นั่งกอดเข่าเว้าคุยกัน
    ได้ว่าถึงวันหวาน ตาประสานวันก่อนกี้
    มีคนเดียวท่อนี้ ที่นางได้ติดติดต่อ
    พอได้เว้าเป็นแฮงใจ ระบายไปตอนฮ่ำฮอน
    บ่อมีหม่องได๋สิเว้า เข้าใจคือคุณพี่
    อุปนิสัยดีคือพี่ เฮานี้แมนคือกัน
    สายสัมพันธ์ฮักแน่นแน่น ให้หมั่นแก่นคือต้นขาม
    มีหลายอันหลายความ ถามไถ่ไปอยู่ทางพี้
    นางจึงได้จาต้าน ฝากคำหวานมอบให้พี่
    ให้เป็นพี่ที่ดี พอน้องได้เพิ่งพา
    แมนกุศลของน้องหล่า สิมาช้าบ่เป็นหยั่ง
    แต่ยังหวังมีคนฮัก คือพี่ชายเอาไว้ปลื้ม สั่นแล้ว

  2. #2
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    323
    อิจฉาเด๊..อิจฉาเด้..ใผสิมาโชคดีทอ
    มีคนขอเป็นชิดใกล้เอาใจตั้งต่อซูน
    แมนเฮ็ดบุญหยังแหล่วแนวหน่อเชื้อพญา
    ปรารถนาใด้ใจนางกะใด้ดั่งประสงค์ม่อน
    บ่คือขอนไม้ดอกเปลียบดังโต่พุข้า
    สิหาใผมานั่งกะย่านแต่ขอนดอกฮ้าง
    ทางที่เคยถางไว้กะไร้นางใด๋เทียวท่อง
    นั่งข่องม่องโดดเดี่ยวสิ้นนางนั้นมาฮวมเฮียง..สาแหลว

  3. #3
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    สายสัมพันธ์เกี้ยวแน่น
    บ่เป็นแฟนกะเป็นพี่
    ฮักกันไว้เทื่อนี้
    เทื่อหน้าได้เพิ่งพา
    อุปสรรคข้างหน้า
    มีหลายวาหลายศอก
    แค่บอกว่าฮักน้อง
    ประคองข้างเป็นพี่ชาย
    ยามเรื่องหลายเข้ามาวุ่น
    ทุนหัวใจที่ไหวอ่อน
    ขอมือป่อนจากอ้าย
    มาส่อยยู้สู่เส้นชัย....
    .แหน่เด้อจ้า

    เห็นเอื้อยข้าวต้มมัดเขียนแล้ว คึดฮอดพี่รหัสเด้ ...อิอิ

  4. #4
    ดูแลตรวจสอบเนื้อหา สัญลักษณ์ของ wundee2513
    วันที่สมัคร
    Aug 2006
    ที่อยู่
    ตามภารกิจ
    กระทู้
    1,108
    บล็อก
    11
    ... จังแม้นคักน้อ ผญา...ผู้สาวหล่าข้าวต้มมัด ...

    ...อยากเป็นเด้ อยากเป็นพี่ซายผู้นั้น
    คือสิได้ยินคำหวานๆ มีความหมาย
    ยามทุกข์ยากคือสิพอให้ได้ระบาย
    เมื่อยามใจอุกอั้งเอ้าคือสิได้ส่างเซา....

    ขออนุญาตแจมเด้อครับ คุณข้าวต้มมัด
    เสรีภาพ เสมอภาค ยุติธรรม

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    สัพพะกลอนที่กล่าวอ้าง น้องเอ่ยอวยคำ(ความ)
    พี่ซายนำไปคิด ใส่จิตกะใจหมั้น
    สาระพันเพียรต้าน คำขานบอกกล่าว
    อันเรื่องราวบ่อนข้อ ยอม้วนมอบมวล
    หากแต่ล้วน ภูมิพากษ์ผญากลอน
    บ่อาจฮอนสีนตัด คัดแคงแหนงเนิ้ง
    ยังจักฮำเพิงฮู้ กันยากูน้องพี่
    ส่วนว่าศรีสะท้าน บ่หาญเว้า ว่าพะอวน...นั้นแล้ว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    Miss Papaya
    ศิลปิน นักแสดง
    แม่ครัวบ้านมหา
    สัญลักษณ์ของ สาวผู้ฮ้าย
    วันที่สมัคร
    Jun 2008
    กระทู้
    1,262
    โอ้ยอยากเว้าเป็นเด้ พี่น้องเอ้ย
    มีอันได๋กะหันมาทางพี้กะได้เด้อเพื่อน
    :b-b เมรีขี้เมา :b-b

  7. #7
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    เรื่องฮิตน่าอ่าน ต้อนรับพ่อใหญ่ศรีสะท้านก่อนจ้า มาแล๊ว มาแล้ว

    ซวดซวดแน่ค่ะพี่น้อง อาจารย์ใหญ่ลงมาแล้ว
    เสียงซั่วแซวโฮ่ฮ้อง ตัวน้องกะดีใจ
    อาจารย์ใหญ่นักปราชณ์ศรี มือนี้ตี้มาถึงแล้ว
    มีหลายแนว ถามไถ่อ้าย ไปทางได๋บ่ได้ข่าว
    หรือแมนมีสาวส่ำน้อย เลยหายจ้อยไปนำกัน
    คนรำพันถึงอ้าย คิดฮอดหลายแท้ตั๋วพี่
    เจ้าส่ำบายดีอยู่บ้อ อี่พ่อ...เอ้ย เป็นจั๋งได๋

  8. #8
    ร่วมถ่ายทอดความรู้สู่สังคม สัญลักษณ์ของ ไทเมืองมุก
    วันที่สมัคร
    Mar 2010
    ที่อยู่
    mukdaharn
    กระทู้
    319
    จังแมนเพิ่นคัก จังแมนเพิ่นคักเนาะ อ่านยามใดกะได แต่กะทันแต่งเป็นนำเพิ่นยุ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •