เพลง เกิบเสีย มอบให้ท่านครีเอทีฟ โปรดิวเซอร์ อิอิ

[thedon]

เพลง เกิบเสีย อิอิ
คำร้อง/ทำนอง Thedon

งานเลี้ยงเริ่มโดนเติบงวกหาเกิบบ่เห็น
เอ๊ะ!เมื่อตอนกลางเวนยังจอดเอาไว้ใกล้ๆ
อยู่ในสายตาก็นึกว่าปลอดภัย
คนมางานก็เริ่มหลายเกิบไผเป็นไผสับสนปนเป

งานเลี้ยงสนุกแต่ใจเริ่มทุกข์นักหนา
เพื่อนฝูงเฮฮาแต่เฮานั่งเฮ็ดเซ่เหว่
เกิบเหลือกิ่งเดียวซางเหลือใจแท้เด้
หรือเพื่อนเจ้าเล่ห์เล่นเสี่ยงเกิบแกล้งให้ขบขัน

หลังงานเลี้ยงเลิกกะเลยฮ้องจ่าวหา
ถามหมู่ไปว่าเกิบผู้ข้าอยู่ไสหล่ะนั่น
เพื่อนฝูงแนมหน้าตอบว่าบ่ฮู้คือกัน
หลายเสียงยืนยันฟันธงว่าเกิบนั้นหาย

สังสรรค์มื้อนี้ถอยเกิบใหม่มาแก้ตัว
เหลียวซ้ายมองขวาย่านคนมาลักเกิบไป
คันเสียเป็นคู่ข่อยกะบ่เสียใจ
ไผน้อลักไปอ่อยไฟเกิบคู่กายเหมิดลายหากิน

[บ่าวข้าวจี่]

ฮ่าๆๆๆๆ...ซังคนเด้..มาประนามกันทางเพลงได้จังได๋หว๋า.....

[กำพร้าผีน้อย]

.. ถืกคีงผุลังคนคัก..

เกิบข้างที่ยังเพิ่นกะยังเอาไว้ยุ เพิ่นว่าเทื่อมันกลับมาหากันวะซั่น..555.

[ลาวดีน้อย]

ฮ่าๆ สิถ่าฟังเพลงนี้จ้า ไผร้องล่ะ มียังจ้าอิอิอิ

[บ่าวต้อม]

เพลงนี้ผู้ได๋ฮ้องน้อ

อัดมาให้ฟังแหน่เด้อคับ

[เเมงสะดิ้ง]

ฮ่วยบ่แม่นยุในจานกะเพราพ่วนติ่
พากันซิมเบิ่งไปล่ะรสชาติ
เหนียวๆ นุ่มๆ หยาบๆ นั่นน่ะ
"ขี้เมากะเพราแตะ"

[คนตระการ...]

อยากฟังไกด์เพลงไวๆเด้...........

[kitty]

อ.thedon
แต่งเก่งเน๊าะค่ะ

[บ่าวจัย]

ผมเห็นยุครับ ข้างที่มันเหลือยุบ้านเพิ่นน่ะ แต่ได้ยินว่ามันเสียแถวๆวัดศรีเอี่ยมติครับฮ่าๆๆๆๆๆๆๆๆ

[บ่าวน้ำโสม]

คั่นเอ็ดแล้วกะเอามาเปิดหน้าฮ้านบ้านมหาเฮาแนะเด้อครับอ้าย....