น้องสาวเอย...อ้ายต้องจำจากน้อง หนีจ่องคนึงหา
ต้องจากมาไกลตา ย้อนว่างานมาเกยกั้น
แต่ว่าสัมพันธ์มั่น คำสัญญายังคือเก่า
บ่ไกลจากเจ้า คือโตอ้ายที่ห่างมา
ต้องจากลาบ้านนี้ เฮือนเคยอยู่อู่เคยนอน
ต้องจากลาพิงหมอน บ่อนเฮาเคยช้น
จำต้องหาทางหม่น ดิ้นรนไปทุกบ่อน
สิทุกข์สุขหรือว่าฮ้อน บ่ลืมเจ้าทุกยาม
มื้อนี้ขอกลับบ้าน ช้นบ่อนเคยนอน
มาร้อยเรียงคำกลอน ต่อพะนางคือกี้
หรือว่ามีใหม่แล้ว เสียงแซวๆเขาเอิ่นใส่
หากยังบ่มีใหม่ช้วน ยังรออ้ายยุบ่นาง...น้องสาวเอย
ขอรายงานโตเด้อครับ: นี่คือ วัฒนชัย หาริโร เด้อพอดีเข้าบ้านบ่ได้
กะเลยเอาชื่อหมู่เข้ามาครับ รอการขอรหัสยุ อยากบอกว่าคึดฮอดทุกคนหลายๆๆๆๆ
Bookmarks