กำลังแสดงผล 1 ถึง 5 จากทั้งหมด 5

หัวข้อ: โจรงัดบ้าน..ยามกลางเว็นฟ้าแจ้งๆๆ

  1. #1
    ศึกษาหาความรู้ สัญลักษณ์ของ คนของหัวใจ
    วันที่สมัคร
    Dec 2009
    กระทู้
    139

    ฟังเพลง Music Streaming โจรงัดบ้าน..ยามกลางเว็นฟ้าแจ้งๆๆ

    :*- มื้อนี่มีความจริงมาเว้าสู่พี่น้องอ่านเผื่อสิได้บ่ประมาทคือกอบัวดอกหว๋า
    [COLOR="Navy"] กาลครั้งหนึ่งเมื่อวันที่ 28 ก.ย 53 มื้อนั่นหลังจากเลิกงานข่อยกะกลับบ้านปกติ พอเปิดประตูเข้าบ้าน กะหย่างหาแนวใส่ท้องในตู้เย็นๆ ตาบัดเหลียวไปทางประตูครัว เห็นประตูกะบ่ปิด ไขควงกะวางอยู่4 อัน มุงลวดกะเปิดออกทิ้งยุนำพื้น พอหย่างไปเบิ่งข้างนอก ฮ่วย! กระจกบานเกล็ดกะถอดบาดนิ ข่อยกะบ่คิดหยังหลาย ฮู้บ่ข่อยคิดจั่งได๋เห็นแบบนี่ ป๊าดดดด ลูกน้องข่อยคือสิขยันคักแท้ ถอดกระจกออกมาเช็ดบ่ย้านบาดมือบ่ มุงลวดกระถอด แต่ว่าคือบ่ใส่คือเก่าว่ะ ไขควงซุ้มนี่คือบ่เคยเห็นน้อ พู้นเดะข่อยคิดแมะ โจรงัดบ้าน..ยามกลางเว็นฟ้าแจ้งๆๆ บ่คิดหยังหลาย ข่อยกะใส่มุงลวดคือเก่า ปิดประตูเรียบร้อย คือบ่มีหยังเกิดขึ้น จน 1 ทุ่ม ลูกน้องกลับมาจากเฝ้าร้าน ข่อยกะยิงคำถามแรกทันทีที่เจอเลย “ โตคือบ่ปิดประตูบ้านล่ะอ้อ” “ ปิดยุเดะล่ะป้า” “ปิดจั่งได๋เฮาเห็นเปิดยุแมะ ไขควงกะมี มุงลวดกะเปิด โตเฮ็ดหยังบ่” ลูกน้องกะตอบ “บ่ได้เฮ็ดเดะล่ะป้า” เอาแล้วข่อย เริ่มสิหนาวแต่ยังบ่มีหลักฐาน ลูกน้องกะขึ้นไปข้างบน บาดขึ้นไปแค่บันได ท่อนั่นล่ะ เอิ้นมาถามข่อย “ป้าได้ขึ้นมารื้อของในห้องบ่นิ”ได้ยินคำถามข่อย ขาสั่นพั่บๆๆ บ่ต้องสงสัยเลย ฟ้าวขึ้นไปเบิ่งตี้ล่ะ ประตูห้อง 3 ห้อง กะถูกงัด เสื้อผ้ากระจายเต็มพื้น ตู้สามหลัง ถูกงัดหมด ตาบัดเหลียวไปเห็น กล่องใส่ทอง หล่นยุนำพื้น คือใจสิขาดนิล่ะพี่น้อง น้ำตาไหลเป็นสายเลย นั่งเก็บกล่องนั่นกล่องนี่มาส่องกะเปล่า พับเสื้อผ้าไปกะคิด เส้นนั่นตอนตกเบิก เส้นนั่นโบนัส เส้นนั่นวันเกิด เส้นนั่นปีใหม่ สารพัดตะแนวคิด ที่นอนกะรื้อจนกระจาย บ่แม่นข่อยเก็บบ่ดีเดะ ใส่ลิ้นชักข้างในสุด ล็อคกุญแจ เอาดอกกุญแจไปไว้หม่องอื่น ปานนั่นมันกะยังเห็น ตอนแรกกะบ่อยากไปแจ้งความดอก เพราะคิดว่าของถึงมือโจร โอกาสเจอบ่มี บาดเพื่อนบ้านกะว่าแจ้งความโลดครู กะเลยไปแจ้งความตอนสิ สามทุ่ม สรุปคืนนั่นตำรวจมาตรวจ 3 รอบ จนข่อยบ่ได้นอน จักหน่อยกะกด ออดดด อีกแล้ว มากะบ่เฮ็ดหยัง ลายมือกะบ่ตรวจ จนปานนี่กะมิดจี่ลี่ (ตำรวจกะดาย สงสัยสิงานหลายบ่โจรงัดบ้าน..ยามกลางเว็นฟ้าแจ้งๆๆ) ทั้งที่บ้านข่อยกะมียามดูแลอย่างดี แต่ว่าโจรสมัยนี่มันบ่คือเก่า หน้าตาดีๆแต่งโตงามๆ ทำท่ามาถามหาญาติ หย่างมาเฉย ไผสิฮู้แม่นบ่
    ฉะนั้นกะอยากเตือนพี่น้องที่ยังบ่เคยเกิดเหตุการณ์แบบนี่ กุญแจกะล็อคแหน่เอาให้ปลอดภัยก่อนออกจากบ้านกะสำรวจเบิ่งบ้านเรียบร้อยดียัง อย่าสิได้มานั่งเสียใจคือกอบัว...
    แก้ไขครั้งสุดท้ายโดย คนของหัวใจ; 14-10-2010 at 20:16.

  2. #2
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    2,872
    น่าเสียดายเนาะครับเอื้อย ขอให้ได้ของคืนเด้อครับ ผมกะเคยเจอมาแล้วครับแต่ว่าได้คืนอิอิอิ
    หล่อคืออ้าย กินข้าวบายกบตั๋วะหล่า

  3. #3
    ร่วมถ่ายทอดความรู้สู่สังคม สัญลักษณ์ของ กำลังใจ
    วันที่สมัคร
    Mar 2007
    กระทู้
    1,529
    บล็อก
    1
    น่าเสียดายเนาะ แต่คิดให้สบายใจก็ถือว่าฟาดเคราะห์ไปนะครู
    ของนอกกายเดี๋ยวก็หาใหม่ได้ แต่ก็อยากให้ตำรวจจับผู้ร้ายได้จัง

  4. #4
    ศึกษาหาความรู้ สัญลักษณ์ของ นักรบดำ
    วันที่สมัคร
    Dec 2009
    กระทู้
    3
    น่าสงสารคุณครูของผม ไม่รู้จาช่วยยังไง กะ หาซื้อใหม่เอาครับ (ผมบอกแล้ว ว่าให้ผมไปอยู่ด้วย จาได้คอยเฝ้าบ้านให้กะไม่เอา ) หุหุ

  5. #5
    ขอบคุณจ้าคุณครูกอบัวที่แบ่งปันประสบการณ์จ้า
    โจรได๋หลงมางัดห้องแพงนิ โชคร้ายสุดๆจ้า เพราะจะเมื่อยฟรี
    สิได้กะแต่ไหปลาแดก กับเครื่องเฮ็ดแนวกินจ้า
    เมื่อความจนผลักไส ดิ้นรนเท่าไรยิ่งไกลบ้าน

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •