ปลื้ม....(อ้ายกึ่ม) ตอน อวสาน

[ข้าวต้มมัด]

นกเขาตู้ พรากคู่กะยังขัน
ชนีมัน พรากกันกะยังฮ้อง
น้องพรากอ้าย คำเดี่ยวเดี๋ยวเอิ้นสั่ง
น้ำตาไหลหลั่งหย้อย สิขอต้อยเจรจา พี่เอ้ย


กาลเวลามาถึงแล้ว สิถึงตอนอวสาน
ปิดตำนานฮักพี่ชาย ปลื้มคนไค กึ่มคนโก้
สิโกรธาบ่อหล่ะอ้าย ฟังน้องเจรจา
เก็บไว้ในอุรา ปรารถณาบูชาพุ้น
บ่ได้ซูนคิงพอน้อย บ่อได้ต้อยกันจักเทื่อ
เกินว่าฮักเกินว่าท่า เสียเวลาพาให้ป่วง
สิบ่คือดวงดอกเจ้า อันคำเว้าเริ่มบ่ถืกกัน
สายสัมพันธ์ขาดสะบั้น บ่ฝั่นต่อแมนแนวได๋
สิหักจิต สิหักใจ บ่มีไผ๋ บ่ไห้ท้อ หื่อๆ
สิหวนต่อตั้งหลักหมั่น ฮักกันหลายกั่วเก่า
คืนผัวฮักผัวเค้า บ่เคยเว้าให้ระกำ
จำความดีในใจตน ความสับสนที่เคยว่า
ปรารถณาสิจาต้าน ให้ทุกท่านนี้ได้ยิน
ความสัมพันธ์ของเฮาสิ้น บ่ถึงขั้นเป็นลายต่าง
ทางพี่ชายอย่ามาเว้า ว่าตัวน้องเป็นอี่กา (เพลง)
ว่าสิบ่เว้าข้อใดใด ให้คนได้ฮู้ข่าว
โตนางต่าวตามอ้าย ในเน็ตนั้นผ้สแฮงวิน
เพิ่นบินสูงเอาฮ้าย ผุสาวหลายปานแมงวี่
นางตริไตรตรองดู ตามตูตนตรอมตี้
พี่ทำลายป่นปี้ ศักดิ์ศรีน้องแมนยุไส
เก็บมาลาดอกไม้ พร้อมขันธ์ห้าสิลาก่อน
ไปก่อนเด้ออ้อนต้อน ชายคนโก้ให้อยู่ดี สั่นแล้วคุณพี่เอ้ย






จบบริบูรณ์แล้วเด้อค่ะ ผลงานตำนานปลื้มอ้ายกึ่ม