กำลังแสดงผล 1 ถึง 9 จากทั้งหมด 9

หัวข้อ: เสียงซอรำพัน

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    เสียงซอรำพัน

    อ๋อ อี่ อ้อ อ้อย อี่สีซอ
    มวนแท้น้อซอสี อี่ ออ อ๋อ อ้อย
    จั่น จั่น จั่น รำพันอ้อยอิ่ง
    ใจหญิงนี้ โอนอ่อนเอียงตาม
    งามเอ้ยงามเสียงสร้อย อ้อยอี่ ดนตรีหวาน
    เป็นตำนานเพลงไทย น้ำตาไหลได้ฟังแล้ว
    ฟังทั้งแนวโศกศร้า เย้ายวนชวนให้เบิ่ง
    เทิ่งมีจิตต่อตั้ง ดนตรีต้อยบรรเลง
    จังหวะเพลงไทรโยค อาจสิโศกแน่จักหน่อย
    เสียงซ้ำสร้อยดนตรีเศร้า เฮาฟังแล้วแมนมวนหลาย
    มองหาชายผุเคยเว้า ผุเคยเฝ้าฟังเสียงซอ
    เคยเว้าต่อว่ามวนหลาย มื่อนี้หายไปไสน้อ
    อยู่ทางได๋บ่มาพ้อ นั่งสีซอรอท่าบ่าว
    หรือกินเข่าบ่ทันแล้ว ใจมันแป้วได้ส่องหา สั่นแล้วพี่น้องเอ้ย



    [MUSIC]http://www.file2go.com/mrun.php?me=468s3[/MUSIC]
    แก้ไขครั้งสุดท้ายโดย ตรี ศรีเมืองใหม่; 26-10-2010 at 20:56.

  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    อ๋อ อี่ อ้อ ซอเสียงสำเนียงวาด
    บาดหัวใจสาวน้อง
    ให้คองเค้าบ่าวบ่ลืม
    ยืมเสียงซอเอื้อยมาเว้า
    ยืมเอาเงาเอื้อยมาว่า
    เสียงซอบ่าวบ้านมหา
    สังมาม่วนกวนเนื้อ
    นางน้องสิบ่ลืม
    ปลื้มหัวใจหากอ้อน
    มาออนซอนเอื้อยข้าวฯกล่าว
    รอผุบ่าวไทบ้าน
    มาพานพ้องต่องผญา
    นวลหญ้านางกะรอถ่า
    เอื้อยข้าวฯจ๋ากะรอพี่
    บ่าวบ้านไกลไทบ้านนี้
    เชิญทางพี้บ่าวพี่ชาย...
    ..อิอิ เอิ้นบ่าวก่อนจักพากันไปไสเบิดดอก จ้าเอื้อย

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    เข้ามาให้กำลังใจเซียนผญาตัวแม่เทิ้งสองเด้อจ้า.. ม่วนๆ ค่ะ.. :l-
    มองต่าง..อย่างปลง

  4. #4
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    อิอิ น้องหญ้านางน้องแต่งผญ๋าได้ยอดเยี่ยมทุกบททุกตอนจ้า ยอมรับในผีมือจ้า
    เอื้อยข้าวต้มมัด จำสมัยตอนเป็นสาวส่าน้อย ผุบ่าวบ้านไกลมาจากขอนแก่น
    เลาปลื้มคักมาเฝ้าฟังเสียงซอ เอื้อยแต่งงานแล้วกะยังบ่อทันแต่งงานยุจ้า ตอนนี้กะดาย

    ขอบคุณพี่ส้มป่อยที่มาให้กำลังใจจ้า เขียนให้อ่านอย่าฟ่าวเบื่อหล่ะจ้า

  5. #5
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    เข้ามาอ่านผย๋า พร้อมด้วยเสียงซอของอาจารย์ โน ชานนท์ ชินราช แห่งคิดฮอดผู้ลังคน ฟังเสียงซอคือสินั่งไห้อยู่ผู้เดียวบ่อจัก ผู้อยู่ทางไกล//เคยมาทักทายอ้ายทุกมื้อ เดียวนี้หายจ้อย (จ่ม) กะส่างเถาะ คิดฮอดกะสิอดเอา
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  6. #6
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    ส่งเสียงซอถามข่าวอ้าย

    อ้ายเอ้ย ฟังเสียงซออ้ายฝากไว้ ฮู้บ่น้อปาดหัวใจ ฟังยามได๋ใจไหวหวั่น
    ฝันพานพบฮอดหน้า ชายจาเว้าแฮ่งใจหาย
    ใจสิวายแล้วเด้อ้าย หย้อนสิตายนำคำมวน
    ชวนให้คิดอยากพ้อ โอ้ใจน้อแมนบ่อจำ
    คำเอ้ยคำก้อนแก้ว น้องสิแอ้วเป็นภาษา
    ส่งซอสีออกมา เป็นวาจาจากใจน้อง
    ออ อี๋ อ้อ อ่ออี๊๊๊..... พี่เซียงน้อยเอ้ย
    อยากเฉลยความในใจ นางเศร้าหลายกายสิท้อ
    ออ๊...เศร้าแล้วเศร้า เข้าใจน้องบ้อพี่
    ตำนานซอทุกมื่อนี้ นางนี้แมนบ่ลืม
    บ่เคยลืมดอกคำเว้า คนเฝ้าซอรอเพลงมวน
    หวนคิดถึงวันนั้น ใจสะท้านแมนบ่ลืม
    อ้ายได้ยืมเสียงซอเศร้า มาถามข่าวสาวคนงาม
    ให้ถามใจตนเอง นางสิบรรเลงไปหาอ้าย
    ฝากมาหลายเป็นคำอ้อน อ่อนหวานมอบให้พี่
    ส่ำบายดียุบ้อน้อ นางอยากพ้อบ่าวพี่ชาย
    คิดฮอดหลายอยากอายเว้า แนวเฮาบ่แมนคู่
    ขอให้พี่ฮับฮู้ ตู๋หลูน้องนี้คิดนำ แท้แล้วพี่เอ้ย





    จั่งแมนเพิ่นหาแนวมาอ่อยดีเนาะอ้าย บัดเสียงซอรู้ว่าน้องนี้แพ้ผันเอามาลง อิอิ "คิดฮอดกะสิอดเอา พะนะ"
    (เพลงที่เกี่ยวกับเสียงซอ เอามาลงหลายๆโลดอ้าย บ่ว่าหยังดอกอดีตมือซอมักแฮงจ้า)
    แก้ไขครั้งสุดท้ายโดย ข้าวต้มมัด; 27-10-2010 at 04:18.

  7. #7
    International chef สัญลักษณ์ของ สะใภ้อิสาน
    วันที่สมัคร
    Dec 2008
    กระทู้
    1,565
    บล็อก
    4
    ติดตามคำกลองมาตลอด เพราะคะขอชม

  8. #8
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    ขอบคุณพี่นิที่ชมค่ะ หากแมนมีคนติดใจและชื่นชมในผลงานการแต่ง ของข้าวต้มมัด น้องยินดีนำเสนองานดีๆ ที่ได้แต่งไว้ให้พี่น้องไทบ้านมหา หลายผลงานจ้าเกี่ยวกับซอและอื่นๆค่ะ


    (ฟังเสียงซอยามใด ยอมรับค่ะว่าซึ้งเพราะตนเองสีกะบ่ได้ดีขนาดมือโปรเพิ่นดอกค่ะ)

  9. #9
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ฟังเสียงซอฮ๋ออี้ คิดฮอดพี่นี่เอาหลาย
    ซอสามสายอ้ายเคยสี สู่นางยามฟังนั่น
    แสนลำพันประสานซ้อน เสียงซอสีมีเสน่
    คิดฮอดเด้ คิดฮอดอ้าย ไปไสน้อซ่างบอมา
    น้องยังรอนับมื่อถ่า คืนมาสาน้องเป็นห่วง
    คิดฮอดดวงมณีล้า เหงาอุรามองหาพี่
    คิดฮอดสีซออ้ายซายคนฮู้ ไปอยู่ไสอ้ายเอ้ย
    แก้ไขครั้งสุดท้ายโดย chudhancock; 02-11-2010 at 01:34.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •