หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 32

หัวข้อ: ส้มปลาตะเพียนกับส้มหมูเด้อจ้า...

  1. #1

    ส้มปลาตะเพียนกับส้มหมูเด้อจ้า...


    ทำงานจักหน่อยก่อน อิอิ...ไปร้านอาหารเอเชียมาจ้า เลยได้ปลาตะเพียน(หรือเปล่า)มาถุงหนึ่ง
    หมักเกลือนึ่งใส่ผักไปแล้วโตหนึ่ง แต่กินยากๆ ก้างหลายพาโล...เป็นปลามาจากเวียดนามจ้า
    กะเลยเอามาเฮ็ดปลาส้มซะ ล้างปลาให้สะอาดอีกครั้งจ้า แล้วกะใช้มีดคมๆบั้งถี่ๆเลยจ้า
    แล้วกะเอาปลาไปแช่ไว้ในน้ำซาวข้าว เนื้อปลาสิได้แน่นๆขาวๆ เป็นเคล็ดลับ อิแม่พาเฮ็ด พะนะ

    ส้มปลาตะเพียนกับส้มหมูเด้อจ้า...

    หลังจากนั้นกะเอาปลามาบีบๆน้ำถิ่มไปแหน่ ใส่ชาม ติ๋มสิบ่ตัดหางปลาถิ่มเด้อจ้า ย่างหรือทอดแล้ว เพื่อความสวยงาม อิอิ
    จากนั้นกะใส่ข้าวเหนียวนึ่งจักปั้น เอาทอกำปั้นหนี่หละ กะๆเอา
    กระเทียมโทนโขลกๆจัก5หัว ใส่หลายแหน่จักหน่อย ดับคาวปลา
    เกลือ ปลา5โตนี่ ติ๋มใส่ประมาณ2ช้อนชาหนี่หละ

    แล้วกะจัดการนวดๆ จนทุกอย่างเข้ากันดี โดนๆแหน่จักหน่อย
    จากนั่นกะเก็บข้าว+กระเทียมยัดเข้าไปไว้ในท้องปลาส่วนหนึ่ง บ่ต้องถิ่ม เสียดาย บุ๋ยยยย...ออกแนวประหยัด
    แล้วกะห่อ ไล่ลมออกจากถุงให้เบิด ปิดปากถุงแน่นๆ...ถิ่มไว้จัก3-4มื้อ แล้วกะนำไปทอด ปิ้ง ย่าง แล้วแต่มักได้เลยจ้า

    ส้มปลาตะเพียนกับส้มหมูเด้อจ้า...

    เดี๋ยวมื้อใด๋ทอดแล้วสิเอามาลงให้เบิ่งอีกครั้ง...ว่าสิกินได้บ่ หรือเน่าหว่า 5555++

    ส้มปลาตะเพียนกับส้มหมูเด้อจ้า...

    และแล้วกะได้เวลาเอามาทอด...ทอดใสกระทะย่างสะเต็กเลยหละ บ่อยากใช้น้ำมันหลาย อีกอย่างบ่ติดกระทะนำเนาะ
    ออกมาใช้ได้จ้า บ่เน่า รสชาติกำลังดี เปรี้ยวดีอยู่จ้า...รับรอง แซบคักอิหลี

    ส้มปลาตะเพียนกับส้มหมูเด้อจ้า...

    จัดใส่จานเสริ์ฟแล้วจ้า...เบิ่งหน้าตาแล้ว ถ้ากินกับข้าวเป็นตาตายเบื่อแท้ กินกับแนวอื่นซะเป็นหยัง...555++
    หาเรื่องมาวววว...วันหยุดแหม๋ พะนะ....

    แล้วกะมาถึงส้มหมู อันนี่เฮ็ดฝากหมู่คนไทย ตอนบ่สบายเขาเทียวมาส่องเบิ่ง ส่งข้าวส่งน้ำ น้ำใจให้กันเนาะจ้า
    สูตรเดียวกัน
    หมูเนื้อแดงซื้อมาบดเองเลยจ้า600กรัม
    หนังหมูต้มสุกหั่นเส้นหลายเติบ หมู่บอกขอเป็นพิเศษ
    เกลือกะๆเอา ใช้วิธีทอดก้อนน้อยๆชิมไปนำ เติมไปนำ นวดแล้วกะอิ่มพอดี อิอิ
    กระเทียมโทนโขลก หัวเดียวพอ
    ข้าวเหนียวนึ่งสุกปั้นน้อยๆเด้อจ้ากะเอา
    นวดทุกอย่างจนเข้ากันดี จังใส่พริกขี้หนูสวนลงไป
    จัดการห่อเลยจ้า อยู่เมืองไทยห่อใบตอง อยู่เมืองนอกใส่ถุง ไล่ลมออกปิดปากแน่นๆ
    3-4มื้อกะส้มแล้วจ้า...ใช้เวลาหลายมื้อแหน่ เพราะบ่ได้ใส่ผงทำแหนม หมู่บ่มัก เขามักแบบลูกทุ่ง เมืองอุดรฯ
    ได้ส้ม14ห่อ ติ๋มเอาไว้กินเองแค่2 นอกนั่น เพื่อนรักเอาไปเบิดสา กินเผื่อฉันด้วยกะแล้วกัน...

    ส้มปลาตะเพียนกับส้มหมูเด้อจ้า...
    แก้ไขครั้งสุดท้ายโดย ติ๋ม เปอร์โย; 25-10-2010 at 20:30. เหตุผล: ให้สูตรบ่ครบ อิอิ

  2. #2
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    2,330
    เป็นตะแชบแท่น้องติ๋ม สิลองเฮ็ดเบิ่ง ปลาส้มนี่มักกินยุ

    ทางบ้านเฮาช่วงนี่ปลากะหลาย หาง่าย...

  3. #3
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,549
    บล็อก
    5

    บ่วง ทองคำ

    เฮ็ดหยังกะเป็นตาแซบหล่าสมกับเผิ่นเป็นแม่บ้านผู้ยิ่งใหญ่ เบิ่งสีสรร แล้ว บ่เป็นตาเน่าดอก งานพาแลง 4 ยายสิมอบตำแหน่งช้อนทองคำให้เด้อหล่า :l-บ่วง ทองคำ:b-b

  4. #4
    แบ่งปันความรู้และประสบการณ์ สัญลักษณ์ของ ม๋าน่อย
    วันที่สมัคร
    Feb 2010
    ที่อยู่
    มุกดาหาร
    กระทู้
    403
    บล็อก
    2
    เป็นตาแซ่บเนาะจ้าเฮ็ดกินเองปราศจากสารพิษ

  5. #5
    ขอบคุณสูตรคะ เคยลองทำแล้วไม่ได้อย่านี้เลย
    ตากินมากคะ ไว้จะลองทำดูอักที่คะ

  6. #6
    ครีเอทีพ โปรดิวเซอร์ สัญลักษณ์ของ บ่าวข้าวจี่
    วันที่สมัคร
    Dec 2008
    กระทู้
    1,172
    บล็อก
    7
    ป้าด..เห็นแล้วก็ทำให้..นึกถึงปลาส้มเฒ่าแม่คัก......

  7. #7
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    2,330
    อ้างถึง..บ่าวข้าวจี่// ป้าด..เห็นแล้วก็ทำให้..นึกถึงปลาส้มเฒ่าแม่คัก......


    เฒ่าแม่เพิ่นเฮ้ดแซบติอาจารย์ เอามาชิมเบิ่งแนเด้อ สิสู้ของครัวบ้านมหาได้บ่..

  8. #8
    เป็นตาแซบหลายค่ะ เคยซื้อมาเฮ้ดยุจ้าส้มปลาตะเพียน
    คึดหยากปลาส้มทอดแบบแถวยโสธรแซบหลายค่ะ
    เพิ่นได้ปลาสดจากแม่น้ำชีมาเฮ้ด

    ทางนี้มีปลาตะเพียนแช่แข็งมาจากเวียดนามคือกันค่ะ
    แต่หมักแล้วมันบ่เปรี้ยวเลย บ่ฮู้ว่าเป็นเพราะสารกันบูดในปลาหือหยังจ้า

  9. #9
    จักสิแซบบ่แซบเด้ออ้ายบ่าวดูลย์เอ้ย พึ่งได้2มื้อ มื้ออื่นจังสิปิ้งเบิ่ง...กินแล้ววันจันทร์แลงๆกะเข้าฟิตเนส...
    ฝรั่งอย่างหนีเบิดกะบาดนี่หละ เขาได้กลิ่นกระเทียม อิอิอิ

    คุณยายจ๋า จากบ้านมาคั่นหนูบ่หัดเฮ็ดกินเอง หนูกะอดตายหละเนาะ อยู่หนี่บ่มีกับข้าวสำเร็จขายแหมจ้ายาย...
    คั่นซื้อกินคืออยู่ไทยได้ ไสหนูสิเฮ็ดเป็น555++ขอเครื่องชั่งน้ำหนักทองคำแหน่จ้ายาย อิอิ กินเก่งคักแท้ๆหนู


    คึดฮอดเด้อจ้าคุณยายจ๋า.....

    พี่นิจ๋า เฮ็ดลองเบิ่งเด้อจ้า สูตรติ๋มมีแต่กะๆเอาทั้งนั่นหละ อิอิ
    แม่นแล้วจ้าน้องม๋าน้อย....

    อ้ายอาจารย์บ่าวข้าวจี่...ขอสูตรนำคนเฒ่าคนแก่มาลงให้เบิ่งเป็นแนวทางแหน่เด้อจ้า....
    คักเนาะอ้ายดุลย์กะดาย...ผู้เฒ่าเพิ่นเฮ็ดแซบอิหลีเด๋...ติ๋มเฮ็ดนี่อาจมีเน่า..5555++

    ซ่างว่าบ่เปรี้ยวแท้น้อบาดหนี่พี่เอ้ยย....สิบ่เน่าอิหลีซะบ้อ...ปลามาจากหนองเดียวกันเด๋...

  10. #10
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    มักหลายๆๆ ของหมักดองนิ อิอิ แหนมพอเฮ้ดกินนำได้อยุ่จ้าสาวติ๋ม แต่ ส้มปลานั่น หาปลาตะเพียนบ่ได้ เอาปลาแนวอื่นมาเฮ้ดกะย้านมันเน่า ขอกินตะแหนมกะพอดอก ปลาส้ม อดเอาไปกินยุไทยเอาดอก ว่าตะยามทอดแล้ว เอารุปมาสู่เบิ่งแนเด้อละ เบิ่งตะรุปกะเอาดอก ฮ่าๆๆ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •