กำลังแสดงผล 1 ถึง 5 จากทั้งหมด 5

หัวข้อ: ฟ้าสั่งน้องฮ้องสั่งวังปลา

  1. #1
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,876

    ฟ้าสั่งน้องฮ้องสั่งวังปลา

    ฟ้าสั่งน้องฮ้องสั่งวังปลา

    [WMA]http://www.oknation.net/blog/home/video_data/210/3210/video/13160/13160.wma[/WMA]


    .......ฟ้าสั่งน้องฮ้องสั่งวังปลา (อ่านแบบภาษาอิสาน)........

    ... หล่านางเอ๊ย... ฟ้าสังน้องฮ้องสั่งวังปลา ยังมีหวนคืนมา ทุ่งนาปีหน้า

    มาคือกับตัวข้า สาวบ้านนา มาไกลถิ่น

    จากแดนดินถิ่นบ้าน อิสานเศร้า เจ้าบ่อมา นางเอ๊ย...

    ... ลืมแล้วบ้อคําเว้า คําหวานหวาน เจ้าต้านกล่าว

    หนาวในทรวงคิดฮอดน้อง หัวลมล่อง น้องจากไป

    ศิวิไลย์เมืองไกลกว้าง ลืมข้าวใหม่ หัวมันกลอย

    อ้ายนี้ยังรอคอย หน่อพะนาง ให้กลับบ้าน

    อย่าลืมคําจาต้าน คําหวานหวาน ว่าฮักพี่

    ลืมแล้วบ้อคนดี ที่รอคอย แม่นบักอ้าย

    ชายหล่า แม่นฮักหลาย นางเอ๊ย....

    ...ได้ยินเสียงลําล่อง เดือนเพ็ญ เผิ่นเน้นกล่าว

    หนาวหนาวมาคิดฮอดน้อง สิทนฮ้องอยู่ผู้เดียว

    ข้าวคอยเคียว เทียวคอยท่า สาวบ้านนาให้กลับต่าว

    กลับมาหย่าวหน้าฮ้าน อิสานสร้าง อ้ายบ่าวเซียง.. ซั่นแล่ว..นางเอ๊ย


    ปร๊าด/ มื้อนี้อารมณ์ศิลป์พาไป อ่านผญาเป็นภาษาอิสานเด้อพี่น้อง เขียนเอง แต่งเองมื้อนี้ อาศกาศเริ่มหนาวหัวลมออก เข้ากับบรรยากาศผญากลอนนี้คัก ฝากไปยัง อ.โน ชานน ชินราช/เดอะดอน/บ่าวข้าวจี่ ถ้าเห็นว่าผญากลอนนี้พอใช้ได้ก็นําไปตัด ต่อ เติม ให้เป็นเพลง,หมอลํา,หรือลําล่อง ให้ศิลปินบ้านมหาเฮาก็ได้ครับ บ่าวเซียงน้อยบ่อสงวนลิขสิทธิ์ ครับผ๊ม


  2. #2
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    ฮ่วย กะร้องเองโลดเปี๋ยงล่ะตรี ฮ่มบักมี่เร็คคอร์ต ยังถ่าเจ้าอยู่เด้อ อิอิ

  3. #3
    ดูแลตรวจสอบเนื้อหา สัญลักษณ์ของ บ่าวกุดชุม
    วันที่สมัคร
    Sep 2008
    ที่อยู่
    กุดชุม
    กระทู้
    607
    บล็อก
    3
    หายหน้าหายตาไปแต่งเพลงนี่เอง นำหาจนฮอดสำโรงใต้เหนือกะบ่พ้อ ข่องกบเน่าหมดแล้ว

  4. #4
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,555
    คือๆๆอ้ายจังได๋กะสอนน้องสอนนุ่งแต่จีบสาวนำเด้ออ้าย

  5. #5
    โอน้อพี่ชายเอ้ย ฟ้าสั่งน้อง ฮ้องสั่งวังปลา
    ยังมีหวนคืนมา ภายในปีหน้าพุ้น
    โอ้พ่อคุณคนโก้ ปาดธิโธ่หวานเอานิ
    มื่อนี้คือบ่อมีคำเว้า ใจน้องเศร้าหย่อนคิดนำ
    คำเอ้ยคำก้อนแก้ว ใจนี้แหล่วคิดฮอดพี่
    ยังบ่ลืมคนดี ที่รอคอยแมนตัวอ้าย
    ชายหล่า แมนฮักหลาย
    ลมพัดกาย สายลมต้อง โตน้องคิดฮอดพี่
    ตัวสาวนาคนดี วาสนามีสิได้พ้อ
    พะอวนอ้ายบ่าวพี่ชาย อีกยุบ้อ
    คันพี่รอคอยท่า สิกลับนาคือเก่า
    มาเอาเข่าขึ้นเล้า กินเข่าฮ่วมภาว์
    ขอจองไว้ในมื่อหน้า มีเวลาติมาต่าว
    สิมาหย่าวหน้าฮ้าน สำราญแท้แก่บ่อมี
    ขอตัวในมื่อนี้ คุณพี่สิลาไล
    ฝากดวงจิตดวงใจ เป็นมาลัยเอามาค้อง
    บัดยามลมตีต้อง คือเฮาสองเด้อเนี้ออุ่น
    คือพี่ซุนดอกคิงน้อง กำลังจ่องมองสายตา พุ้นแล้ว





    อิอิ ป๊าดๆๆๆๆๆ อ้ายบ่าวเซียงน้อยอักแต่งผญ๋เก่งปานนี้ตั่วนิ คันดังแล้วสิไปนั่งขาย ซีดีซอยดอกเด้อจ้า
    แก้ไขครั้งสุดท้ายโดย ข้าวต้มมัด; 27-10-2010 at 18:54.

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •