ตอนเซ้าสิมีตาผู้หนึ่งขี่มอไซพ่วงข้างมาขายของทะเลต่างๆ เช่น หมึก กุ้ง กระเบน ฉลาม และกะปลาต่างๆอีกหลายแนว เลยซื้อกระเบนนำเลามาเฮ็ดแนวกินสู่พี่น้องสั่นดอกคับ
หน้าตาเป็นแบบนี้หละคับ เพิ่นหั่นมาส่ำนี้แหม
เฮากะจัดการหั่นให้เรียบร้อย ต่อนน้อยต่อนใหญ่กะแล้วแต่มักเด้อ กระเบนเป็นปลาที่คาวมากๆ ก่อนสิเอามาเฮ็ดเฮากะจัดการแซ่น้ำส้มสายชูจักสิบนาทีก่อนเพื่อดับคาว ถ้าบ่มีเอาน้ำบักขามเปียกกะได้คับ และกะล้างออกดีๆเด้อ มันสิส้ม กะสิได้เนื้อขาวจั๊ว
เครื่องต่างๆคับ พริกเหลือง พริกแดง กระเทียมตำ กระชาย ใบมะกรูด พริกไทยสด ใบกะเพรา มีสี่สิบดีกรีในถุงพลาสติกพร้อม เอาไว้ใส่จักหน่อยพะนะ มันจั่งเด็ดว่าซั้น ยายข้างบ้านบอกมา
กระทะตั้งไฟ ใส่น้ำมัน ใส่พริกที่ตำไว้ ผัดให้หอมๆเลย ได้จามพร้อม
พอพริกได้ที่แล้วกะใส่กระเบนที่หั่นไว้เลย พร้อมทั้งกระชาย ใบมะกรูด พริกไทยอ่อน สี่สิบดีกรีแบบพรมๆ ผัดไปพอปลาสุก ปรุงรสด้วย น้ำปลา ผงชูรส น้ำมันหอย ซอสปรุงรส น้ำตาลนิดหน่อย คือว่าเอาให้ถูกใจกะแล้วกันเนาะคับ ได้ที่กะใส่ใบกระเพรา ปิดไฟได้เลยคับ
เสร็จเรียบร้อยคับ เป็นกับข้าวหรือว่าเป็นกับแกล้มกะได้คับผม
Bookmarks