สวัสดีพี่น้อง อ้ายๆ เอื้อยๆ บ้านมหาจ้า มาทักทายกันมื้อนี้ มื้อพายุเข้าเกาะสมุยอีกรอบจ้า แต่กะมีแนวให้ยิ้มได้ กะคือกล่องใบนี้ล่ะจ้า จากไปรษณีย์รูปหล่อ อิอิ
กล่องนี้เดินทางมาจากจังหวัดชลบุรี ดีเจนู๋น้อยเป็นผู้ส่ง ปลายทางคือเกาะสมุยจ้า
เปิดเบิ่งก่อนในกล่องมีอิหยัง อาจเป็นของซ่อยเหลือผู้ประสบภัย
แท่น แท้นนนนนนน ออกมาแล้วจ้าพี่น้อง โอวววววววว อิพ่อ อิแม่ สายตาจับจ้องไปยังอันอยู่ในถุงคอกแคก (ถุงก๊อบแก๊บ หรือถุงหูหิ้ว) กะพ้อกับ.............................
บักขามป้อม+บักส้มมอจ้าพี่น้อง ป้าดดด ดีใจคักขนาด บ่ได้กินหลายปีแล้วจ้า พออยากโดดกอดคอหอมแก้ม ผู้เพิ่นส่งมาให้กะยังว่า อิอิ
ส่วนอันนี้ เป็นโฟมล้างหน้ากับชาโสม หรือโสมผงจากเกาหลีจ้า อ้ายฮัก อ้ายพี หนุ่มเหงาคนไกลบ้าน เพิ่นฝากดีเจนู๋น้อยมาให้ ขอบคุณญาอ้ายหลายๆเด้อจ้า แต่ อันๆ น้องคึดยากอยู่ คันแม่นใช้แล้วดี หน้าใสอิหลี สะไปซื้อไสน้อบาดนี่ ย้านบ่ม้ม สบู่ขิงกับครีมภูเขาคือเก่าอยู่
และบ่ดนหลังจากนั้น กะได้ออกมาแบบนี้จ้า มาเด้อจ้าพี่น้อง แก้ง่วงยามฝนตกรินๆ นำกันจ้า ท้ายสุดกะขอบคุณสำหรับมิตรภาพไร้พรมแดนจากพี่น้องบ้านมหาเฮาจ้า ขอบคุณพื้นที่โพสกระทู้จากเว็บบ้านมหาดอทคอมนำจ้า
Bookmarks