แสงตะเว็น เป็นที่เพิ่ง

**ข้าวต้มมัด** · 30-10-2010, 20:24

แสงอุทัยหายไปแล้ว แสงนิออนมาแทนที่
ชีวิตมีมันคือวุ้น หมุนเวียนได้ไปบ่เซา
บางที่เข้ายามดึกข่อน เบิ่งแล้วหง่อยมิดซี่ลี่
บางที่มีมืดแฮ่งวุ้น มีคนดุนดันหากิน
คือสกุนายุเทิ่งฟ้า ออกหากินยามมืดค่ำ
ส่วนว่านกกาดำ ค่ำมาแล้วนอนซุ้ม ตุ้มเข้าเฝ้าที่นอน
มาออนซอนหลายเด้ ชีวิตเป๋ไปคนต่าง
หย่างกันไปคนละที่ ตามตนมีกิจเฮ็ดนำ
โลกมันหมุนไปข้างหน้า กาลเวลาบ่โค้งต่าว
คือจั่งเฮานี้แน่ๆ ถึงคราวแท้ต้องแก่ตาย พี่น้องเอ้ย

แมนบ่บุบางคนกะตายก่อนวัยเด้อค่ะ

**chudhancock** · 30-10-2010, 23:33

ลูกหญ้านางจ๋า โอ้ยมาย้องแม่เจ้าของเนาะจ้าลูกกะดาย แม่ก็ก็ลักหัดเอานำลูกนั่นแหละจ้า หัดเว้าเอามวนบอมวนก็อ่านให้มวนสีเติมๆเอาแนกะได้เด้อจ้าลูกรัก อิอิอิ ขอบใจลูกมากๆเลยจ้า กำลังใจที่ดี

หลานข้าวต้มมัดก็คักหลายมีแต่มวนๆตั๊ว ขอบใจจ้ามาช้าดีกว่าบอมาเนาะจ้าอิอิอิ หลานรัก กำลังใจที่ดี

**chudhancock** · 03-11-2010, 16:57

จักรวาลในโลกกว้าง ดวงตะเว็นเป็นไฟส่อง
สาดสีทองส่องแจ้ง มีแสงฮ้อนเป็นบ่อนจริง
ทุกทุกสิ่งมีแต่ล้วน เบิ๊ดสุมวนอาศัยเพิ่ง
คือจังแสงของอีเกิ้ง ยังมาได้ดอกเอ่ยหา
แสงสุรีแมนเจิดจ้า สุริยาอาศัยฮ่วม ทุกส่วนรวมในโลกนี่
มีแสงได้ย้อนตะเว็น นี่แหล่ว

**pcalibration** · 08-11-2010, 10:39

แสงตะเว็นเห็นขอบฟ้าบูรพาแจ้งจ่างป่าง
ขอบฟ้าสางไก่บักโจ้นโตนตุ้มเขี่ยขี่ดิน
ออกหากินตามพื้นยืนคอขันกระชั้นถี่
ตอนตีสี่ตีห้ายามหมานอนเกือกขี่เถ้า
คนกะลุกหนึ่งเข่าฟ้าวหุงต้มอ่อมแกง
ยามเมื่อแสงทองผ่ายแผ่นดินลายพอพุมผู่
วิถีทางที่ต้องสู้ควมเป็นอยู่พอปะทัง
ทุกชีวิตย่อมมีหวังโลกนี้ยังมีแสงต้อง

**chudhancock** · 08-11-2010, 19:35

โอ้โห หลานพีจ๋ามวนคักมวนหลายเลยจ้ากลอนผญาของหลาน ป้าอ่านแล้ว สุดยอดเลยจ้า ขอเอิ้น อาจารย์เลยเนาะจ้า ป้าขอขอบใจมากๆเด้อจ้าที่หลานมาซ่อยป้าเข้ามามวนนำกัน สุดยอดเลยจ้า
กำลังใจที่ดี

เสียงนกกาพากันฮ้อง ไก่ก็โก่งเอาเสียงขัน
คนพากันได้มืนตา ไกล้เวลาสิยามเซ้า
เสียงนกเขามันขันก้อง ไกล้สีทองสิมามายล์
พี่น้องเอ้ยฟังเสียงไก่โจกโจ้น มันโตนเหล้าห่าวซอแซว
แสงอุทัยสอดส่องแล้ว นกกาแซวออกหาเหยื่อ
ไก่หาเขี่ยเลาะพุ่มไม้ อาศัยจ้องจิกกินแมง
คนต้มแกงเทิ้งนึ่งข้าว ตอนเวลายามเซ้าตรู่
พากันอยู่ดอกใต้ฟ้า คอยแสงจ้าจากตะเว็น นี่แหล่ว