-
ศึกษาหาความรู้
น้องจำปา เขาเอิ้นว่า "ปากโกรธใจคิดถึง"จ้า
โอน้อ อ้ายบ่าวก๋าคามเอ้ย ขอบคุณหลายเด้ออ้าย โตพี่ชายมายามอุ่น
มาหนับหนุนกะทู้น้อง นางย่านข่องดอกเกี่ยวขา
วาสนาโตผุน้อย อยากสิหล่อยเอามาแต่ง
พอมีแฮงแจงคำเว้า เย้าหยอกให้ม่วนหู
คันแมนครูเมธีเฒ่า เจ้าตำหรับเพิ่นพาว่า
ให้เพิ่นมาซ่อยซี้ นางนี้แมนดีใจ
ปรารถณาอยากได้ อาจารย์ใหญ่มาซ่อยสอน
แต่ว่าตัวงามงอน ได้สะออนแต่คำเว้า
ฟังผุได๋แต่งเข้า เว้าคำได๋น้องกะมวน
แต่ว่าหวนมาเบิ่งน้อง เทิ่งอยากฮ้องดอกฮ่ำไฮ
วาสนาเป็นบ่อได้ ผญ๋าใหญ่คือบ้านเขา
ผญ๋าน้อยคือโตเฮา เขียนเข้าไปอยากอายบ้าน
เทิ่งพองย่านกะแห่งย่าน แต่อยากขานให้คนว่า
ปรารถณาสิให้ พี่น้องได้ชื่นชม
ความภิรมย์ในคำเว้า สำเนานวนชวนให้เบิ่ง
ให้รู้เถิ่งถิ่นตั้ง อีสานสร้างน้องบ่ลืม แท้แหล่วพี่เอ้ย
จั่งขอยืมเอาคำเว้า คุณป้าเฮาแต่งดีนิ
ขอบคุณอีหลี่เด้อป้า มาซ่อยหล่าดอกต่อกลอน
แก้ไขครั้งสุดท้ายโดย ข้าวต้มมัด; 30-10-2010 at 20:04.
-
ร่วมถ่ายทอดความรู้สู่สังคม
ช่างภาพอิสระ
น้องมาคอยเชียร์อ้าย บ่าวก๋าคามอย่าสิแล่น
ขอให้จ้อนผ้าสั้น ขืนสุ้ต่อคำเด้ออ้ายเอย
มาเป็นกำลังใจให้ชุคนเด้อครับ
-
ศึกษาหาความรู้
น้องสาวหล่าหญ้านางมาเป็นกำลังใจให้ขอบใจจ้า เด็กแอลเอนี้เชียร์ไผ๋น้อน้องบ่าวก๋าคามติ ขวัญใจผญ๋าเพิ่นเนาะจ้า เพิ่นบ่อต่อเอื้อยดอกแอลเอ (เลาหย่าน อิอิ)
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks