ฮักสาวโกสุม

[ดอกมันปลา]

น้องสาวเอย...สาวโกสุมผุงามล้ำ หนุ่มน้ำดำหัวใจหวั่น

ตั้งแต่วันพ้อหน้าเจ้า หัวใจเศร้ากะแม่นหาย

อยากสิหวังปลูกฮักอ้าย มอบใจกายถวายต่อ

บุญสิพอพ้อพบเจ้า ในชาตินี้แหน่บ่น้อ

อยากสิขอให้ใจมั่น ร้อยคืนวันบ่แปรเปลี่ยน

สิพากเพียรสร้างฮักนี้ กับนางน้องแต่ผุเดียว

บุญเคยเทียวกรรมเคยต้อม คงสิยอมให้ใจต่อ

หากแม่นพอสิได้ร่วม เขยบ้านน้องแหน่บ่น้อ....น้องสาวเอย

พ้อดีไปพ้อสาวโกสุมพิสัยผุหนึ่งยุหม่องเฮ็ดงานกะเลยเป็นแรงบันดาลใจ
แต่กะคือสิได้แค่ ให้กลอนนิละเนาะ เบิ่งแล้วเขขาเป้นหงษ์ เฮาเป็นใส้เดือนพุ้นละ
ฮ่าๆๆๆๆๆๆๆๆๆๆๆๆ

[หญ้านาง]

สาวอำนาจฯขาดรักแน่ๆงานนี้ อิอิ

[ทิดจ่อย]

ขอแสดงความเสียใจกับผู้สาวหลายๆ คน ครับ
สาวโกสุมได้ดึงเอาหัวใจหนุ่มหล่อไปแล้ว
จุ้ๆๆๆๆ...เดี่ยวเลากะอกหักกลับมา ซบอกสาวบ้านมหาคือเก่า...อิ อิ อิ

[สะใภ้อิสาน]

ดีใจด้วยจ้าคนทีมีความรัก รักษาดูแลดีๆนะจ้า
อกหัก ช้ำรักเมื่อไร บ้านพักคนหัวใจสลายพร้อมต้อนรับจ้า คิคิคิคิ

[ดอกมันปลา]

ยังดอก แค่ปลื้มเขาชื่อๆเฮาบ่สมเขาดอก
วาสนาคือสิบ่พอได้ไปเป็นเขยสารคามดอก
ฮ่าๆๆๆๆแค่คึดยังห่างกันแล้ว

[รอย บุญเรือง]

โกสุม เมืองลิง จริงใจบ่ เคยประสบพบพ้อ มาแล้วครับ ช้ำ

[ดอกมันปลา]

แม่นเจ้ามาหลอกล้อ ให้คึดต่อบ่เคยสน

บ่เคยสิฟังคำคน ย้อนว่าใจยังมีเจ้า

ขอแค่เงาเดินเคียงข้าง ถึงกายห่างบ่เคยแคร์

สิดูแลความฮัก ต่อนางบ่มีเว้น

หากยังเห็นใจบ้าง ขอแค่ย่างตามความฝัน

ผุกสัมพันธ์ตามความหวัง ภาพฮักยังคงคือเจ้า

มื้อได๋เหงามีเคียงใกล้ ยามเหงาใจได้ยิมส่ง

จุดประสงค์ของใจอ้าย มีเพียงนี้ที่คึดนำ....ละน้องสาวเอย

[คนเมืองแปะ]

สาวโกสุมผุอาดหลาดใจสิขาดน้อนำเจ้า
ตั้งแต่แลงฮอดเช้าคิดนำเจ้าสาวโกสุม
คือกะสุ่มมางุ้มไว้ งุ้มเอาใจพี่ไว้อยู่
ให้น้องเจ้านั้นได้ฮุ้ ใจพีซู่น้อมักนาง

[ดอกมันปลา]

แนมสายตาเมื่อยามจ้อง ให้ได้มองมาเที่ยบค่า
วาสนาคนจั่งอ้าย คงสิพ้ายให้แก่เขา
รถเก๋งงามส่งทุกเช้า เที่ยบกับเฮาแล้วกะต่าง
แค่เส้นทางกะบ่ใกล้ ทางใจนั้นแห่งหางกัน
ร้อยคืนวันเคยตามจ้อง ได้แค่มองบ่กล้าเอ่ย
ให้คุ้นเคยกับใจอ้าย ที่ยอมพ้ายให้แก่เขา แล้วละเด้อน้องสาวเอย