ซำพ้อน้อผุเฒ่าเพิ่นว่า "อย่าฟ้าวตายเด้อถ้ายังบ่ได้กินข้าวใหม่"
คนแก่ก็พูดให้อี๊ทสงสัยนะ ว่าทำไมต้องกินข้าวใหม่ ว่าทำไมถึงตายไม่ได้
เพราะข้าวใหม่นี่ เค้าอร่อยอย่างนี้นี่เอง
มาเด้อจ้าพ่อแม่พี่น้องบ้านมหาเฮา น้องอี๊ทกลับบ้านแก้งคร้อ รอรถหนองบัวแดง-ชุมแพ กะเลยไปเดินตลาดหนองบัวแดง ทางนั้นเพิ่นพากันเกี่ยวข้าวแล้ว มีข้าวเหนียวใหม่มาขาย กะเลยซื้อมา 2 กิโลจ้า โลละ 35 บาท
มาฮอดโรงพยาบาลกะหม่าข้าว(แช่ข้าวในน้ำ) แลงกะเลยมานึ่งสู่พ่อ แม่ พี่ น้อง บ้านเฮากินจ้า บ่ได้เฮ็ดกับข้าว ไปตลาดเกษตรสมบูรณ์ ได้ ปลาทูมัน หมูปิ้ง ตับไก่ย่าง และแกงบักมี้(แกงขนุน)มาจ้า หาพาเข้าแล้ว มามามา อย่ารอช้าจ้า ขัดตะหมาดใส่โลดจ้า
ข้าวเหนียวใหม่อำเภอหนองบัวแดง เม็ดง้ามงาม
แช่น้ำบ่นานดอกจ้า "ข้าวใหม่" 3-4 ชั่วโมง แล้วก็นึ่งเลยจ้า
ซ่าย(เอาไม้พายมาคนๆก่อนที่จะเอาใส่กระติ๊บ)ใส่กระติ๊บเลย
กินกับ ปลาทูมัน หมูปิ้ง ตับปิ้ง แกงขนุน กินกับอะไรก็อร่อย
นี่ละน้อผุเฒ่าเพิ่นว่า "อย่าฟ้าวตายเด้อ ถ้ายังบ่ได้กินข้าวใหม่"
Bookmarks