กำลังแสดงผล 1 ถึง 7 จากทั้งหมด 7

หัวข้อ: ..น้ำตาชาวนา..

  1. #1

    ..น้ำตาชาวนา..

    อัสสุชลหล่นรินย้อย นั่งละห่อยหัวใจเหี่ย
    ความสูญเสียที่เกิดขึ้น ฝืนบ่ได้ไห้ฮ่ำฮอน
    ใจวี่วอนเจ็บปวดร้าว เอ้าอั่งกระทั่งอุก
    แฮ่งแต่ทุกข์แฮ่งซ้ำเติม เพิ่มนำตามต้อย
    อดสาคอยมานานมื้อ ซงคือแน่ผั่นมาหาย
    ข้าวมาตายหายใจปลา น้ำท่วมนาแม่นเหมิดสิ้น
    หม่องมีดินผั่นเป็นน้ำ ท่งนาทามน้ำไหลบ่า
    น้ำจรดฟ้าฟ้าจรดน้ำ ยังคงค้ำตั้งแต่เสา
    แสนเสียดายท่งนาข้าว กะเลาถอกออกฮวงซุม
    น้ำผัดหุ้มคลุมเหมิด เอิดเติดแปนปายเกลี้ยง
    ยินแต่เสียงฮ้องไห้ มองทางได๋ไผ๋กะโอ่ย...
    เรี่ยวแรงโรยลงล้า น้ำตาย้อยหย่าวไหล
    ไผเด้น้อ..ไผสิมาซ่อยได้ น้ำท่วมใหญ่ทางนาฉัน
    ทุกๆวันได้แต่มอง ส่องบ่เห็นหนทางแก้
    แฮ่งคิดไปใจแฮ่งแย่ เสียงอุแว้ลูกน้อยแอ่ว
    สิหาแนวมาเลี้ยงเจ้า แทนข้าวแม่นอิหยัง
    หนี้กะยังคงเต็มตึ้ง ดอกกะตึ่งทางบาน
    บ่เคยย่านย่อนทุกปี มีข้าวกินขายใช้
    เฮ็ดจั่งได๋น้อปีนี้ ข้าวบ่มีคือแต่เก่า
    มีแต่น้ำเปล่าๆ ท่วมโท่งนามิดจ้อย แสนละห้อยม่อยมะโน...เด้น้อ


    สู้ต่อไปเด้อพี่น้องผู้น้ำท่วม เป็นกำลังใจให้ทุกคน ขอรับ...


  2. #2
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    ขอเป็นกำลังใจนำเด้อจ้า....ส่งกำลังใจ รอยยิ้ม นักสู้

  3. #3
    ขอเป็นกำลังใจให้พี่น้องชาวนาทุกคนเด้อจ้า สู้ต่อไปจ้า

  4. #4
    กำลังใจมีให้ล้น
    ถึงผุคนที่ล้าหล่อย
    ฝากห่วงหาจากวาจาจ้อยๆ
    น้ำใจน้อยได้ซ่อยปัน
    สิ่งเคยฝันหรือหวังไว้
    พังทลายบ่มีท่า
    ฝากห่วงหาพี่น้อง
    ที่เคืองข้องทุกขัง
    เอาพลังหัวใจช่วย
    ผ่านพ้นหน่วยทุกความเจ็บ
    เก็บความฝันที่เคยมี
    ผ่านกวีผญาเป็นแฮงยู้....
    เด้อจ้า

  5. #5
    แบ่งปันความรู้และประสบการณ์ สัญลักษณ์ของ เขยผู้ไท
    วันที่สมัคร
    Jun 2009
    ที่อยู่
    กาฬสินธุ์ , อยุธยา
    กระทู้
    168
    ถึงสิเป็นจังได๋คนไทยเฮากะบ่ทิ้งกัน...สู้ๆคับเป็นกำลังใจให้

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    โอ๋ยน้อพี่น้องเอ้ย คิดขึ้นมามันแล้วเศร้า
    ลูกชาวนาน้ำตาหลั่ง สิเอาหยังมาซ่อยแก้
    มีแต่แย่หยุ่งบอเซา คนเฮ็ดนาก็หวังข้าว
    เอากำลังทุ่มเต็มที่ แนวมาเป็นแบบจังซี่
    บอมีแล้วจิตกจัย จูงลูกแลนเทิ้งฮ้องให่
    แลนหนีตายน้ำไหลล่วง ใจเป็นห่วงแต่ป่าข้าว
    เบิ๊ดคำเว้าอ่าวมโน สงสารโตสงสารข้าว
    ฝนบอเซาน้ำล้นอั่ง ท่วมหนทางท่วมหมู่บ้าน
    หลายคนนั่นกะดังกัน ทุกจังหวัดเพินว่าซั่น
    น้ำไหลผ่านมาประจบ ได้ประสบอุทกภัยทั่วดินไทยมีแต่น้ำนี่แหล่ว

  7. #7
    ต้อยต่องต้อน ออนซอนน้ำหลาย
    มันละมาทำลาย คนสิตายย้อนนำน้ำ
    คนอีสานขาดน้ำ บัดนี้หลายจนท่วมท่ง
    เฮ็ดให้คนง่วยงง ลืมบ่ลงแล้วบัดนี้
    จักสิลี้ยุจั่งได๋ ข้าวในนาปลาขังไว้
    ถูกน้ำไหลบ่เป็นท่า น้าล้นบ่าท่วมท้น คนจนไห้ฮ่ำฮอน
    ออนซอนเด้ต้นข้าว เข่าอ่อนพลอยสะดุด
    ข้าวหลายหลายมันจม มุดหล่มไปอยู่ในน้ำ
    ตามคันแทพ้นกอข้าว หัวอกเฮานี้สะเม้น
    ใจกระเซ็นเห็นแล้วไห้ ข้าวบ่ได้ตายแน่นอน
    จักสิซ่อนหม่องได๋เด้ นั่งหน้าเบ๋ไห้วื่อวือ
    จั่งมันคือต้นเข่า เน่าน้ำหน่ายมะโน แท้แหล่วพี่น้องเอ้ย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •