พาอ้ายดุลย์ ไปหาขุดแห้ว
ได้เวลาที่เหมาะแก่การ ตั้งกระทู้แล้วครับ หลังจากที่นัดกับอ้ายดุลย์
ผู้จัดการปั้มบ่ฮ้างแถวๆบางซื่อไปหานอนเว้นแถวๆชานเมืองแล้ว มื้อนี้เป็นคือจั่งลมแฮงๆจั่งได๋ดอกครับ
แต่ว่าความข้องใจจากเทื่อก่อนมันคงตอกย่ำให่ออกจากบ้านให้ได้ในมื้อนี้ จั่งได๋ต้องไปให้ได้ครับ
ว่าแล้วกะเอิ้นเอาลูกสาวกับพี่เลี้ยงไปนำ บ่อยากปล่อยไว้บ้านสองคนย้านมันดังไฟฝิงหนาวซั่นดอกครับอิอิิอิ
ขึ้นหลังรถเลยลูกหล้า ขึ้นหน้าบ่ได้ฮากแตกครับ จักว่าลูกไผดอกบ้านนอกคักฮ่าๆๆๆๆ
นี้ละคนตามหาแห้ว(สมหวัง)อีกซื่อหนึ่งอิอิอิ
มาฮอดแถวๆ ถ.ประชาชื่นจอดรถรออ้ายดุลย์เพิ่นก่อนครับ ระหว่างรอเด็กน้อยกะเล่นยุหลังรถ
และทางพ่อกะเปิดเพลงฟังไปนำ 100เหตุผล ที่คนเฮาสิไปอิหลีละครับ
คนไปบ่เจ็บแหล่ว คนอยู่นี้ตี้เกือบตายอิอิอิอิได้ยินเขาเว้าดอกครับบ่เคยอกหักจักเทื่อดอก คนรูปหล่อเนาะฮ่าๆๆๆๆๆ
ตัดภาพมาตอนฮอดหม่องนอนอ้ายดุลย์โอ๊ะหม่องขุดแห้วเลยเนาะครับ ผมกะลงเบ็ดไว้รอให้โตใต้น้ำมาฮุบเหยื่อ
ทางนี้เพิ่นกะผูกอู่นอนละครับ ผู้จัดการใหญ่ปั้มบ่ฮ้างกะดายอิอิอิ
น้าชัยเพิ่นกะหลบไปหม่องต้นไม้ผุเดียว ความหวังอันเดียวกันโตไต้น้ำครับ
ลงเบ็ดแล้วกะหย่างมาหาแนวกิน จักสามขวดบ่ พะน่ะผมรึสิคัดค้านอิอิอิ
ทางนานากะขึ้นต้นไม่เล่น อิพ่ออุ้มนานาขึ้นแน เล่นปานผุชายพี่้น้องเอ้ย
ยิ้มมีความสุขคักเพิ่น แต่ว่ามื้อนี้ลมแฮงคักพี่น้องปลากะมิดปานว่าป่าช้า
ส่วนคนนี้ไปใสนอนนั่นครับ ที่สำคัญหลับพร้อมกรนอีกต่างหาก
ปานคนมาลากเรือยุข้างๆครับสงเกตุหลายงานแล้ว บ่หมานนำคนไปนอนนี้บ้อฮ่าๆๆๆๆๆๆๆๆๆๆล้อเล่นเด้ออ้าย
นอนกำลังหลับๆ สงสัยสิฝันว่าตกตึกแน่นอนเลยครับฮ่าๆๆๆๆๆๆๆๆๆๆๆ
อู่เพิ่นขาดตี้ละครับ เสียงดังเบิปโลดแหมะฮ่าๆๆๆๆๆๆนอนดีหลายผมละหัวจนเจ็บคอพี่น้อง
มาซอยกันหัวเราะเลาแนโอ๊ะมาซอยกันเอาอ้ายเพิ่นไปย่างแนครับรู้สึกเจ็บนี้อีกนานพะน่ะ555555
ผมขอลากันด้วยภาพน้องนานาเลยเนาะครับ ปลาบ่ต้องถามหาตกอู่แล้วกะพากันกลับ
ปูปลาบ่ได้จักโตจักว่าไผเป็นโตซวยพี่น้องซอยบอกแนฮ่าๆๆๆๆๆๆๆๆ
ขอบคุณสถานที่บ้านมหาดอทคอมครับผม ขอบคุณพี่น้องทุกคนที่มาเบิ่งกระทู้นี้ ขอบคุณครับ
อ้างข้อความนี้
Bookmarks