กำลังแสดงผล 1 ถึง 7 จากทั้งหมด 7

หัวข้อ: หากินปลาแทนข้าว

  1. #1
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975

    หากินปลาแทนข้าว

    ข้าวบอมีในนาแล้ว สิเอาหยังมาคิดต่อ
    หาปลาคอมาแกงต้ม กินแก้บัดฮาหิว
    ดักปลาซิวเอามาได้ สิหมกใส่อีหยังดี
    พวกผักชีผักอีหยัง กะบอยังให้เห็นซาก
    ต้องลำบากกันบอสิ้น เต็มแผ่นดินน้ำล้นอั่ง
    สิหาหยังมากินแก้ อิ่มแทนข้าวกะบอคือ นี่แหล่ว
    ของที่แนวเฮากินได้ กะเน่าหายไปเกลี้ยงฮิ่น
    ทั่วแผ่นดินมีแต่น้ำ สิถามเอิ้นบอกผุได๋
    บอมีหยังสิแทนได้ ต้องจำใจกินไปก่อน
    กินปลาแทนพออยู่ท้อง ประทังไว้ซามบอตาย นี่แหล่วพี่น้องเอ้ย


  2. #2
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    ทางนั้นกะท่วมคือกันตี้ป้าชุด โอ้ยจั่งแม่นนอ กินปลาแทนข้าว
    สิม้มหน้าหนาวบ่อน้อ ตาสิโตนผู้คะเจ้าอยู่ใกล้น้ำน้อครับ

  3. #3
    เว้าตะเหลือโตนแท้จ้าแม่ คึดเห็นภาพแล้วเศร้าเนาะจ้า


    เวรเอ๊ยเวรสังมาต้อง
    เทิงทุกข์หมองกะแห่งแล่น
    ทุกข์ในแสนวังกว้าง
    บ่ท่อท้องข้าวบ่มี
    ทุกข์บ่มีเสื้อผ้า
    ฝาเฮือนพอลี้อยู่
    ทุกข์บ่มีข้าวอยู่ท้อง
    สิไปฮ้องเผิ่งผุได๋.
    ...เนาะจ้า

  4. #4
    แต่งผญาตอบนำบ่เป็นดอกครับ...ว่าสิไปเฮียนนำใหญ่ศรีอยู่ก้อบ่มีเวลาจักเทือ เอาเป็นว่าส่งกำลังแรงใจซอยพี่น้องที่ถูกน้ำท่วมเด้อครับเด้อ อั่นบ้านผมก้อท่วมคือกันแต่โชคยังดีท่วมแค่นาบ่ทันได้ท่วมบ้าน

  5. #5
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    สายน้ำใจไทยบ่สิ้น
    เทิงฟ้าดินยังเหลียวส่อง
    ทานน้ำใจจากพี่น้อง
    ยังไหลฮุ้ม ตุ้มส่อยกัน
    สายสัมพันธ์ คนไทยนี้
    ยามภัยมีส่อยกันส่อง
    ถึงบ่แม่นพี่น้อง พอปานท้องแม่เดียวกัน พุ้นแหล่ว


    คนไทยเฮายังมีน้ำใจส่อยกันเสมอ เนาะจ้าคุณป้า โทษไผกะยากคือว่าหละจ้า เรื่องของภัยธรรมชาติ
    ชีวิตบ่สิ้นกะดิ้นต่อไปเนาะค่ะ


    ปล..ไก่เห็นหัวข้อกะทู้คุณป้าที่แรกกะตกใจ ว่าแม่นสิพาหลานไปหากินปลาซิว นำไซ เพิ่น ปานผีก่องก่อย ฮ่าๆๆๆ

  6. #6
    หายใจเซ่าไปก่อนถ่อน นอนให้หลับมึแฮงต่อ
    ยังมีน้อในมื่อหน้า ให้ตั้งท่าพร้อมรับมือ
    คนยื่นมือมาถึงแล้ว เสียงซั่วแซวได้เอิ้นใส่
    น้ำใจไหลหลั่งล้น ออกจากซ่นทุกซอกมุม
    ได้มาโฮมมาตุ้ม หุ่มเอาพวกน้องพี่
    อีสานเฮาทุกมื่อนี้ ไทยพี่น้องมาฮ่วมกัน
    สายสัมพันธ์ฮักหมั่น จากใจน้องได้ว่า
    ค่อยค่อยไหลลงมา เช็ดน้ำตาไทพี่น้อง
    ทั้งพวกพ้องจ่องใส่กัน สั่นแหล่ว แม่ป้าเอ้ย
    แก้ไขครั้งสุดท้ายโดย ข้าวต้มมัด; 04-11-2010 at 00:17.

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    หลานทิดจ่อยจ๋า น้ำท่วมนา ปลาขึ้นบ้าน ท่วมคือกันนั่นหล่ะเนาะ หาหม่องเกาะอยู่บอได้ทางขวาซ้ายไหลอั่งโฮม นั่นแหล่วจ้า อิอิอิอิ กำลังใจที่ดี



    หลานบ่าวจีดส์จ๋า ขอบใจหลายๆเด้อที่แวะมาเป็นกำลังใจใป้กับป้า จ้ากะสิสู้ๆจ้า กำลังใจที่ดี



    ลูกแม่เอ๋ยหญ้านางลูกหล่า อั่นความจริงที่เอ่ยมา กินปลาแท้แทนข้าวตั๊ว อิอิอิอิ มาต่อให้แม่แนหล่า
    กำลังใจที่ดี กลอนมวดีหลายจ้าลูกแม่เก่งๆจ้า





    หลานไก่น้อยจ๋าที่รัก อิอิอิอิ บอเป็นกะเกือบ แล้วหล่ะจ้า ผีกองกอยน่ะ อิอิอิ กลอนมวนเนาะจ้าแต่งได้มวนดีจ้าเก่งๆ
    ย้อนบอมีแนวนั่น ย้อนบอมีแนวนี่ หิวอีหลีกะยังว่า เหลียวเห็นปลาทอนั่นแหล่ว
    แนวอยู่น้ำมีแต่ปลานี่แหล่วจ้า ขอบใจจ้าที่มาเป้นกำลังใจให้ป้า กำลังใจที่ดี



    หลานข้าวต้มมัดจ๋าที่รัก ขอบใจหลานมากๆเลยจ้าที่มาเป็นกำลังใจให้ป้า มวนหลายแท้เด้อจ้ากลอนผญาของหลาน ขอบใจจ้า กำลังใจที่ดี

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •