หลายๆคนมาหนีหน้า เคยได้จ๋ามาหนีห่าง
เคยมานั่งอยู่ไกล้ คือมาได้ดอกห่างเหิน
แมนสิฮ้องเฮียกเอิ้น เพินประเมินบอมีค่า
เคยฮ่วมพากันกินข้าว ยังเคยเว้าตอกต่อคำ
ซ่างบอจำคือทำได้ ลืมเฮาไปบอกายผ่าน
ลืมหนทางเข้าสู่บ้าน หรือกลัวย้านแมนอีหยัง
หรือแมนซังขี้หน้าแล้ว จัง หลอยหนี บอมีต่าว
เคยถามข่าวกันอยู่เรื่อย มาหนีฮ้างดอกห่างลัย
ทนน้อยใจมาหลายมื่อ ซ่างบอคือคนแต่ก่อน
เปลี่ยนไปไวคือใจฮ้อน มาหายจ้อยจังแมนลืม แท้น้อ
เว้าเป็นตะเหลือต่นแท้จ้าแม่ กลับคืนสู่อ้อมอกไวๆเด้อ...อิอิ
คนเคยเว้ามาหนีหน้า
เทิงวาจากะมาเปลี่ยน
วันปีเดือนหมุนไปหน้า
วาจาเจ้ากะเปลี่ยนตาม...สั่นบ้อ
พ้อคนงามต่างบ้าน
หมานแนวกินบ่ปลิ้นต่าว
เผิ่นพ้อส่าวต่างต้น
โพนหมากเตี้ยบ่หล่ำมอง....สั่นตริ...อิอิ มาแจมนำเด้อจ้าแม่
บ่ได้ลี้หนีหน้า..ลืมวาจาที่เคยกล่าว
ยังคิดฮอดคุณป้าเจ้า..สู่แลงเช้าอยากเอยถาม
เถียวมายามถามข่าวป้า..หลานได้หาของฝากต้อน
เค้กช็อคโกแลตสามปอน..หลานออนซอนเลยซื้อมาฝาก
มีเทิงหมากอึหมากแตง..ฟักแฟงปลูกฮิมฮั่ว
พร้อมหมากถั่วพูถั่วแปบ..ของแซบผักบ้านเฮา
มาซอยเอาไปกินแน..แนวมันแพออกเหลือหลาย
เอาไปหย่ายมวลพี่น้อง..คะนองก้ำอยู่ต่างแดน..นำเด้อค่ะคุณป้าเอ่ย
ซงคุณป้าเป็นตาเหงากะเลยมาเว้าเป็นหมู่:l-
อิอิอิ ขอบใจหลายๆเด้อจ้า ลูกหล่า หญ้านางลูกของแม่ แมนอีหลีเอาแท้แท้อีหลีเด้ลูกแม่เอ้ย
คนที่เคยมาจ๋าต้าน บอกายผ่านพอให้เห็น จั๊กเพินเป็นอีหยัง กะซ่างเป็นไปแนวนั่น
ต่อให้แม่แนจ้าลูกรัก อิอิอิ กำลังใจที่ดี
โอ้โห ป๊าดดดดดดดดดด หลานจำปาจ๋าหลานที่รัก แมนเจ้าหอบอีหยังแท้มากมายตั้งหลายอย่าง
จั๊กแมนหยังต่อหยัง ซ่างเอามาให้ยาก หนักหิ้วบอหล่ะหลาน พุ้นของหวานก็มีพร้อม
เค๊กหอมๆแซบอร่อยอิอิอิ หลานจำปาเอ้ย แนวหมากอึ หมากแตง ฟักแฟงเอามาให้ สิเก็บไว้
ถ่าเฮ็ดแกง สีเขียวแดงบักพริกนั่น เอามาปั๋นป้าแฮงมักซั้นแหล่วจ้า อิอิอิ
ขอบใจมากๆเด้อจ้าหลาน กำลังใจที่ดี
แก้ไขครั้งสุดท้ายโดย chudhancock; 05-11-2010 at 18:34.
ป้าเอ้ย...ผ้อของดีเผิ่นหนีซ่ำไปลอยลำน้ำเวินใหม่
เห็นสาวอื่นสีคือไค..บัดได๋ลืมผู้อยู่บ้านเคยจาต้านว่าฮักหลาย
สามปีปลายเพิ่นบ่อเตื้อง มีแนวเคืองหือเปิดหน่าย
บาดย่างกายกะก้มหน้า สังมาล้าเมื่อยผะไท
ป้าเอ้ย...หันมาเบิ่งผู้อยู่ใกล้ ใจยังฮ่ำคะนิงหา
เขาบ่อมาหัวกะซ่างตาม หยามพร้อม
ลูกหลานยังยอป้อม หัวใจดอมต้อมเข้าใส่
สิบ่อหนีไปไส บ้านมหาบ่อนฮักตุ้ม ยังหอมหุ้ม ห่วงนำ เจ้าอยู่เด้
ป้าเอ้ย...
c06: ฮักบ้านมหาคักกะยังว่า
อิอิอิ หลานคนพนมไพรจ๋า หลานที่รัก ป้าขอขอบใจหลานมากๆเลยจ้า ที่มาคอยเป็นกำลังใจให้ป้า กลอนผญาของหลาน มวนหลายจ้าเก่งๆ
โอ๋ยน้อหลานเอ้ย มีหลานมาคอยจ๋าเว้า
ซ่อยคลายเหงาพอไคแน เพินบอแคร์ป้าบอข่อง
บอขอร้องให้เพินมา ปล่อยเพินสาไปทางได๋
กะตามใจเพินไปโลด ป้าบอโกรธโทษเพินแล้ว
กะแนวโตมันไร้ค่า แล้วแต่วาสนา บุญป้ามีพอซ่ำนี่
เพินหนีแล้วกะปล่อยไป นั่นแหล่วหลานเอ้ย อิอิอิอันนี่จ่มเด๊นี่หลานบอแมนผญาเด๊จ้าอิอิอิ
แก้ไขครั้งสุดท้ายโดย chudhancock; 05-11-2010 at 20:11.
เปรียบใจคนคือสายน้ำ ไหลไปตามลำธารต่อ
สิไปขอจังได๋ได้ ให้ไหลย้อนดอกสู่คืน
เปรียบคือฟืนที่ไฟไหม้ สิหาไสให้คือเก่า
เหลือขี้เถ้าทอนั่น อย่าฝันได้ดอกซ่ำฟืน
น้ำบอคืนคั่นไหลย้อน จริงแน่นอนเป็นคำกล่าว
ใจบอต่าว ย้อนคือน้ำ บอมีซ้ำว่าสิเห็น นี่แหล่ว
คนเคยคุ้นยังขอบคุณอยู่คือเก่า
คอยเทียวมาจาเว้าอ่านแล้วกะอุ่นใจ
อิอิอิอิ โอ้ยขอบใจหลานพีมากๆเลย ที่แวะมาอ่านกลอนป้า กำลังใจที่ดี
แค่เห็นหลานผ่านมาเว้า อันความเหงาก็เซาซ่วง นี่แหล่วจ้า
ทุกทั้งปวงเคยแบกไว้ คือบอได้แบกอีหยัง แล้วเด๊ตอนนี้ อิอิอิ
คนเคยจ๋าปากเว้า บอเห็นเงา บอเห็นไง
ไปทางได๋แล้วบาดนี่ คือมาลี้แลนหาย
หรือแมนหนีไปอยู่ใต้ หรือแมนหายไปซือๆ
มาเห็ดคือแท้หล่ะเจ้า หรือไปเว้าอยู่กับไผ๋
อยู่ภาคเหนือกะขอให้ อยู่ภาคได๋ให้ฮู้แน
ว่าคนแคร์คองคอยถ่า มาจ๋าต้านให้หมั่นใจ แนเถาะ อิอิอิอิ
กฎการส่งข้อความ
อ้างข้อความนี้
Bookmarks