หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: ... หนึ่งพอศอรอกายข้าม อยากถามเจ้าเว้าดั่งเดิมบ่อ้าย..

  1. #1
    แบ่งปันความรู้และประสบการณ์
    วันที่สมัคร
    May 2007
    กระทู้
    184

    ... หนึ่งพอศอรอกายข้าม อยากถามเจ้าเว้าดั่งเดิมบ่อ้าย..


    ... หนึ่งพอศอรอกายข้าม อยากถามเจ้าเว้าดั่งเดิมบ่อ้าย..

    ยังฮักกันคือเดิมเค้า หรือนานเก่าจนลืมเลือน มาถามเตือนทางหัวใจ เกิดหวั่นไหวหล่ะบ้ออ้าย

    ทุกความหมายยังคงมั่น จากคืนวันที่ผันผ่าน หรือเนิ่นนานจนลืมน้อง ที่คองถ้าว่าฮักเสมอ

    สายฝนเจอเด้อกายข้าม ทุกโมงยามตามผันเปลี่ยน ส่วนคำเขียนเวียนฮักเจ้า กะยังเว้าอยู่ดั่งเดิม

    จากมื้อฮักอ้ายริเริ่ม เกิดเติมต่อก่อสัมพันธ์ เส้นทางฝันปันความหวัง บ่อาจพังยังคงมั่น

    เปรียบแสงจันทร์นั้นคงฟ้า ดวงดาวหนาฟ้าบ่เปลี่ยน ลมหนาวเวียนเพียรถามเว้า กะมีเจ้าบ่หวั่นไหว

    อยากถามใจไผคนนั้น ยังมีกันมั่นคงบ่ หนึ่งพอศอรอกายข้าม อยากถามเจ้าเว้าดั่งเดิม อยู่บ่น้ออ้ายยยยย

    [RADIO]http://www.file2go.com/mrun.php?me=207s3[/RADIO]


  2. #2
    ร่วมถ่ายทอดความรู้สู่สังคม สัญลักษณ์ของ ลาวดีน้อย
    วันที่สมัคร
    Jul 2009
    ที่อยู่
    อยู่ในใจเสมอ
    กระทู้
    1,264
    บล็อก
    3
    ยังฮักคือเก่าจ้า ฮักทุกคนเลย อิอิอิ

    ม่วนจ้า พี่แพร คนกะตาฮักแต่งกะม่วนเนาะจ้า

  3. #3
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    หนึ่งพอศอรอกายข้าม อยากถามเจ้าเว้าดั่งเดิมบ่อ้าย..


    ฝากถามนำแน๊น้องแพร....
    เหมือนใจจะขาด เมื่อโทรหาเธอไม่รับสาย เฮ็ดหยังอยู่น้อบ่รับสาย
    คนบ่งามแต่เท่ อิ อิ

  4. #4
    กี่พอศอสิกายข้าม คันแม่นถามยังคือเก่า
    อีกกี่ฝนหรือกี่หนาว ยังคงเฝ้ารอน้อง ใจสี่ห้องกะดั่งเดิม
    นับแต่มื้อแรกเริ่ม รักเติมต่อก่อสัมพันธ์
    ทุกๆวันยังมีเธอ อยู่เสมอในใจอ้าย
    ย่านแม่นหลายกว่าตะกี้ ความรักพี่แม่นสุดใจ
    คิดห่วงใยและห่วงหา ทุกเวลาบ่มีเว้น
    ดั่งตะเว็นอยู่คู่ฟ้า ดวงจันทราคู่ดาวส่อง
    อ้ายกะยังมีแต่น้อง เต็มทุกห้องป่องมะโน
    รักษาโตแน่เด้อหล่า มื้อห่างตาย่านล้มป่วย
    ห่วงเพราะฮักคนสวย ด้วยหัวใจในฮักมั่น ทุกวันอ้ายบ่ม่ายลืม
    ฟ้าสิหม่นฝนสิคลื้ม ลมสิตื่มเต็มความหนาว
    ก้อนเมฆขาวสิแล่นหนี แต่ใจพี่ยังมีน้อง
    ยังคงคลองความฮักหมั่น เส้นทางฝันยังคือเก่า
    คำที่เคยเอ่ยฮักเจ้า ยังคงเว้าบ่เปลี่ยนแปลง
    มื้ออ่อนแฮงแรงโรยล้า ขอคำว่าคิดถึงกัน
    เป็นแรงดันให้คนรอ ต่อสู้งานในวันวุ่น
    ฝากไออุ่นมานำฟ้า กลายเป็นผ้ามาคลุมไหล่
    ฝากลมหนาวเป็นสายใย แทนหัวใจที่ฮักเจ้า พร้อมคำเว้า..รักนิรันดร์ ..



    มาขอแจมนำน้องแพรจ้า..ครับ ผญาซึ้งม่วนหลาย เลยมาขอแป๋ไปนำเพิ่นครับ 555
    แก้ไขครั้งสุดท้ายโดย พลายแก้ว; 08-11-2010 at 11:53.

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    มวนและก็ซึ้งหลายจ้าหลาน น้องแพรจ๋า


    พุ้นหลานบ่าวก๋าคามแฮง หวานคัก มวนคักป๊าดดดดดดดดดสุดยอดเลยจ้า อ้าวหลานน้องแพรจ๋ามาแก้ให้เพินแม๊ะ แก้กลอนจ้า อิอิอิแก้กลอนผญานั่นดอกจ้ามาๆฮิบฟ้าวแนจ้า ป้านั่งถ่าอ่าน ยุนี่ อิอิอิ

  6. #6
    แบ่งปันความรู้และประสบการณ์
    วันที่สมัคร
    May 2007
    กระทู้
    184
    น้องแพร กะต้องขอขอบคุณสำหรับคำแนะนำ และชื่นชมของสมาชิกทุกท่าน ทุกคนเด้อจ้า

    น้องลาวดีน้อย
    เอื้อยแพร กะต้องขอบคุณขอบใจ สำหรับการชื่นชมกันเด้อจ้า น้องลาวดีที่น่ารักคือกันจ้า


    pui.lab
    เอื้อยปุ้ยที่น่ารักเสมอ แม่นรอสายไผหล่ะเอื้อยคือใจสิขาด ถ้าโทรไปเขาบ่รับหน่ะจ๊ะ


    บ่าวก๋าคาม
    ผญา อ้ายบ่าวกำคาม กะม่วนคือเก่าเด้อจ้า เป็นแฟนประจำนำคนหนึ่งยุเด้อจ้า

    รักษาโตแน่เด้อหล่า มื้อห่างตาย่านล้มป่วย

    ห่วงเพราะฮักคนสวย ด้วยหัวใจในฮักมั่น ทุกวันอ้ายบ่ม่ายลืม


    ขอแก้ไข ผญา อ้ายหน่อยหนึ่งได้บ่จ้า ตามนั้นเด้อจ๊ะ


    chudhancock
    ขอบคุณ คุณป้าลำซิง ที่ชื่นชมลูกหลานเด้อค่ะ คุณป้า ถ้ามีโอกาส หรือเวลากะสิได้
    มาโพสเล่น ๆ ม่วน ๆ นำกันเนาะจ๊ะ


    เพิ่มเติมจ้า แก้บ่าวกำคาม



    จากปีเดือนที่กายข้าม ทุกโมงยามหากคือเก่า สาดแสงเงาความคิดพ้อ กะรออ้ายบ่เปลี่ยนผัน

    สามสิบวันพลันเดือนค้อย อ้ายทิ่มปล่อยคอยเดียวดาย จากหนึ่งสายหลายโทรหา บ่เคยจาหาเสียงอ้าย

    เพียงทักทายสายลมต้อง บ้างเหมิ่อมองท้องฟ้าหม่น เกิดสบสนจนใจท้อ ว่ารอถ้าเพื่อสิ่งใด๋

    กะเพียงใจที่คงมั่น ด้วยสัมพันธ์ยังคือเก่า หากหยุดเซาจากฮักน้อง อย่าตั๋วต้องจ่องเวลา เด้ออ้าย

    :l-

    แก้ไขครั้งสุดท้ายโดย น้องแพรจ้า; 07-11-2010 at 19:19.

  7. #7
    สุดยอดๆๆๆ ม่วนหลายจ้าเอื้อยแพร นางขอเว้าแจมนำจักหน่อยเด้อจ้า


    หนึ่งพอศอที่เคลื่อนข้าม
    ถามหัวใจอยู่หน่ำๆ
    คึดฮอดคำอ้ายเว้า
    คึดฮอดเจ้าหม่อมพะนาง
    คิงสะอางอวนอ้าย
    หายไปบ่โค้งต่าว
    คึดฮอดคราวจาเว้า
    เวียนข้องจ่องผะอวน
    .....แท้น้อ

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    โอ้โห หลาน น้องแพรจ๋า แก้ตอบ หลานบ่าวก๋าได้มวนหลายเนาะจ้า เก่งแท้แท้เลยจ้า ป้ามาจอบอ่านกลอนของหลานจ้าม๊วนมวน




    พุ้นน่ะ ส่วกลอนของลูกหญ้านางก็บอต้องเว้าถึงดอกจ้ามวนสุกลอนอยู่แล้วคือกันจ้า มีแต่คนแต่งเก่งๆมวนเนาะจ้า
    แก้ไขครั้งสุดท้ายโดย chudhancock; 08-11-2010 at 00:41.

  9. #9
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    629
    แต่งบ่เป็นนำดอกจ้า....แวะมาจอบอ่านซื่อๆ......
    เก่ง ๆๆ มีแต่ผุเก่งๆ...
    เอ๋า...บ่าวก๋าคาม หมอลำฝ่ายชายหายไปไสหล่ะ มาสู้เค้าถะแม้........

  10. #10
    น้องแพรจ้า...สุดยอดครับ ขอบคุณสำหรับคำแนะนำดีๆ ที่แต้มเติมความขาดหายให้เนาะครับ ขอน้อมรับด้วยความยินดียิ่งครับ บูยยยย..เปลี่ยนแล้วม่วนคักบาดนิ ฮ่าๆๆๆๆ ได้มือโปรมาซ่อย ขอบพระคุณมากมาย ดีใจหลายๆๆๆๆ คัก :l-


    ขอบคุณครับ..พี่น้องที่เป็นกำลังใจให้ทุกคอมเมนท์ กำลังใจอันดีงามขอน้อมรับด้วยหัวใจและขอบคุณอย่างสุดซึ้ง ขอรับ...กระผม..:l-



    ต่อผญา น้องแพรจ้า..ครับ



    วันเดือนปีสิกายข้าม ทุกโมงยามยังคือเก่า
    บ่เคยเซาความคิดฮอด บ่เคยมอดความคิดถึง
    มีตะฮักหนักอึ้งตึ้ง เต็มตึ่งอยู่ในใจ
    ถึงตัวไกลใจยังเนาว์ แนบมะโนนำนางน้อง
    แม่นว่าสองเฮาห่างหน้า สายโทรหาได้คือเก่า
    ถึงบางคราวยากเวียกบ้าง เลยบ่ว่างสิรับสาย
    อย่าฟ้าวคิดเด้อว่าอ้าย สิปันใจให้ผุอื่น
    ทุกๆคืนคิดฮอดน้อง จนนอนฮ้องพ่องน้ำตา
    ขอให้หมั่นคงเด้อหล่า อย่าชายตาแนมผู้ใหม่
    ยังฮักเจ้าสุดหัวใจ ขอคนไคอย่าใจน้อย ถึงเว้าหน่อยแต่ฮักแฮง..คนงามเอ่ย..
    แก้ไขครั้งสุดท้ายโดย พลายแก้ว; 08-11-2010 at 12:39.

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •