นั่งเฝ้าเถียงเลี้ยงวัวน้อย ใจเหงาหงอยมิดจี่ลี่ สาวผู้หนีจากบ้าน บ่หวนฮู้ข่าวคราว
อ้ายนั่งหาวโต้ลมฮ้อน อยู่เถียงนากลางโท่ง คิดฮอดแต่โฉมยง เคยนั่งเว้ากับอ้าย หลายเดือนแล้วที่ผ่านมา
ฮอดเมษาสงกรานต์แล้ว บ่เห็นแววเงียบมิดหมี่ หวนคิดพ้อบ่คนดี คำวจีว่าฮักเจ้า คนเคยเว้าแต่เก่าหลัง
ปลาลงวังแดดฮ้อน ฮ้องคับดอนจักกระจั่น อ้ายรำพันกับแม่แล้ง ได้นั่งเศร้าเป็นหมู่หมา
คิมหันต์มาพาใจเศร้า ฮ้อนจนเยาแล้วทางพี่ คิดฮอดเจ้าอี่หลี จั่งได้จาปากเว้า เอาความเศร้าฝากส่งลม....คนงามเอ๊ย
.................................................................................................................... แต่งไปจั่งซั้นหล่ะ จักม่วนบ่ม่วนเนาะ ....................................
Bookmarks