--- เศษส่วนฝันยามทดท้อ ขอเพียงอ้ายได้ทดแทน ---

**บ่าวโจ่โล่** · 08-11-2010, 12:07

กดมาเด้อทางเบอร์อ้าย ถ้าอยากถ่ายความรู้สึก ในส่วนลึกของหัวใจ อยากบอกไผอย่าลืมอ้าย

ทุกความหมายที่คอยแจ้ง หรือแสดงความไหวหวั่น อย่าลืมกันในมื้อนี้ ว่ามีอ้ายอีกหนึ่งคน

หากสับสนปนใจท้อ กะยังรอถ้าฟังข่าว หรือฮักฟาวด์จากคนนั้น ปันความเศร้าอ้ายแน่เด้อ

รอเสมอทุกคำเว้า อยากเป็นเงาสู้ไหวหวั่น บ่สำคัญฐานะอ้าย ขอเธอพ่ายจากทุกข์ใจ

แค่ห่างไกลบ่เห็นหน้า หวังมีค่าพาเธอสุข ดึงความทุกข์จากผิดหวัง เจ้ากะยังคงมีอ้าย

เสียงตามสายมาเด้อน้อง คอยถ้ารองความไหวหวั่น เศษส่วนฝันยามทดท้อ ขอเพียงอ้ายได้ทดแทน น้องสาวเอ๊ยยย

[4SHARED]http://www.google.co.th/embed/381765269/116372b2[/4SHARED]

:l-

เพลงประกอบ : คนน่าฮักอกหักบ่คือ

นางแบบ : น้องมิ้นท์ นางแบบจากแถวรังสิตเด้อพี่น้อง

**ไก่น้อย** · 08-11-2010, 12:28

อุกเด้อุกในใจเศร้า อุกยามเหงาคิอดฮอดเพิ่น
ตกกะเทิ่นสิได้พ้อ กะมาจ้อจากกันไป
ซาหัวใจไปเมิดอ้าย ผู้นางหมายเฝ้าคิดหน่ำ
หลงฝากคำฮักอ้ายไว้ ผั่นไปจ้อยบ่หล่าวลา สั่นเด่ .......

บึ่ย...ภาพประกอบแมะ น้องมิ๊นท์แมะ ลูกสาวรึหลานสาวหละอ้าย ฮ่าๆๆๆ

**พลายแก้ว** · 08-11-2010, 12:45

ยังคงม่วนนวลหู อู้ฮู้..สุดยอดครับอ้าย บูยยยย มาแต่งม่วนคักแทะ
ถืกใจแฮงเด้บทนี้แมะ หวานซึ้งตรึงใจ อ่านแล้วน้ำตาไหลย่อนออนซอนเพิ่นแต่งได้ม่วนคัก บ่แม่นกำลังมีฟามมมมรักแล่นตำหัวใจบ่น้อ อ้ายข่อย 555555

**๛หนุ่มบ้านไกล๛** · 08-11-2010, 13:19

สะออน นำกลอนผะหยาเด้ อยากแต่งเป็นคับ เอาเป็นว่า ตอนนี้สมัครเป็นแฟนคลับ ก่อนกะแล้วกัน เดี๋ยวสิลองศึกษา สัมผัสนอก - ใน จากบทกลอนก่อน ขอบคุณสำหรับ กลอนผะหยา ซึ้งๆ เด้อคับ สิติดตามอ่านต่อไป

**pcalibration** · 08-11-2010, 13:47

กดเบอร์โทรฮัลโหลอ้าย สุขสบายดีแหน่บ่
มาคือหม่วนกะดัก มาคือคักกะด้อ ไผน้อสังหว่าเขียน
สาวนักเรียนก่ะจนไห้ สาวมหาฯลัยกะจนจ่อย
สาวออฟฟิศกะจนม่อย สาวส่ำน้อยป่วงละเมอ
ส่วนกระผมกะต้องเพ้อ อยากขอเบอร์ไว้นำแหน่
คั่นเปียแชร์บ่ได้สิมาไห้แหม่นสู่ฟัง...ยืมตังค์แหน่บัดแชร์ล่ม
มาหยอกอาจารย์โจ่ฯ"ไซโลผญาหาย"คือสิแหม่นได้ใหม่แล้วหล่ะพี่น้อง
ยังคงม่วนชวนฝันทันสมัยhi7อัพเดทดอทคอมซอมเบิ๊งซอมเบิ่ง

**น้องแพรจ้า** · 08-11-2010, 13:59

อาจารย์ น้องแพร คารมณ์คมคำ ยังคงย้ำเสมอ ว่า ฝีมือคือเก่าค่ะอาจารย์โจ่

:l-

**๛หนุ่มบ้านไกล๛** · 08-11-2010, 14:05

บ่โทรหา บ่แม่นว่าบ่คึดฮอด....

บ่โทรหามาสองมื้อ ย้อนมือถือบ่มีเงิน หัวใจเอิ้นคะนึงหา ย่านเจ้าว่ามาลืมกัน

นอนหลับฝันเห็นแต่หน้า กะย้อนว่าคึดฮอดหลาย อยากเห็นหน้าผู้อยู่ไกล เป็นจั่งได๋น้อเดี๋ยวนี้

มิดจี่หลี่บ่โทรหา บ่แม่นว่าบ่คึดฮอด ฝากสายลมแทนอ้อมกอด อย่าลืมคึดฮอดอ้ายแหน่เด้อ ซันแล๋ว

ปล. เป็นกลอนผะหยากลอนแรกคับ นั่งแกะ สัมผัสนอก - ใน มาเบิ่งแล้ว ได้สำนี้ละครับ ได้แรงบันดาลใจจาก บ่าวโจโล่ ครับ ขอบคุณ หลาย ๆ

**chudhancock** · 08-11-2010, 18:28

ใจอยากโทรไปหาอ้าย แต่เกรงใจบอกล้าเอ่ย
อดใจเฉยทำท่านิ่ง ที่จริงแล้วเกือบแมนตาย
คิดเห็นซายในยามนี่ เห็นความดียามน้องหม่น
ขออดทนเอาดอกอ้าย อยากอายเจ้าคั่นเว้าไป
ระอายใจกะพองนั่น บออาจหาญรบกวนพี่
คุณความดีจากใจอ้าย สิเก็บไว้แมนบอลืม นี่แหล่ว อ้ายเอ้ย

หลานบ่าวโจ่โล่จ๋า อาจารย์ ป้ามาขอหัดเว้านำแนจ้า เห็นกลอนหลานแล้วอ่านแล้ว มวนซึ้งหลายจ้า