ยำปลากระป๋องกับแกงจืดเต้าหู้หมูสับใส่สาหร่ายทะเล

[ติ๋ม เปอร์โย]

ผ่านไปอีก1อาทิตย์ที่ทรมานสำหรับติ๋มเนาะจ้าพี่น้อง...ทรมานแบบใด๋? เมื่อยสุดๆเลยหละจ้า
ปรกติติ๋มสิทำงานเวลาบ่าย3โมงแลงฮอด5ทุ่มตลอด...นอนเดิกๆตื่นเที่ยงๆประมาณนี่ประจำ
แต่ช่วงนี่2เดือนกว่า ติ๋มติดไปเรียนเพิ่มเติมจ้า ตื่นแต่ตี5เคิ่ง...อาบน้ำแต่งโต ไปเรียน ขับรถไปกลับ100กิโลเมตร
เป็นอิหยังที่ทรมานหลาย ขับรถช่วงเช้ารถติดมากกกกก...ไฟแดงเดียวติด3-4ครั้งกะบ่ได้ไปบางครั้ง ใจสิขาด
ยามแลงมาอ่านหนังสือ...ง่วงแต่บ่ทันได้กินข้าวแลง5555++คั่นติ๋มทำงานในหมู่บ้านนี่ลาออกแต่โดนแล้วหละจ้า โพดบ่มักแฮง
อันนี่ว่าเป็นเวลาช่วงสั้นๆ เลยอดทน พะนะ...ยามติ๋มทำงานสบายคัก ตื่นสายๆ
ขับรถยามกลางคืน สบายรถบ่ติด...บางมื้อขับอยู่คนเดียว คนอื่นจักไปไสเบิด อิอิ
จ่มๆให้ฟังคักๆแล้วกะหาแนวมากินบาดทีหนี่พี่น้อง....:l-
มื้อนี่กะเกือบแม่นบ่ได้กินข้าวแลง นอนแต่4โมงแลง 3ทุ่มจังตื่น หิวข้าวว่าซั่น...อิอิ



เมนูแรก ยำปลากระป๋อง....



เครื่องปรุง
ปลากระป๋องยี่ห้อใด๋กะได้ ที่เขาส่งมาขายให้กินนะจ้า...บ่ติ
ตะไคร้+หอมแดงซอยบางๆ ขิง+แครอทหั่นเส้นนิดหน่อย
ต้นหอม+ผักชี+พริกขี้หนูสวนหั่น....หมากนาวหั่นซีก ใบสะระแหน่เด็ดๆเตรียมไว้
น้ำปลา+น้ำตาลปรุงรส
เอาชามมาใบหนึ่ง...ใส่น้ำตาลหยิบมือหนึ่ง บ่ต้องหลาย ใส่น้ำปลานิดหน่อย บีบมะนาวลงไป
คนๆ แล้วใสเครื่องสมุนไพรทั้งเบิดลงไปคลุกให้เข้ากัน...อันดับสุดท้ายใส่ปลากระป๋องคลุกเบาๆ
ตักใส่จาน โรยใบสะระแหน่.....



ต่อมาเป็นแกงจืด...อากาศหนาวๆ เทิงลมเทิงฝน ซดน้ำแกงฮ้อนๆ เฮ็ดให้ร่างกายอบอุ่นดีจ้า



เครื่องปรุง
หมักหมูสับใส่ กระเทียม+พริกไทย+รากผักชีตำๆ แล้วใส่เกลือ+ซีอิ๊วขาว+วุ้นเส้นแช่น้ำพอนิ่มตัดสั้นๆ
เห็ดหอมแช่น้ำให้นิ่ม หั่นสี่เหลี่ยมลูกเต๋าเล็กๆ...นวดๆให้เข้ากัน พักไว้
เตรียมผัก หั่นหอมใหญ่เป็นลูกเต๋าใหญ่1หัว...แครอทหั่น2หัว
ซูกินีหั่นเคิ่งลูก ผักกาดขาวหรือแล้วแต่สิหาได้อีกจักอย่าง2อย่าง...
จัดการต้มน้ำซุป(น้ำ+ซุปก้อน) พอเดือด ปั้นหมูสับใส่ลงไป ใส่เห็ดหอมจัก2-3ดอก
ใส่หอมใหญ่ แครอท พอผักสุกชิมรสก่อนปรุง ติ๋มเติมแค่ซีอิ๊วขาวนิดหน่อยจ้า
แล้วใส่ผักที่เหลือลงไป(ผักสุกง่าย)...หั่นเต้าหู้ถั่วเหลืองให้เป็นท่อนใส่ลงไป
ปิดไฟ...เอาสาหร่ายใส่ถ้วย ตักแกงฮ้อนๆใส่ลงไป สาหร่ายนิ่มง่าย บ่จำเป็นต้องต้มจ้า
โรยแกงด้วยใบผักชี...



มาเด้อบาดทีหนี่ กว่าสิได้กิน4ทุ่มพอดี....ซั่นหละผู้ใด๋บอกให้ไปนอนก่อนหละ....
เฮ็ดกินเบิ่งเด้อจ้า...เฮ็ดบ่ยากดอก ติ๋มมักกินข้าวดำข้าวแดงแบบนี่หละจ้า...แซบดียามหิวจนตาลายเนาะ อิอิอิ....

[สะใภ้อิสาน]

ขอซดแกงจืดด้วยคนจ้า ช่วงนี้ทานอะไรไม่ค่อยลง

[กำลังใจ]

อาหารน่าทานสุดๆ เลยจ้า.............................

[หล้า]

ขอแกงจืดนะค่ะหน้าทานจั่งเลย......

[สาวบ้านแต้]

ยำปลากระป๋องสุดยอดสุดๆ ปลาซาดีนอุดมไปด้วยโอเมกา3บำรุงหัวใจ ตระไคร้สมุนไพรไทยๆขับลมแก้จุกเสียด เมนูสุขภาพแท้ๆๆจ้า

[pui.lab]

แกงจืดเต้าหู้ ซดน้ำฮ้อนๆ แซบจ้า :b-b

[nuzing]

สมกับตำแหน่งแม่ครัวดีเด่นคักหล่าติ๋ม :b-b:b-b("ยำปลากระป๋อง"บาดยายเฮ็ดมันคือบ่แซบ หน้าตากะบ่เป็นตาอยาก )

[sompoi]

แกงจืดซดฮ่อนๆเนาะ ส่วนยำปลากะป๋องไว่กับแกล้ม..:b-b เนาะเจ้ ฮ่า
ปล. เหมิดโควต้า ขอบคุณซ้ำสั่วสิมาฮฮดหม่องนิ

[ติ๋ม เปอร์โย]

ขอบคุณหลายๆจ้า ที่มายามกระทู้....

คุณยายจ๋า...ผักชนิดใด๋สีสดใส ใส่ลงไปเลยจ้า.....

มาซวนดื่มกะดีใจแล้วจ้าพี่มิค...เสาร์ อาทิตย์เนาะ เข้าชีวิตเดิมๆ เอ้ายก :b-b ....อิอิ

[บ่าวอิง]

มักแกงจืดคับ มีข้าวกล้อง กินแล้วคือสิมีแฮงเนาะ ว่าแล้วไปตลาดซื้อมากินก่อนนา