หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: ลืมเถิดหัวใจ

  1. #1

    ลืมเถิดหัวใจ

    ลืมเถิดหัวใจ อย่าเก็บไว้ให้ใจหม่น
    คนเฮ็ดให้สับสน อลวนอยู่ทุกมื่อ บ่อคือตี้สิคิดนำ
    จำเอาไว้ในใจ อย่าเชื่อหลายให้เจ้าจื่อ
    ปล่อยให้วันและมื่อ เดือนปีนั้นเป็นสิ่งพา
    คิดอ่านในมื่อหน้า ใช้ปัญญาหาทางใหม่
    เอาชนะใจให้ได้ แก้ไขให้ใช้พระธรรม
    ทำมื่อนิดมื่อหน่อย เอาแสงธรรมนำส่อง
    เฮ็ดให้ใจผุดผ่อง ความหมองเศร้า ให้ไล่หนี
    บุญยังมีจั่งได้ฮู้ เป็นทางส่องพอมองเห็น
    เป็นบ่วงกรรมหรือเวร จั่งได้เห็นได้พบพ้อ
    ความรักน้อแสนสวยงาม แสนโหดร้าย อาจทำลายเพิ่นได้ว่า
    แต่ต้องหาทางสู้ รับมือไว้ให้ดีดี
    สายนธีบ่ไหลย้อน เป็นคำสอนเพิ่นได้ว่า
    เป็นดั่งคำโบราญว่า คือนางหล่าได้กล่าวฟัง พี่น้องเอ้ย
    แก้ไขครั้งสุดท้ายโดย ข้าวต้มมัด; 14-11-2010 at 03:06.


  2. #2
    แต่งตอบนำบ่เป็นดอกครับ แต่ก้อมักเข้ามาอ่านอยู่ การลืมนี่มันเป็นไปใด้ยากครับ

  3. #3
    ดูแลตรวจสอบเนื้อหา สัญลักษณ์ของ wundee2513
    วันที่สมัคร
    Aug 2006
    ที่อยู่
    ตามภารกิจ
    กระทู้
    1,167
    บล็อก
    11
    ลืมจังใด๋เมื่อใจยังคิดฮอด
    หวังได้กอดหัวใจไว้อ้อมแขน
    บ่ได้ไลลืมทิ่มคำว่าแฟน
    ยังฮักแน่นคือเก่าน้องสาวเอ้ย...

  4. #4
    บ่าวจีดส์ ข้าวต้มมัดเข้าใจความรู้สึกนี้ดีค่ะ แต่ก็อยากลองฝืนความรู้สึกแม้จะรู้ว่ามันอยากแน่จักน้อยค่ะ

    พี่ชายเอ้ย "น้องเจ็บแป๋ตายอ้ายฮู้บ่"
    สิเดินหน้ากะบ่ได้ สิถ่อยหลังกะอยากอยู่
    ภายในใจน้องบ่ฮู้ ดูคำเว้าแฮ่งสับสน
    ฟังคำคนสิด่าวดิ้น ต้องตัดสินคือน้องว่า
    แม่นบ่ได้เห็นหน้า แต่สัญญายังฮักมั่น บ่ปันใจให้ผู้ได๋
    ใช้เวลาพิสูจน์ใจ คือน้ำไหลให้เย็นชุ่ม
    แต่กะยังร้อนลุ่ม เห็นหนุ่มเจ้าเว้าแอ่วสาว พี่เอ้ย




    อ้ายบ่าววันดีขอบคุณค่ะที่เป็นห่วงน้องสาว ยังบ่ลืมอ้ายเด้อค้า
    มาบาดได๋กะบ่ธรรมดาเนาะอ้าย กลอนม่วนค่ะแต่งดี
    แก้ไขครั้งสุดท้ายโดย ข้าวต้มมัด; 14-11-2010 at 03:05.

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    หลานข้าวต้มมัดจ๋า ลืมเพินสาคั่นลืมได้
    ค่อยทำใจอดสาอยู่ มาหาหมู่และพวก
    ไปหาพึ่งดอกพระธรรม บอต้องจำเก็บเอาไว้
    สิ่งได๋ได๋บอต้องจือ ถือว่าบุญเฮาแย้
    เป็นคนแพ้กะส่วนยอม เนาะหล่า


    ป้ากะขอให้หลาน บอต้องไปคิดหยังหลายเนาะจ้าป้าขอเป็นกำลังใจให้เด้อ สู้สู้สู้ อิอิอิ

  6. #6
    ขอหอมจักบาดแน่จ้าป้า ฟังวาจาได้ต้านกล่าว
    อันความง่าวลื่นบ้าน หลานได้ต้านให้ได้ฟัง
    มีอีหยังอดสาสู้ ถือเป็นครูพอสอนสั่ง
    น้ำตาหลั่งในมื่อนี้ มื่อหน้าตี้สิเข้มแข็ง
    ออมเอาแฮงรักษาไว้ หวังมื่อใหม่กะยังมี
    ขอยึดเอาความดี บุญที่มีพระธรรมยู้ แน่ท้อน
    แก้ไขครั้งสุดท้ายโดย ข้าวต้มมัด; 15-11-2010 at 06:09.

  7. #7
    เอื้อยข้าวเอ๊ย...

    ฮักแสนฮักกะต้องฮ้าง
    ทางหลายทางได้เดินเดี่ยว
    เขียวแต่ทางใบไม้
    กะยังฮู้ว่าหล่นเหลือง
    เปลืองหัวใจสิหวลโต้
    โอ้อ่าวคะนิงหา
    คนบ่มาหวลฮัก
    กะเหล่าลาสาเด้อเอื้อย....

  8. #8
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    เฮ็ดจั่งใด๋สิลืมได้..ความอาลัยยังคิดฮำ
    ยังจดจำคำพี่เว้า..ว่าฮักเจ้าแต่ผู้เดี่ยว
    พอยามเหลียวเห็นหน้า..ทางวาจาเจ้าบ่เอย
    ทำท่าเสยเลยจากน้อง..ไห้หมองเศร้าโศรกตรม..แท้น้อ

  9. #9
    หล่าน้องหญ้านางเอ้ย เอื้อยนี้ฮักเหลือล้น ซุมเฮาเหล่าผญ๋า
    เช็ดน้ำตาและภาที น้ำใจดีเหลือล้น
    ขอให้เอื้อยได้ซ่น ฮ่มไฮนำหมู่
    บ่อยากอยู่คนเดียว เสียวแท้แต่ด้านหลัง
    หยั่งบ่หยังกะยั่งหย่าน เกิดตำนานอีกคือเก่า
    ย่านกอดเข่านั่งไห้ กินบ่ได้ไข้แล่นลุม เด้หล่า



    ................



    หล่าน้องจำปาเอ้ย ยังฮักหลายยุคือเว้า ยังจำคำเลาเว้าอยู่
    อันคารมณ์คนเจ้าชู้ สิเชื่อได้ดอกจั่งได๋
    เพิ่นแจกใจปานนามบัตร ป้อนคำหวานยุล้ำล่ำ
    เจ้าคิดนำสิตายแท้ หาทางแก้แมนบ่มี เด้อหล่า
    แก้ไขครั้งสุดท้ายโดย ข้าวต้มมัด; 15-11-2010 at 06:31.

  10. #10
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    771
    ถ้าจะรักอย่ากลัวความพ่ายแพ้
    ผู้ชนะทุกคนล้วนแล้วแต่มีบาดแผลด้วยกันทั้งนั้น....บู๋ยยยยยย


    หล่านางเอ้ยควมเจ็บซ้ำเป็นแรงใจให้สู้ต่อ
    อย่าสิไปคึดท้อ ใจบ่อขาดฮักต่อไป
    คำโบราณเผิ่นว่า "ฮักกันไว้ดีกว่าซังกัน
    ผูกสัมพันธไมตรีฮักแพงกันเอาไว้"
    ควมเสียใจอย่าเก็บไว้มันเป็นของเล็กหน่อย
    อกหักเป็นเรื่องเล็กน้อย ฮักบ่อเป็นดอกจั่งใหญ่หลวง


กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •