สวัสดีพี่น้องบ้านมหาทุกท่านจ้า มื้อวานนี้อากาศดีจ้า ขามป้อมกะเลยออกหาเลาะ ขับรถไปนอนอ่านหนังสือริมเลจ้า (กะจักจิไปไสเนาะ อยู่กลางทะเล อิอิ)
แต่ว่า กองทัพต้องเดินด้วยท้องจ้า หาแนวกินงายก่อนจ้าพี่น้อง คึดว่าพ้อหยังก่อนกะกินอันนั้นล่ะพะนะ
กะเลยไปพ้อร้านหนมจีนป้าเขียว เข้าท่าๆ จ้า บ่ได้กินหนมจีนปักษ์ใต้ดนแล้ว ส่วนมากเฮ็ดตะน้ำยาป่าบ้านเฮากินเอง ตามขามป้อมมาซิมได้เลยจ้า
กินหนมจีนปักษ์ใต้กะต้องนี่เลยจ้า แกงไตปลา แซบ เผ็ดสะใจขนาด แม่ค้าเพิ่นตักใส่หม้อน้อยๆ ตั้งไว้ให้ตักได้ตามใจ มากับผักถาดใหญ่ให้เลือกกินได้ตามใจจ้า
ถึกใจคนมักกินผักหลายๆ
อันนี้ผู้เพิ่นไปนำ กินน้ำยากะทิแทน บอกว่าสู้ความเผ็ดบ่ไหว อิอิ ถ่ายรูปนำกะบ่ทันจ้าพี่น้อง แหว่งไปแล้ว
เผ็ดจนไปต่อบ่ได้ จนต้องหาแนวแก้เผ็ดจ้า "ไข่ต้ม" เห็นหมากมี้สุกเพิ่นปาดขายไว้หน้าร้าน ชิ้นละ 20 บาท ซื้อไปนำจ้าไปกินริมเล
เอาบรรยากาศแถวๆ ริมเลมาฝากจ้า เงียบสงบ เหมาะกับการพักผ่อน นอนอ่านหนังสือ อิอิ
นอนๆ ไปจนเวลาคล้อยบ่าย รู้สึกหิวอีกแล้วจ้าพี่น้อง คนสิอุดมสมบูรณ์ไปหน้าเพิ่นว่า กะเลยพากันไปหาแนวกินอีกแล้ว
และเนื่องจากมื้อนี้ เป็นวันแห่งความฮัก ขามป้อมกะขออวยพรให้พี่น้องบ้านมหาของเฮาทุกท่าน มีความสุข และมีความฮักให้กันแบบนี้ตลอดไปทุกๆ มื้อเด้อจ้า
Bookmarks