หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 23

หัวข้อ: ประสบการณ์ดีๆ ชน 4 คันรวดของขะน้อย

  1. #1
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    โกรธแล้วน่ะ ประสบการณ์ดีๆ ชน 4 คันรวดของขะน้อย


    ... เฮ้อ..!!! ถอนหายใจดังๆแน่เด้อจ้า หลังจากที่ไปทำบุญมามื้อนี้ จากความฟ้าวที่สิต้องกลับมาเฮดงาน ให้ทันช่วง6โมง จากปากช่องฮอดสูงเนินบนถนนมิตรภาพ มื้อนี้ไก่น้อยกะได้ประสบการณ์ดีๆ (แม่นบ่ฮึ ) เนื่องจากช่วงนั้น เจ้าหน้าที่เพิ่นตั้งจุดสะกัดหยังบุนิ บนถนนมิตรภาพช่วงใกล้ๆทางสิเข้า อ.สีคิ้ว รถของขะน้อยกะขับมาเลนส์ขวามด้วยความเร็วประมาณ 90-100 กม/ชม. รถตู้สีฟ้าคันหน้าของขะน้อยเกิดเบรคกะทันหัน รถของขะน้อยกะเลยต้องเหยียบเบรคแบบลากล้อ พร้อมกับหักพวงมาลัยออกด้ายซ้าย (แนมแล้วว่าพ้นแน่นอน (พุ้นแหล่ว ..)
    แต่บ่เป็นเช่นนั้น เชฟโลเลตคันงามตามตู๊ดรถขะน้อยมาอย่างแฮง กะเฉี่ยวเอาดากรถขะน้อย โดนกันชนอย่างจัง แล้วกะแฉลบ ไปชนกะรถซูซูกิตู้สีฟ้าอย่างจัง ซูซูกิสีฟ้ากะบ่น้อยหน้า ชนกะรถตู้โตโยต้าสีขาวเต็มดากคือกัน
    โชคดียังเป็นของบักแหล่ลูกชายขะน้อยเพิ่นบ่ตำไผ (เดชะบุญพึ่งเปลี่ยนล้อมาตอนต้นเดือน ดีสด์เบรคทำงานได้ดีม๊าก ) สรุปแล้ว รถในที่เกิดเหตูทั้ง 4 คัน กะต้องพากันยกบวนไปโรงพักสีคิ้ว

    โตโยต้าคันสีขาว มาจาก อ.อาจสามรถ ร้อยเอ็ดพี่พี่น้องกลับจากทำบุญคือกัน :l-
    ประสบการณ์ดีๆ ชน 4 คันรวดของขะน้อย

    สภาพบักแหล่ลูกชายขะน้อยหลังโดนเสยก้น ตาน้อยหลุดเลย คำอิแม่
    ประสบการณ์ดีๆ ชน 4 คันรวดของขะน้อย

    หลังจากที่ตำกันชนท้ายบักแหล่ขะน้อยแล้วเพิ่นกะแฉลบไปชนซูซูกิสีฟ้าต่อ พังอย่างคักเลย นางงามเชฟโลเลต เมิดสภาพเลยพี่น้อง อย่างมุ่น
    ประสบการณ์ดีๆ ชน 4 คันรวดของขะน้อย

    โสเล่กันถ่า ตำราจเพิ่นมาเคียร์สถานะการณ์ มือขะน้อยกะสั่นพับๆ ขากะสั่น ตกใจแมะเหว่ย :l-

    ประสบการณ์ดีๆ ชน 4 คันรวดของขะน้อย


    มาเคียร์ที่สถานีตำรวจ กะตกลงกันได้ด้วยดีค่ะ ขะน้อยขอค่าเสียหายเพิ่นไป 3 พัน รถเชพเพิ่นกะต่อเหลือ2พัน และเพิ่นกะขอให้ส่อยเสียค่าปรับให้เพิ่น 400 กับอ้ายจ่าเพิ่นให้ส่อยหยอดกล่องผ้าป่ายุโรงพักอีก 100 เหลือยุพันห้า ฮ่าๆๆ ถือว่าส่อยๆกันเนาะจ้า ฟาดเคราะห์ไปที่เหลือกะแล้วตะเพิ่นสิเคียร์กัน ขะน้อยเลยขอโตกลับก่อน เทือสิแล้วกะหิวข้าวปาเข้าไปเกือบ สามทุ่ม เนาะ

    สภาพบักแหล่ขะน้อย แต่ไฟหลอดน้อยกะ1.3พันแล้ว ค่าเฮดสี ค่าเคาะอีก ฮ่าๆๆโอยย พันห้าสิพอบ่น่อ อิอิ ประสบการณ์ดีๆ ชน 4 คันรวดของขะน้อย
    ประสบการณ์ดีๆ ชน 4 คันรวดของขะน้อย


    จั่งได่กะตามเนาะพี่น้อง รถพังมันซ่อมได้แต่คนพังมันหาอะไหล่บ่มี ไคยุจ้า ชน4คันบ่มีผู้ได่ได้รับอันตรายจักคน ของเสียหายกะซ่อมไปเนาะจ้า
    เรื่องนี้กะสอนให้รู้ว่า ไผเป็นตำรวจกะอย่าตั้งด่านยามมื้อแลงหลายมันทัศนะวิสัยมองยาก ฮ่าๆๆ (อย่าบอกเพิ่นมาจับขะน้อยเด้อหละ อิ อิ)
    แก้ไขครั้งสุดท้ายโดย ไก่น้อย; 15-11-2010 at 04:43.

  2. #2
    ไคยุจ้าน้องไก่น้อย โตน้องบ่เป็นหยั่งตี้เนาะ รถพังบ่เป็นหยั่งดอกหล่าส่อมได้ยุ แต่คนเจ็บนี้กะบ่ไหว
    ดูสภาพการณ์แล้วถึอว่าบ่รุนแรง ขอบคุณหลวงพ่อที่ไปเฮ็ดบุญนำโลดจ้าเอื้อยเป็นห่วงยุเด้อ

  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8
    ไปสะออนงานบุญเพิ่นแมะจ้าพี่ข้าวต้มมัด เช่าพระมาร่วม10องค์ในรถ จั่งแม่นเจิมคักจ้า ไคแน่ยุพี่บ่มีไผเป็นหยังตกใจสื่อๆจ้า ฟ้าวรวบรวมสติเว่นำเพิ่นแหล่ว จ้า

  4. #4
    ครีเอทีพ โปรดิวเซอร์ สัญลักษณ์ของ บ่าวข้าวจี่
    วันที่สมัคร
    Dec 2008
    กระทู้
    1,172
    บล็อก
    7
    บ่มีหม่องเคาะพ่นสี...มาห่มบักมี้เด้อครับ...ซ่างกะมี เครื่องมือกะครบ..แต่ว่าพอบ่น้อ 5 พัน ..555
    คนบ่เป็นหยังถือว่าโชคเข้าข้างอยู่เด้อ..

  5. #5
    ขวัญเอ้ยขวัญมาจ้าไก่น้อย คือน้องข้าวต้มมัดว่าแหละจ้า
    โชคดีที่ไก่น้อยบ่เป็นหยังค่ะ

  6. #6
    ร่วมถ่ายทอดความรู้สู่สังคม สัญลักษณ์ของ บ่าวอิง
    วันที่สมัคร
    Aug 2007
    กระทู้
    926
    คนบ่เป็นหยังกะดีคับ อุบัติเหตุเกิดได่ทุกเวลา ขับรถระวังคนข้ามถนนระวังรถคับผม

  7. #7
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,171
    บล็อก
    5
    เอื้อยผมปลอดภัยดีแม่นบ่ เฮ้อออ ถือว่าฟาดเคราะห์เน่อะครับ เป็นห่วงพี่สาวเด้อครับ ขอให้ปลอดภัยทุกเส้นทางครับ

  8. #8
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,379
    ทำลายสถิติพี่แม็กกี้เลย น้องไก่น้อย ของพี่เคยชนแค่ 3 คันรวด พี่เป็นคนชนท้ายสุด อิอิ

    บุญรักษาเนาะ

    พี่แม็กกี้ตอนกลับจากไปทำบุญที่หนองคาย แล้วก็ไปไหว้พระที่เมืองเวียงจันทน์ ก็เกือบเจอเหตุการณ์แบบนี้เหมือนกัน รถหมุนรอบถนนเลยจ้า แต่ดีที่ไม่ทันไปชนใครเค้า หรือเสียบเสาไฟฟ้า คนขับเค้าเก่งอิอิ ...

    โชคดีที่ปลอดภัยค่ะ ตำรวจนี่แหละตัวดีมักทำให้เกิดอุบัติเหตุบ่อยๆ ชอบมาตั้งนักด่านอะไรเนี่ย
    เมื่อวานที่ กทม ก็ชนกัน 13 คันรวด เพราะตำรวจกั้นทางนี่แหละ

  9. #9
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078
    เอื้อยไก่ปลอดภัยดีน้อค่ะ มาเด้อขวัญเอ๊ย....มาอยู่กับเนื้อกับคีง
    หลินใส่ 88 เต็มที่เลยค่ะ 10 X 10 อิอิ....

  10. #10
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ถือว่าฟาดเคราะห์ล่ะอิแม่ข้อยเอ้ย นั่นล่ะเฮ้ดบุญหลายน้องหล้า.. แต่ว่าบักแหล่เอื้อยแม่ะ พอสิได่นั่งเท่ห์ๆอีกอยู่บ่อน้อ กลับงวดหน่านิแม่ะ

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •